12
Namuslu insan olmaq istəyirsənsə, ömrünün mənasını vətənə
xidmətdə gör.
D.İ.Fonvizin
Rus dramaturqu
Özünü vətəndaş zənn edən bir kəs Vətənin dərdinə yad qala
bilməz!
A. Nekrasov
Rus şairi
Həqiqi namuslu insan ailəsini özündən, vətənini ailəsindən,
insanlığı isə Vətənindən uca tutmalıdır.
J. L. Dalamber
Fransız riyaziyyatçısı
Vətən uğrunda ölüm həyatın davamıdır.
Cambul Cabayev
Qazax şairi
Vətənin böyüklüyü onun siravi vətəndaşlarının böyüklüyü ilə
müəyyən olunur.
Vətənpərvərlik - ən dərin hörmətə layiq gözəl bir keyfiyyət dir.
Vətəni olmayan insan nəğmə oxuya bilməyən bülbül kimidir.
İnsanın ləyaqəti onun vətənpərvərliyinin gücü ilə ölçülür.
Müasir dövrümüzdə uşaq kitabxanalarının qarşısında duran
əsas vəzifələrdən biri də gənc nəslə vətənpərvərlik hissləri
aşılamaqdır. Bu baxımdan uşaq kitabxanalarında oxucularla
aparılan fərdi söhbətlərin əhəmiyyəti böyükdür. Kiçik və orta yaş
oxucular arasında müharibə mövzusunda “dəyirmi masa”lar təşkil
etmək, söhbətlər aparmaq əhəmiyyətli olar. Söhbət apararkən
oxucuların yaş həddi nəzərə alinmali çıxışlar zamanı dilin sadə və
aydınlığına diqqət yetirilməlidir. Bu zaman müharibə mövzusu
ilə bağlı yazıçı və şairlərimizin gözəl əsərlərindən istifadə etmək
yaxşı olar. Məsələn, Ə. Cəmilin “Can nənə bir nağıl de...” şeirini,
13
Ə. Məmmədxanlının “Buz heykəl”, T. Hüseynovun “Qolsuz
kukla”, Ə. Hacızadənin “İki əsgər”, S. Nuruqızının “Qisas”, Ə.
Quluzadənin “Qadan mənə Qarabağ”, E.Elatlının “Qisas gecəsi”,
S. Müslümqızının “Onlar heç vaxt böyüməyəcək”, G.
İbrahimovanın “Evin kişisi” hekayələrini oxumağı uşaqlara təbliğ
etmək məqsədilə kitabların icmalını keçirmək lazımdır. Orta yaş
qrupuna aid oxucular arasında “Müharibə uşaqların gözü ilə”
mövzusunda rəsm müsabiqəsi keçirmək əhəmiyyətli olar.
Müsabiqə keçirilməzdən əvvəl kitabxanaçı oxucuları mövzu
haqqında məlumatlandırmalı, uşaqlara şərait yaratmalıdır ki, onlar
öz düşüncələrini çəkdikləri şəkillərdə əks etdirə bilsinlər.
Müsabiqənin qalibləri sərgiyə tamaşa edən uşaqlar arasında
aparılan sərbəst səsvermənin nəticələri ilə müəyyən olunur.
Bunun üçün əl işləri əvvəlcədən nömrələnir, kitabxananın oxu
zalında divardan və yaxud rəsm sərgisi üçün nəzərdə tutulan
guşədə asılır. Sonra müsabiqə günü təyin olunur və elan
kitabxananın girəcəyində divara vurulur. Tədbirdə oxucular
bəyəndikləri işlərin nömrəsinə uyğun olaraq 1, 2, 3-cü yerlərin
qaliblərinə səs verirlər. Ən çox səs toplayan iştirakçılar–
müsabiqənin qalibləri tutuduqları yerə görə kitabxana rəhbərliyi
tərəfindən hədiyyələrlə mükafatlandırılırlar. Bundan başqa,
kitabxanada orta və böyük yaş qrupuna aid oxucular üçün milli
qəhrəmanlarımızla, müharibə veteranları ilə görüş təşkil etmək
maraqlı olar. Çünki uşaqlar görüşdə müharibənin canlı şahidləri
ilə yaxından tanış olar, kitablardan oxuduqları, filmlərdən
gördükləri hadisələri bir daha onların dilindən eşidərlər.
Kitabxanaçı tədbirə dəvət olunan veteranlarla əvvəlcədən
görüşərək, vaxtı müəyyənləşdirməlidir. Görüşün sərginin təşkili
oldunğu yerdə keçirilməsi çox zəruridir. Bundan əlavə, yaxşı olar
ki, sərgidə görüşə dəvət olunan veteranlar haqqında məqalələr
nümayiş olunsun. Aparıcı görüşə çağrılan şəxs haqqında
məlumatlar toplamalı, bu məlumatlar əsasında çıxış edərək onları
oxuculara təqdim etməlidir. Bundan sonra qonağa söz verilir.
14
Görüşün sonunda oxucular qonağa suallarla müraciət edə bilər.
Məsələn:
1.Sizin fikrinizcə vətənpərvər kimdir?
---------------------------------------------
2.Vətəni nə üçün sevmək lazımdır?
____________________________
3. Siz böyüyəndə hansı sənəti seçəcəksiniz və öz sənətinizlə
xalqımız üçün nə kimi işlər görərdiniz?
____________________________
4.Yaxşı insan kimdir?
____________________________
5.Valıdeynlərinizi nə üçün sevirsiniz?
____________________________
6. Vətəndaşlıq borcu nədir?
____________________________
7.Vətən uğrunda canlarından keçən şəhidlərimizi necə yad
edirsiniz?
____________________________
8. 20 Yanvar faciəsi neçənci ildə və nə üçün baş verib?
___________________________
9. Xocalı faciəsindən neçə il ötür?
___________________________
10. Azərbaycanlı Sovet İttifaqı qəhrəmanlarından, Milli
qəhrəmanlarımızdan kimlərin adını çəkə bilərsiniz?
___________________________
Yuxarı sinif şagirdləri arasinda vətəndaşlıq hissinin təbliği
formalarından biri də rəy sorğularıdır. Rəy sorğusunun
nümunəsini təqdim edirik.
1.Vətənpərvərlik nədir?
A)
vətənə məhəbbət ,