F. Köçərli adına Respublika Uşaq Kitabxanasının Elektron Kitabları
gərəksiz və yaramaz adam olmayıb da ev kişisi, ailə başçısı kimi ailə üçün çalışdığını anasına
göstərməyi düşünürdü.
Genka ilə birlikdə cələ qurmaq üçün meşəyə gedir, qar yığınlarına dırmaşır, çox əziyyətlər
çəkirdi. Lakin dovşana rast gəlmirdilər.
Genka onu inandırmağa çalışaraq deyirdi:
—
Dovşan ovuna axşam çağı getmək lazımdır.
Bazar günü Pelageya meşədən çırpı gətirməyə hazırlaşırdı.
—
Lyonya, bala, bərabər gedək, yoxsa çırpını üzü yuxarı çəkməyə tək gücüm çatmaz.
Lyonka cavabında:
—
Nikolkanı apar, — dedi:
Bu gün də dovşan ovuna getmək üçün Lyonka Genka ilə sözləşmişdilər. Genkanın tüfəngi iri
qırma ilə doldurulmuşdu. Onun dediyinə görə meşənin hər yerində çoxlu dovşan izi var idi.
—
Hansı tərəfə baxırsan dovşandır! Dovşan ovunun vaxtı elə indidir!
Pelageya özü ilə Nikolkanı aparmadı. O, kiçik uşaqlarla qaldı. Anası Lyonkaya artıq etibar edə
bilmirdi.
Pelageya başına şal bağlayıb uzun bir kirşəyə qoşuldu və həyətdən çıxdı.
Axşama yaxın Lyonka ilə Genka qar ilə dolu dərin çuxurları dırmaşıb çıxmaqdan yorulmuş, ac
və əsəbi halda evə dönürdülər. Gecə şiddətli şaxta torpağı
bərk dondurmuşdu. Yol üzü yuxarı idi.
Kirşənin hamarlanmış olan abı izi dik, başı yuxarı qalxmış və meşədə yox olmuşdu.
Onlar yolu susaraq gedirdilər. Genka taqsırkar olduğunu hiss edirdi, lakin təslim olmur, o yan-
bu yana baxır və qarda olan hər bir balaca çuxur haqqında deyirdi:
—
Burada dovşan oturubmuş... onun izidir!
Genka qəflətən qoca bir palıd ağacının gövdəsində böyük bir koğuş gördü, sevinərək dedi:
—
Bax, elə burada gizlənib, güdmək lazımdır! Gedəkmi ora?
Cavab gözləmədən qar yığınının
içinə girdi, Lyonka da, keçə ayaqqabılarına qar dola-dola
onun dalınca getdi. Koğuş geniş idi, divarları kömürə dönmüş və tüstü iyi verirdi. Koğuşa olan
girişdə kim isə çırpı yığıb qoymuşdu. Oğlanlar onun üstündə oturdular.
—
Burada kim isə canavardan gizlənibmiş. Bütün gecəni ocaq yandırıbdır, — deyə Genka
xəbər verdi.
Lyonka şübhə ilə gülümsünərək:
—
Hamısını yalan
deyirsən, gah canavardan, gah da dovşandan danışırsan...
O birdən diqqətlə qulaq asdı. Yolda qar xırıldayırdı.
Genka boylanıb baxdı və balaca bir fit çalaraq geri çəkildi.
—
Gizlən! Gizlən! Anan gəlir!
Lyonka yola baxdı. Pelageya kəndirləri döşünə çəkərək bütün bədəni ilə qabağa əyilib çırpı ilə
dolu kirşəni üzü yuxarı yavaş-yavaş çəkirdi. Onun ayağı sürüşürdü, başına örtdüyü şal boynuna
düşmüşdü. Nəmləşmiş saçlarını qırov örtmüşdü. O, tez-tez dayanır və çətinliklə nəfəs alırdı.
Lyonka ixtiyarsız olaraq anasına doğru qaçdı, lakin Genka onun qolundan bərk-bərk tutaraq
buraxmırdı:
—
Ay axmaq! Axı sənə acıqlanacaq! Yəqin ki, indi o çox acıqlıdır. Onlar, analar... Hamısı
belədirlər. Bir az əziyyətə düşdülərmi, acıqları tutur... bizə hücum edirlər... Mənim də anam
belədir...
Lyonka başını aşağı saldı və uzaqlaşmaqda olan kirşənin cırıltısına qulaq asırdı. Cırıltı sabit
deyildi. Gah yavaşıyır, gah da kəskinləşirdi.
Lyonka sanki anasının çətin nəfəs almasını eşidirdi. Həyəcandan onun özü də ağır
və dərin
nəfəs alırdı.
«O zəifdir... evə çatdıra bilməz» fikri onun başında hərlənirdi. Lakin qolları yanına düşmüş,
keyləşmiş ayaqları hərəkətə gəlmirdi. Ancaq anasının bədəni alaqaranlıqda qara nöqtəyə dönərək
yox olduqdan sonra o, başını qaldırıb Genkaya çevirdi:
—Dovşanların da başına dəysin, sən də!.. Bu — mənim səninlə axırıncı veyllənməyim olsun!
Bir neçə gün keçdi. Lyonkanın sinifdəki yeri hələ də boş idi. Tatyana Petrovna sinfə daxil olan
kimi bu boş yer onun gözünə görünürdü. Şagirdinin dərsə gəlməməsi onu əsəbiləşdirir və təşvişə
F. Köçərli adına Respublika Uşaq Kitabxanasının Elektron Kitabları
salırdı.
O, Lyonka ilə özünün evdəki söhbətini, sonra da Lyonkanın sinifdəki xoşa gəlməyən izahatını
xatırladı. Biri o biri ilə düz gəlmirdi, odur ki, Tatyana Petrovna anlaşılmazlıq əlaməti olaraq
çiyinlərini atdı və özü-özünə qüssə ilə: «Anlamıram» dedi. Lyonkanın onunla görüşdən qorxması və
çəkinməsi yəqin idi.
O, Lyonka haqqında uşaqlardan bir şey öyrənməyə çalışdı, lakin hərə bir söz deyirdi:
—
Anasına kömək edir...
— Genka ilə veyllənir...
Tatyana Petrovna Eqorkanı yanına çağırdı. Eqorka Lyonka haqqında heç bir şey bilmirdi. O,
axırıncı dəfə Lyonkanı müvəffəqiyyətsiz ovdan qayıdarkən görmüş olduğundan ancaq bu haqda da
nağıl etdi və sadəqəlbliklə əlavə etdi:
— Nə üçün veyllənir? Başım çıxmır... Tamam donmuşdu..».
«Ailəm, — deyir, — böyükdür», amma özü Genka ilə dovşan ovuna gedir.
—
Dovşan ovuna?
—
Bəli! Tüfənglə gedir. Uşaqların hamısı onları görüblər.
Tatyana Petrovna fikirli halda Eqorkaya baxdı.
—
Bunların hamısını öyrənməliyəm.
Eqorka qaşlarını çataraq:
—
Mən onun yanına gedə bilmərəm. O vaxt onun haqqında danışdığım üçün mənə acığı
tutmuşdur.
Tatyana Petrovna ah çəkərək divanda oturdu. Eqorka sandalyanın bir kənarında oturdu və girdə
qonur gözlərilə müəlliməyə baxdı.
—
Axı o, dərsə gəlmir! — deyə Tatyana Petrovna, demək olar ki, qışqırdı və yanağında
qırmızı ləkələr göründü.
Eqorka cəld ayağa durdu. O, müəllimənin yanağında əmələ gələn bu qırmızı ləkələrə görə
Lyonkadan bir yaxşı hayıf almaq qərarına gəldi.
O, öz-özlüyündə «Mən ona göstərərəm!» deyə düşündü.
—
Siz narahat olmayın, Tatyana Petrovna! Narahat olmayın...
Tatyana Petrovnanın acığı tutdu:
—
Nə üçün sən mənə «Narahat olmayın» deyə təkrar edirsən? Mən sənə deyirəm ki, sinifdə
yoldaşın oturan yer boşdur! Sən isə mənə «narahat olmayın, narahat olmayın» deyə təkrar edirsən!
Eqorka ağzını açdı, lakin Tatyana Petrovna sözünə davam etdi:
—
Əgər ailənizdə masa arxasında sənin yanında oturmalı olan balaca bacın və ya qardaşının
yeri boş qalsa, sən narahat olmazsanmı?
Eqorka qorxaq bir səslə:
—
O ki, sağdır...
xəstə deyil, eşitmişəm...
Tatyana Petrovnanın acığı tutdu.
—
«Eşitmişəm», daha nə eşitmisən?
Eqorka başını aşağı salıb dedi:
—
Mən onunla dostluq etmirəm.
Tatyana Petrovna səsini uzadaraq:
—
Dostluq etmirsən? Onda əlbəttə... Sənin üçün fərqi yoxdur... Qoy xəstələnsin, qoy ölsün,
qoy nadan olsun...
Eqorka dinmirdi.
- Siz dörd il bir məktəbdə, bir yerdə oturmusunuz. Demək, səncə bunun heç bir mənası yoxdur.
Mən sizə adamlığı nə vaxt öyrədə biləcəyəm?
Eqorka papağını üsulluca götürdü.
Tatyana Petrovna onu yola salarkən dedi:
—
Uşaqlardan özünlə apar! Onların təsərrüfat işlərinə kömək edin. Bəlkə də o, işin
öhdəsindən tək gələ bilmir. Demə ki, səni mən göndərmişəm.
Lyonka arıqlamışdı. Yanağının sümükləri görünürdü, çənəsinin ucu nazikləşmişdi. Boynunu
içinə çəkərək həyətdə gəzdikdə və ya dirsəklənərək masanın arxasında oturduğu zaman Nikolka
anasından soruşardı: «Ona nə olub, belə sakitdir?»
Lyonka anasına meşədə rast gəldikdən sonra evdən qaçmağı tərgitdi. O, səhər tezdən durardı,