390
25 Noyabr – Yazıçı, dramaturq İmran Qasımovun 100 illiyi, (1918-1981)
İmran Qasımov 1918-ci il noyabrın 25-də Bakıda ziyalı
ailəsində doğulub. İmran 1934-cü ildə orta məktəbi bitirdikdən
sonra əvvəlcə Azərbaycan Dövlət Universitetinin filologiya
fakültəsində, sonra Moskvada kinossenaristlər kursunda
oxuyub. Vətənə döndükdən sonra Azərbaycan SSR Nazirlər
Soveti yanında Kinematoqrafiya Komitəsi sədrinin birinci
müavini, “Literaturnıy Azerbaydjan” jurnalının baş redaktoru,
1975-ci ildən ömrünün sonuna kimi (1981) Azərbaycan
Yazıçılar İttifaqının birinci katibi vəzifələrində çalışıb. Xalq
yazıçısı fəxri adına, Azərbaycan Dövlət mükafatına layiq
görülüb, “Şərəf nişanı” ordenləri ilə təltif olunub. İmran
Qasımov Azərbaycan ədəbiyyatının inkişafında mühüm xidmətləri olan ədiblərdən
biridir. O, nasir, dramaturq və ssenarist kimi zəngin ədəbi-bədii irsə malikdir.
Yazıçı Həsən Seyidbəyli ilə birgə qələmə aldığı “Uzaq sahillərdə” romanı dövrünün
ən populyar əsərlərindən olub. Yaradıcılığında dəniz mövzusunun xüsusi yeri var.
Buna “Xəzər neftçiləri haqqında dastan”, “Dəniz cəsurları sevir” (H.Seyidbəyli ilə
birlikdə), “İnsan məskən salır” , “Arzu”, “Xəzər üzərində şəfəq” və digər əsərlərini
misal göstərmək olar. Ədəbi yaradıcılığında müasirlərinin mənəvi zənginliyini,
əxlaqi keyfiyyətini əks etdirib. İmran Qasımov həm də istedadlı ssenarist olub. Onun
ssenariləri əsasında bir çox filmlər çəkilib. Həsən Seyidbəyli ilə birgə eyniadlı roman
əsasında yazdıqları ssenari üzrə çəkilən “Uzaq sahillərdə” filmi xüsusilə geniş şöhrət
qazanıb. Film dünyanın 25 dilinə tərcümə olunub, Asiya və Afrika ölkələrinin
festivallarında birinci yer tutub, Kanadada mükafata layiq görülüb. İmran
Qasımovun ssenariləri üzrə çəkilən filmlərdə fədakar əmək, məhəbbət parlaq şəkildə
əksini tapıb. Müasirlərin və yenilikçilərin hiss və duyğuları aydın şəkildə verilib.
“Onun böyük ürəyi”, “İnsan məskən salır” və s. filmləri bu gün də sevilərək baxılır.
İmran Qasımov 63 il ömür yaşayıb. Bu ömürdə zəngin yaradıcılığı ilə
ədəbiyyatımızda və kino sənətimizdə mötəbər yer tutub. Yazıçı 1981-ci il aprelin
20-də vəfat etmişdir.
Kitabları: “Xəzərin şəfəqləri”, “Uzaq sahillərdə”, “İllər keçir” və s.
Filmoqrafiya: Sovqat (film, 1942), Əbədi odlar ölkəsi (film, 1945), Bakıdan Göy-
gölədək (film, 1947), Xəzər nefti (film, 1948), Qocaman Xəzərin gəncliyi (film,
1972), Zirvə buludu (film, 1972), Yaz harada, biz orada (film, 1984).
Haqqında çəkilən filmlər: Kamillik (film, 1979), Ömür elə qısadır ki... İmran
Qasımov (film, 2016).
İnternetdə:
https://az.wikipedia.org
391
Xarici yazıçılar
9 Noyabr – Rus yazıçısı İvan Sergeyeviç Turgenevin 200 illiyi, (1818-1883)
İvan Sergeyeviç Turqenev 1818-ci il noyabr ayının 9-da Rusiya imperiyasının
Oryol şəhərində anadan olmuşdur. 1827-ci ildə Sergey Turgenev ailəsi ilə birgə
Moskvaya köçmüş, 1833-cü ildə 15 yaşlı Turgenev Moskva Universitetinin
filologiya fakültəsinə daxil olmuşdur. Bir il sonra onlar Peterburqa köçmüş və buna
görə Turgenev təhsilini Peterburq Universitetində davam etdirməli olmuşdur. 1838-
ci ildə elmlər namizədi dərəcəsinə yiyələnən şair Almaniyaya köçmüş, Berlində
qədim latın və yunan dillərini dərindən öyrənmişdir. 1842-ci ildə vətəninə
qayıtmaqla yazıçı, ədəbiyyat sahəsində fəaliyyətə başlamışdır. 1846-cı ildə “Bretter”
və “Üç portret” povestlərini, daha sonra “Mumu”, “Yakov Pasınkov”, “Sakitlik”
kimi məşhur əsərlərini qələmə almışdır. O ən böyük romanlarının toplandığı “Nov”
adlı kitabını 1860-cı ildə artıq Parisə köçdüyü zaman dərc etdirmişdir. Böyük rus
yazıçısı İvan Sergeyeviç Turgenev Puşkin, Lermontov və Qoqoldan sonra XIX əsrin
ikinci yarısında realist rus ədəbiyyatı və ictimai-siyasi fikir tarixində özünəməxsus,
əzəmətli yer tutmuşdur. Onun mənsur şeirləri, hekayə və povestlərində çar
Rusiyasının əsas təzadı-kəndlilərlə mülkədar təsərrüfatının böhranının sərtliklə yox,
dünyagörüşünün liberal təbiətinə uyğun bir yumorla göstərmişdir. Turgenevin
romanlarında harınlıq, avara həyata aludəçilik, rus dvoryanlarının çürüməkdə olan
mənəviyyatını səciyyələndirən əsas əlamətlər kimi pislənilmiş və qarşıya XIX əsr
rus mühitinin müsbət qəhrəmanını yaratmaq probleminin həlli məsələsi
qoyulmuşdur. İvan Sergeyeviç Turgenev 1883-cü il sentyabr ayının 3-də Parisdə
dünyasını dəyişmişdir.
Kitabları: “Atalar və oğullar”, “Mumu”, “Ovçunun xatirələri”, “Seçilmiş əsərləri”
İnternetdə:
www.deyerler.org
392
İncəsənət
17 Noyabr – Azərbaycan musiqiçisi, pianoçu, əməkdar incəsənət xadimi Gülarə
Əziz qızı Əliyevanın 85 illiyi, (1933-1991)
Əliyeva Gülarə Əziz qızı 17 noyabr 1933-cü ildə Bakıda anadan olub. 1955-
ci ildə Azərbaycan Dövlət Konservatoriyasını bitirmişdir. Səid Rüstəmov adına xalq
çalğı alətləri orkestrində, eləcə də Ə.Dadaşov adına xalq çalğı alətləri ansamblında
çalışmışdır. 1966-cı ildən özünün təşkil etdiyi "Dan ulduzu" instrumental
ansamblının rəhbəri idi. Eyniadlı muğamlar əsasında "Şüştər" rapsodiyası,
"Humayun" süitası, "Bayatı-kürd", "Şur" fantaziyalarının müəllifidir. Ansambl
ilə Əlcəzair, Suriya, Livan, Anqola, İtaliya, Bolqarıstan, Efiopiya, İsveçrə, Hindista
n, Finlandiya və s. xarici ölkələrdə çıxış etmişdir. Azərbaycan Mədəniyyət və
İncəsənət Universitetində pedaqoji fəaliyyət göstərmiş, 1966-1988 illərdə musiqi
nəzəriyyəsi kafedrasının müdiri olmuşdur. "Dan ulduzu" ansamblına onun adı
verilmişdir. 1991-ci ildə həyat yoldaşı, kulturoloq Adil Adilovu, Moskva
klinikasına müalicəyə yola salarkən kiçik qızı Nuridə və "Dan ulduzu" ansamblının
istedadlı violonçelisti Minirə ilə birgə balkona çıxır və köhnə balkon uçması
nəticəsində həlak olur.
Filmoqrafiya:Nəğməkar torpaq (film, 1981), Dan ulduzu, tale ulduzu (film, 2001)
İnternetdə:
https://az.wikipedia.org