31
Ədəbi-bədii gecə
Kitabxanada bəstəkarın həyat və yaradıcılığından bəhs edən
ədəbi-bədii gecə də təşkil etmək olar. Unudulmaz bəstəkarın
xatirəsinə həsr olunmuş “Qüdrəti hüdudsuz sənətkar” adlı
ədəbi-bədii gecəyə müxtəlif sənət adamları, jurnalistlər,
müəllimlər, musiqi məktəbinin şagirdləri dəvət olunur. Qonaqlar
bəstəkarın şəkilləri ilə bəzədilmiş zalda öz yerlərini alırlar.
Gecənin qonaqları ilk olaraq “Qara Qarayev dühası” adlı
slayda baxmağa dəvət edilir. Gecəni açıq elan etmək üçün
aparıcılar səhnəyə yaxınlaşırlar. Hər iki aparıcı qonaqları
salamlayaraq, onlara gecədə iştirak etdikləri üçün təşəkkürlərini
bildirirlər.
I aparıcı: Qara Qarayevin adı Azərbaycan xalqı üçün daimi və
əzizdir. Azərbaycanın elə bir guşəsi yoxdur ki, orada hər bir kəs
bu dahi sənətkarın musiqi dühasının sehrinə düşməsin, onun
“Yeddi gözəl”, “İldırımlı yollarla” baletlərindən, “Leyli və
Məcnun” simfonik poemasından xəbərsiz olsun. Q. Qarayev öz
əsərləri ilə daim sevilən və insanı düşündürən sənətkardır, çünki
o, həmişə doğma torpaqdan qüdrət almış, muğam, aşıq musiqisi,
xalq nəğmələri kimi milli musiqimizin saf çeşməsindən su
içmişdir. Qara Qarayev dedikdə nəzərimizdə dahi bəstəkar,
böyük vətəndaş, sənətin zirvələrini fəth edib xalqını dünyaya bu
zirvədən tanıdan bir şəxsiyyət canlanır. Üzeyir Hacıbəyli
məktəbinin layiqli davamçısı olan bəstəkar novator meyilləri
ilə öz üslubunu yaratmış, əsərləri milli hüdudları yararaq
dünyanın müxtəlif qitələrinə yol açmışdır.
II aparıcı: Eyni zamanda Q.Qarayev bəşəri hörmət qazanmış
sənətkardır. Çünki sənət yolunda yeni cığırlar açaraq, yalnız
özünəməxsus üslub yaratmış bəstəkar təkcə öz xalqının deyil,
həm də dünya musiqi tarixinin bütün dövrlərinin nailiyyətlərini
mənimsəmiş, dünya musiqi mədəniyyəti xəzinəsini misilsiz
əsərləri ilə zənginləşdirmişdir.
I aparıcı: Qüdrətli bəstəkarın irsi son dərəcə geniş və zəngindir.
Bunu onun müraciət etdiyi müxtəlif janr və rəngarəng
32
mövzularda görmək olar. Demək olar ki, Q.Qarayev bütün
janrlarda eyni coşqunluqla çalışmış, novatorluğu və bədii
cəhətdən yüksək səviyyəsi ilə fərqlənən yeni əsərlər yaratmışdır.
Bəstəkarın geniş şöhrət qazanmış və musiqi mədəniyyətinin
qızıl fonduna daxil olmuş baletləri, simfonik poeması,
simfoniyaları, kamera-instrumental əsərləri, kinofilm və teatr
tamaşalarına yazılmış musiqisi bunu bir daha təsdiq edir.
Gənclik mahnısı (Mus: Qara Qarayev, söz:Evgeni Dolmatovski)
Dalğalı Xəzərdə biz saldıq
İlk qəhrəman bir şəhər
Bu şəhərdən bu yerdən
Görməyib heç bəşər
Bir vüqarla, iftixarla
Durur şöhrət adası
Buruqların dalğalarla
Qovğası var qovğası
II aparıcı: Bəstəkarın yaradıcılığı mövzu cəhətdən də çox
zəngin və rəngarəng olmuşdur. Onu ən müxtəlif dövrün şair və
yazıçılarının yaradıcılığı, xalq əfsanələri cəlb edirdi. Bura
N.Gəncəvi, V.Şekspir, A.Puşkin, İ.Servantes, Ö.Xəyyam kimi
dahi korifeylərin adları daxildir. İstər klassik Şərq, istər müasir
məişət və istərsə də bir sıra dünya xalqlarının mövzularından
bəstəkar eyni ilhamla və məharətlə istifadə edərək onları özünün
təkrarolunmaz musiqisi ilə ölməzlik zirvəsinə qaldırmışdır.
I aparıcı: Q.Qarayevin ən vacib mövzulara, kəskin
həyati konfliktlərə həsr olunan yüksək idealları, insan
mənəviyyatının zənginliyini və gözəlliyini tərənnüm edən
baletləri həqiqi insanpərvərlik ruhu ilə doludur. İncə, lirik
hisslərlə yazıb-yaradan sənətkar heyranedici ustalıqla öz
qəhrəmanlarının daxili aləminə nüfuz edir. Bəstəkarın baletləri
Azərbaycan balet sənətinin inkişafında əhəmiyyətli və keyfiyyət
etibarilə yeni bir mərhələ sayılır. Sənətkar öz əsərlərində
rəqslərin əyləndirici ünsürlərə malik olması təsəvvürlərinə
33
tamamilə üstün gəlmiş, realist musiqili xoreoqrafik dram
yaratmışdır.
II aparıcı: Bəstəkarın musiqili səhnə əsərləri içərisində onun
C.Hacıyevlə birlikdə yazdığı və milli opera sənətini
zənginləşdirən “Vətən” operasını da xüsusi qeyd etmək
lazımdır. Böyük vətənpərvərlik ruhu ilə yazılmış “Vətən”
operası öz ideyası ilə bu günlərlə səsləşərək, vətənpərvərliyi
tərənnüm edir, Azərbaycan gənclərinə vətənə böyük sədaqət
hisslərini aşılayır. Heç təsadüfi deyil ki, 28 yaşlı sənətkar bu
operaya görə SSRİ Dövlət mükafatına layiq görülmüşdür.
Azərbaycan simfonik və kamera-instrumental musiqisinin
inkişafında ən mühüm səhifələrdən biri Q.Qarayevin adı ilə
bağlıdır. Onun bu janrda yazdığı əsərləri bütün dünyanı gəzərək
ən müxtəlif ölkələrin simfonik orkestrləri tərəfindən ifa olunur.
“Səslər zirvəsi” (İslam Səfərli) Bəstəkar Qara Qarayevə həsr
olunub.
Səs – zirvədir,
İncə bəstə cilalıdır.
Sözü varsa,
Kim yaratsa
Əsil sənət halalıdır.
Tər tökübdür,
Puçur – puçur,
Qram-qram,
Şirmayı dillər üstündə
Əziz Qaram!
Bəstələnmiş
Odlu qəlbi daim vurar,
“Yeddi gözəl”
Yeddi gəzər,
Yüz il yaşar, min il durar.
Muğam üstə
Yeni bəstə
Yaradana minnətdaram,
34
Əziz Qaram!
Bəstə nədir?
Musiqinin bir lələyi.
Qaramızın
Hər ulduzun
Sinəsində var ürəyi
Qara
Səslər zirvəsidir,
Əziz Qaram!
Qara vüsal,
Qara həsrət qovşağıdır,
Yağış onun
Bəstə şehi, qövsi-qüzeh qurşağıdır.
Gur Araza deyəndə ki:
Sən kamança,
Mən də taram.
Azərbaycan nəğmə deyir:
Əziz Qaram
əziz Qaram!
I aparıcı: İllər boyu simfonik musiqinin müxtəlif janrları
üzərində işləyən Q.Qarayev mühüm yaradıcılıq prinsiplərinə
daim sadiq qalmışdır. Bəstəkar, simfoniya, poema və
süitalarında muğamlardan, xalq mahnı və rəqslərindən, aşıq
yaradıcılığından ustalıqla yararlanmışdır. Bununla yanaşı, rus,
türk, ispan və başqa xalqların musiqisinin bir sıra
xüsusiyyətlərindən istifadə etmişdir.
II aparıcı: Q.Qarayevin yaradıcılığında onun istedadını eyni
dərəcədə parlaq və maraqlı sürətdə xarakterizə edən daha bir
musiqi sahəsi vardır. Bu, kamera-instrumental musiqidir.
Azərbaycan musiqisi üçün bu sahə olduqca yeni idi. Məhz buna
görədir ki, Q.Qarayevin instrumental-kamera əsərləri xüsusilə
diqqətəlayiqdir. Gənc bəstəkarın Puşkin şeirinin gözəlliyinə
valeh olduğu və “Tsarskoye selo” heykəlinin – sındırdığı su
qabına kədərlə əyilmiş qızın poetik obrazını musiqi vasitəsilə
35
əks etdirdiyi vaxtdan uzun illər keçsə də, fortepiano üçün
yazılmış əsər bu vaxta qədər radio verilişlərində və konsertlərdə
səslənir. Bəstəkarın bütün yaradıcılığı boyu müraciət etdiyi və
yalnız doğma xalqının poetik folklorunu deyil, həmçinin digər
xalqların da lirik şeirlərini əhatə etdiyi vokal əsərləri onun
yaradıcılıq qüdrəti və əzəmətini çox gözəl təcəssüm etdirir.
Bəstəkarın romansları, mahnıları bu janrda yazılmış ən gözəl
sənət nümunələridir.
I aparıcı: Görkəmli bəstəkar Cənubi Afrika yazıçısı Piter
Abrahamsın romanı əsasında yazdığı “İldırımlı yollarla” baletini
müasir dövrün olduqca aktual bir mövzusuna – irqi ayrı-seçkilik
və müstəmləkə xalqlarının azadlıq uğrunda mübarizəsinə həsr
edib. Fransız yazıçısı Anri Barbüsün əsəri əsasında “Zəriflik”
monooperasının, A.Puşkinin şeirlərinə bəstələdiyi “Mən sizi
sevirdim” və “Gürcüstan təpələrində” romanslarının, “Könül
mahnısı”, “Səadət mahnısı” kantatalarının müəllifidir.
II aparıcı: Qara Qarayev Azərbaycan musiqisi üçün yeni olan
müzikl janrına da müraciət edib. Fransız dramaturqu E.Rostanın
“Sirano de Brejerak” komediyası əsasında “Çılğın qaskoniyalı”
müziklini yazıb. Kinonu xarakter etibarilə “böyük müasir
bəstəkarlıq məktəbi” adlandıran Qarayev, bu janrda da
məhsuldar işləyib, klassikaya çevrilən sənət nümunələri yaradıb.
“Leyli və Məcnun”, “Tarixin ibrət dərsi”, “Uzaq sahillərdə”,
“Bir məhəlləli iki oğlan”, “Dənizi fəth edənlər”, “Qızıl eşelon”,
“Xəzər neftçiləri haqqında povest” və digər kinofilmlərə,
“Nikbin faciə”, “Antonio və Kleopatra” tamaşalarına yazdığı
musiqilər onun yaradıcılığının parlaq səhifələrindəndir.
I aparıcı: Kinonu öz xarakteri etibarilə “böyük müasir
bəstəkarlıq məktəbi” adlandıran Q.Qarayev, kino musiqisi
üzərində də çox məhsuldar işləmiş, klassikaya çevrilən əsl
sənətkarlıq nümunələri yaratmışdır. “Leyli və Məcnun”,
“Tarixin ibrət dərsi”, “Uzaq sahillərdə”, “Bir məhəlləli
iki oğlan” və s. kinofilmlərə, “Nikbin faciə”, V. Şekspirin
“Antonio və Kleopatra” dram tamaşalarına yazdığı
36
musiqi onun yaradıcılığının parlaq səhifələrini təşkil edir.
Q. Qarayev istedadlı publisist kimi özünün musiqi-estetik
görüşlərini də son dərəcə inandırıcı və sadə şəkildə ifadə edib.
Müasir bəstəkarlıq yaradıcılığı üslubundakı tipik və xarakterik
cəhətləri elmi dəlillərə əsaslanır. Bəstəkarın tutarlı fikirləri
və uzaqgörənliyi, həmçinin Azərbaycan musiqisinə həsr
olunmuş məruzə və məqalələrində də öz əksini tapmışdır.
Q.Qarayev yaradıcı kadrların tərbiyəsinə böyük əmək sərf
etmişdir.
II aparıcı: 1946-cı ildən etibarən Ü. Hacıbəyov adına
Azərbaycan Dövlət Konservatoriyasında bəstəkarlıq sinfini
aparan Q.Qarayev onlarca bəstəkar yetişdirmiş, bütöv bir
musiqi-yaradıcılıq məktəbi yaratmışdır. Arif Məlikov, Vasif
Adıgözəlov, Adil Bəbirov və başqaları onun ənənələrini davam
etdirmişlər. İllər keçəcək, qərinələr dolanacaq, dahi Azərbaycan
bəstəkarı Q.Qarayev musiqisinin zəngin xəzinəsi insanların
ilham mənbəyi olaraq qalacaqdır. Onun özünə qarşı sonsuz
tələbkarlığından doğan və bizə qoyub getdiyi irs dərinliyi və
zənginliyinə görə tükənməzdir. Bizdən sonra gələcək nəsillər bu
tükənməz xəzinədə özləri üçün hər dəfə yeni-yeni tapıntılar kəşf
edəcəklər.
I aparıcı: Milli üslubları müasir musiqi texnikası ilə birləşdirən
bəstəkar musiqi tariximizə yeni bir səhifə yazdı. Qara Qarayevin
yüksək humanist ideyalar tərənnüm edən ilhamlı musiqisi bu
gün də yaşayır və səslənir, dünyanı şəhər-şəhər, ölkə-ölkə gəzir,
milyonlarla ürəkləri emosionallığı, hərarəti ilə fəth edir, qəlbləri
qürur və iftixar hissi ilə doldurur. Qara Qarayevin irsi ölməzdir,
həmişəyaşardır!
37
Ədəbiyyat siyahısı
Kitablar
Qara Qarayevi anarkən : məqalələr toplusu. - Bakı : Elm,
2002. - 158 s.
Qara Qarayev : biblioqrafiya. - Bakı : AMK, 2008. - 330 s. : il.
- (Azərbaycanın Görkəmli Şəxsiyyətləri).
Qara Qarayev : oçerklər. - Bakı : Çinar - Çap, 2003. - 280 s.
Qara Qarayev – tələbələrinin xatirəsində : esse, oçerk, portret
cizgiləri və foto sənədlər toplusu. - Bakı : Şərq-Qərb, 2009. - 224
s.
Kitablarda
Hüseynova D. Qara Qarayevin harmoniyası : “Don Kixot”
simfonik qravürlər əsasında // Müasir Azərbaycan Mədəniyyəti:
problemlər və perspektivlər : elmi məqalələr toplusu. - Bakı :
E.L. Nəşriyyat və Poliqrafiya Şirkəti MMC, 2007. – S. 180-256.
Qara Qarayev // Tağızadə A. XX əsr Azərbaycan musiqisi :
məqalə, oçerk, esse toplusu. - Bakı : Elm və Təhsil, 2011. – S.
32-37.
Rza R. Böyük bəstəkar haqqında kiçik qeydlər ; Qələbə yolları
ilə ; Musiqimizin prinsipial qələbəsi ; Belə oğlu olan xalq
xoşbəxtdir : Qara Qarayev haqqında məqalələr // Seçilmiş
əsərləri. 5 cilddə. - 2005. – C.V. - S. 209-223.
Səfərli İ. Səslər zirvəsi : bəstəkar Qara Qarayevə : şeir //
Seçilmiş əsərləri. - Bakı : Lider, 2005. - S. 176-177.
38
Dövri mətbuatda
Abbaslı T. Azərbaycanın dünyəvi təranəsi : son on ildə
haqqında yazdığım bu üçüncü məqalə onun "Üçüncü
simfoniya"sı fonunda // Mədəniyyət. - 2017. - 3 fevral. - № 9. -
S. 10.
Abbaslı T. Milli və bəşəri melo-aləm... : dünyaya musiqi
ildırımlı, sevgi sədalı, məhəbbət pıçıltılı Qara Qarayev! //
Mədəniyyət. - 2013. - 1 fevral. - № 8. - S. 6.
Abbaslı T. Səs ildırımları, sevgiləri, pıçıltıları... : hələ
sadalanası neçə-neçə Qara Qarayev sədaları // Mədəniyyət. -
2012. - 7 fevral. - № 8. - S. 5.
Anar. Sadəliyi dərketmə : [musiqi tarixində əvəzsiz rolu olan
bəstəkarlar] // Qobustan. - 2017. - № 3. - S. 6-13.
Azəri L. Böyük musiqinin işığında : Qara Qarayev - 95 //
Mədəniyyət. - 2013. - 8 fevral. - № 10. - S. 4.
Azəri L. "Yeddi gözəl" musiqi sənətinin mirvarisi : Qara
Qarayevin dünyaca məşhur əsəri Belarus tamaşaçılarının qəlbini
fəth etdi // Mədəniyyət. - 2013. - 29 noyabr. - № 86. - S. 9.
Bakıda görkəmli bəstəkar Qara Qarayevin abidəsi açılmışdır :
Azərbaycan Prezidenti İlham Əliyev mərasimdə iştirak etmişdir
// Azərbaycan. - 2014. - 4 fevral. - № 23. - S. 1-2.
Bakıxanov T. Bütün əsərlərimi birinci Qara müəllimə
dinlədirdim : [Xalq artisti, bəstəkar Tofiq Bakıxanov ilə
müsahibə / söhbətləşdi R. Günəş] // Mədəniyyət. - 2015. - 4
mart. - № 17. - S. 6-7.
Behbudqızı S. Qara Qarayevi xatırlarkən // Mədəniyyət.az. -
2016. - № 2. - S. 40-43.
Biz bu gün də ondan bəhrələnirik : bəstəkar Qara Qarayev
haqqında // Azərbaycan. - 2015. - 5 fevral. - № 27. - S. 9.
39
Dadaşov A. Müəllimim və mən : film dahi Azərbaycan
bəstəkarı Qara Qarayeva həsr edilir... // Mədəni Həyat . - 2014.
- № 8. - S. 21-25.
Dadaşzadə Z. Qara Qarayev adına VI Müasir Musiqi Festivalı
// Mədəniyyət.az. - 2015. - № 4. - S. 28-36.
Əfəndiyeva İ. 41-45-in mahnıları : (ixtisarla) // Qobustan. -
2017. - № 1. - S. 27-28.
Əliyeva A. Böyük ehtiramın parlaq təzahürü : Moskvada böyük
Azərbaycan bəstəkarı, Sosialist Əməyi Qəhrəmanı, SSRİ xalq
artisti Qara Qarayevin xatirə lövhəsinin açılış mərasimi //
Mədəni Həyat . - 2014. - № 7. - S. 2-3.
Əliyeva İ. Böyük sənətin qüdrəti : [görkəmli bəstəkar Qara
Qarayevin həyat və yaradıcılığı haqqında] // Azərbaycan. -
2016. - 6 fevral. - № 27. - S. 6.
Əlizadə F. Ustad, davamçını yetişdir : Qara Qarayev haqqında
// Ədəbiyyat qəzeti. - 2010. - 26 fevral. - № 8. - S. 1-2.
Ənvəroğlu V. "Qaralı" etüd (minor) : Qara Qarayev korridaya
baxanda ağlayırmış // Qobustan. - 2015. - № 4. - S. 57-58.
Gələcəyin harayı : Qara Qarayev // El. - 2012. - № 2. - S. 4-14.
Günəş R. Tofiq Bakıxanovun Qara Qarayevlə bağlı xatirələri //
Azərbaycan Müəllimi. - 2015. - 21 fevral. - № 7. - S. 8.
Xəlilov V. Azərbaycanın ədəbiyyat və incəsənət xadimlərinin
Böyük Vətən müharibəsi ilə əlaqədar yaradıcılığı //
Məktəbəqədər və ibtidai təhsil. - 2015. - № 2. - S. 58-64. –
Məqalədə Qara Qarayev yaradıcılığına da yer verilib.
Xəlilzadə F. Milli musiqimizin beynəlmiləl məzmunu : Qara
Qarayev // Azərbaycan. - 2013. - 5 fevral. - № 26. - S. 7.
Qarayev F. Qoyya üzərində birgə işimiz... : esse //
Mədəniyyət. - 2010. - 29 yanvar. - № 6-7. - S. 14-15.
40
Qulamova J. Dahi bəstəkarın sənət ənənələri yaşayır : Qara
Qarayev haqqında // Mədəniyyət. - 2013. - 6 mart. - № 17. - S.
13.
Mustafa F. Əbədiyyət düsturu : Qara Qarayevin yaradıcılığı
haqqında dinləyici düşüncələri // Mədəniyyət. - 2013. - 19 aprel.
- № 28. - S. 10.
Nizamiqızı H. İldırımlı yollardan keçən ömür // Mədəniyyət. -
2010. - 5 fevral. - № 9. - S. 3.
Reyhan. Dahi bəstəkar Qara Qarayevin xatirəsi yad edildi //
Mədəniyyət. - 2013. - 6 fevral. - № 9. - S. 3.
Rza R. Böyük bəstəkar haqqında kiçik qeydlər : Qara Qarayev
haqqında // Qobustan. - 2010. - № 2. - S. 8-10.
Sənət dühasına böyük ehtiram : Qara Qarayevin yubileyi
vaxtilə təhsil aldığı Moskva Dövlət Konservatoriyasında təntənə
ilə qeyd olunub // Mədəniyyət. - 2013. - 19 aprel. - № 28. - S. 5.
Təhmirazqızı S. Əbədi yaşayan ecazkar musiqi : bəstəkar Qara
Qarayev haqqında // Mədəniyyət. - 2014. - 5 fevral. - № 9. - S.
7.
Təhmirazqızı S. O, dünya şöhrəti qazansa da, Azərbaycan
bəstəkarı olaraq qalır : Qara Qarayevin yaradıcılıq irsi təbliğat
və tədqiqat üçün zəngin mənbədir // Mədəniyyət. - 2016. - 5
fevral. - № 10. - S. 7.
Vəliyeva Ü. Qara Qarayev yaradıcılığında müasirlik // Mədəni
Maarif. - 2011. - № 12. - S. 11-13.
41
Bütün nəsillərin müasiri
Qara Qarayev
(metodik vəsait)
Ünvan:AZ-1022 Bakı şəh.,S.Vurğun küç.88;
E-mail:info@clb.az
URL:www.clb.az
F.Köçərli adına Respublika
Uşaq Kitabxanasında
çap olunmuşdur.
Sifariş: 12
Çapa imzalanmışdır: 19.01.2018
Tirajı:100
Pulsuz
Dostları ilə paylaş: |