F. Köçərli adına

11 

 

 

 

---

12 

 

Görkəmli şəxsiyyətlərin Qara Qarayev haqqında 

söylədikləri fikirlər: 

     Qara Qarayev bizə özünün bədii dəyərinə görə valehedici irs 

qoyub getmişdir. Qara Qarayevin adı mütəfəkkir alim, görkəmli 

publisist  kimi  Azərbaycan  elminin  tarixinə  yazılmışdır. 

Bəstəkar,  pedaqoq,  alim,  rəhbər,  ictimai  xadim  olan  Qara 

Qarayev  həmişə  və  hər  işdə  alovlu-musiqiçi  tribundur.  Qara 

Qarayevin adı, onun musiqisi ölməzdir. İllər, on illər keçəcək, 

bizim  kimi  yeni-yeni  nəsillər  də  gözəlliyi  Qara  Qarayevin 

əsərləri vasitəsilə dərk edəcəklər. Q.Qarayev bizə dəyərinə görə 

valehedici irs qoyub getmişdir. 

                                                                            Heydər Əliyev, 

                                                                          Ümummilli lider 

                                                                                                                                            

     Zəmanəmizin  görkəmli  sənətkarının  fəlsəfi  məna  və 

ümumbəşəri  duyğuların  zənginliyi  ilə  səciyyələnən  böyük  irsi 

müəllifinə  dünya  şöhrəti  gətirməklə  yanaşı,  Azərbaycan 

professional  musiqisinin  beynəlxalq  aləmdə  tanınmasında 

xüsusi əhəmiyyət kəsb etmişdir.  

                                                                              İlham Əliyev,  

                                       Azərbaycan Respublikasının Prezidenti  

 

     Qara Qarayev yaradıcılığı Azərbaycan musiqi sənəti tarixinin 

özünəməxsus və parlaq səhifələrini təşkil edir. Mədəni irsimizin 

qorunmasında,  inkişaf  etdirilməsində,  təbliğində,  dünya 

miqyasında tanınmasında bəstəkarın xidmətləri danılmazdır. 

                                                                    Mehriban Əliyeva, 

                  Azərbaycan Respublikasının Birinci vitse-prezidenti  

 

     Qara Qarayev özünəməxsus bir yol seçmiş, mənsub olduğu 

xalqın  musiqi  mədəniyyəti  əsasında  yeni  söz  deyə  bilmiş, 

novator  bir  bəstəkar  kimi  sənətkarlığın  yeni  pilləsinə  qalxa 

bilmişdir. Onun yaratdığı əsərlərdə xalqın doğma ruhu duyulur. 

---

13 

 

Bəstəkar iki balet əsəri ilə dünya musiqi mədəniyyəti aləminə iki 

geniş pəncərə açdı. Qara Qarayev xalqının musiqi irsini həssas 

bir  duyumla  dinləyə  bilmiş,  bu  irsin  üfüqlərini  müasir  texniki 

imkanlara aça bilmiş, yeni çalarlarını kəşf etmiş, yaratmışdır.  

                                                                                   Rəsul Rza, 

                                                                                     Xalq şairi 

 

     Qara  Qarayevin  musiqisi  əsl  müasir  musiqidir.  Bizim 

günlərin musiqisidir, adamların kosmosu fəth etməsi dövrünün 

musiqisidir.  Bu  musiqidə  günəş  və  cənub  ehtirası  var,  ay  və 

şimal romantikası var.  

                                                                            Nazim Hikmət, 

                                                                                     türk şairi  

 

     Qara Qarayevin yaratdığı musiqi təkcə bərəkətli Azərbaycan 

torpağının,  onun  orijinal  mədəniyyətinin  inciləri  deyil,  bütün 

dünya  musiqisinin  bəzəyidir.  Q.  Qarayev  bir  də  ona  görə 

ölməzdir  ki,  tərbiyə  etdiyi  bəstəkarların  böyük  bir  dəstəsini 

qoyub  getmişdir.  Həmin  bəstəkarlar  onun  işini  davam 

etdirəcəklər.  Q.  Qarayev  sənəti-əzəmətli  Azərbaycan  musiqi 

məbədinin  ən  etibarlı  dayaqlarından  biridir  və  bu  musiqinin 

dünya  şöhrəti  qazanmasında  onun  rolu  böyükdür...  İstedad 

üstəgəl  əmək  –  bizim  ictimai  həyatımızda,  mədəniyyətimizdə  

Q. Qarayev sənətinin mahiyyəti və pafosu bax bundadır.  

                                                                            Fikrət Əmirov,  

                                                                                  Xalq artisti  

 

     Qara  Qarayevin  musiqisi,  onun  xeyirxah,  gülər  gözləri 

həmişə  sevinc,  mehribanlıq,  səmimiyyət  və  müdriklik  saçırdı. 

Qara Qaryevin musiqisi əyləncəyə və sakitliyə çağırmır, əksinə 

sözün  həqiqi  mənasında  ürəkdən  od  qoparır,  canlı  fəaliyyətə 

sövq  edirdi.  Taleyimə  minnətdaram  ki,  musiqi  ilə  mən  də 

---

14 

 

təmasda olmuşam. Xoşbəxtəm ki, yaratdıqlarının əksəriyyəti ilə 

tanış olmağı Qara Qarayev ilk dəfə mənə etibar edib.  

    Niyazi, 

Xalq artisti, dirijor, bəstəkar 

 

     Azərbaycan  musiqisini  dünya  mədəniyyətinin  ənənələri, 

çağdaş  üslub  təmayülləri,  yeni  nəzəri-estetik  prinsiplərlə 

zənginləşdirən  Q.  Qarayev  milli  musiqi  təfəkkürünü  yeni 

səviyyəyə  qaldırmış,  Azərbaycan  bəstəkarlıq  məktəbinin 

inkişafına güclü təkan vermişdir.    

Fərhad Bədəlbəyli,                                                                                  

Xalq artisti 

     

Qara  Qarayevin  yaradıcılığı  sadəcə  olaraq  orijinal  istedad 

sahibinin görkəmli əsərləri deyildir. Bu, XX əsr musiqi sənətinin 

zirvələrindən  biridir,  özündə  dövrün  yüksək  ideallarını, 

vətəndaşlığı və vətənpərvərliyi təcəssüm etdirən hadisədir. 

 

                                                                      Həsən Abdullayev,  

                                                                                      akademik  

 

     Qara  Qarayevin  hər  bir  əsəri  Azərbaycan  musiqisinin 

inkişafında mühüm mərhələ olmuş, gənc musiqiçilər üçün geniş 

üfüqlər açmışdır. Q. Qarayevin novatorluğu onun milli və dünya 

musiqi  sənətində  təşəkkül  tapmış  klassik  ənənələrə  ən  dərin 

hörmətindən  irəli  gəlir.  Bəstəkarın  yeni-yeni  axtarışlar  üçün 

möhkəm  təməl  olan  cəsarətli,  qeyri-adi  üsullarının  yaradıcılıq 

ölməzliyi də bundan ibarətdir.  

Elmira Abasova, 

                                         Əməkdar incəsənət xadimi  

 

     Qarayev  musiqisi  ömrümüzün  hər  çağında  könlümüzü 

ümidlə,  qürurla,  qüvvətlə  doldururdu,  ovundururdu,  bizə 

dünyanı izah edirdi, gələcəyə inandırmağa çağırırdı. Q. Qarayev 

mədəniyyətimizdə  gələcəyin  səfiri  idi,  sabahın  elçisi  idi  və 

---