25
9. İslam Səfərlinin Qara Qarayevə həsr etdiyi şeirin adı nədir?
“Səslər zirvəsi”.
10.Qara
Qarayevin
musiqisini
bəstələdiyi
filmlərdən,
tamaşalardan hansının adını çəkə bilərsiniz?
“Leyli və Məcnun”, “Tarixin ibrət dərsi”, “Uzaq sahillərdə”,
“Bir məhəlləli iki oğlan”, “Dənizi fəth edənlər”, “Qızıl eşelon”,
“Xəzər neftçiləri haqqında povest” və digər kinofilmlərə,
“Nikbin faciə”, “Antonio və Kleopatra” tamaşalarına və s.
Oxucularla söhbət
Qara Qarayevin 100 illik yubileyi ilə bağlı kitabxanada
“Sənətin zirvəsini fəth edən sənətkar” adlı məktəblilərlə sərgi
ətrafında söhbətin də keçirməsi məqsədəuyğundur. Kitabxanaçı
söhbəti əsasında həm Qara Qarayevdən bəhs edən, həm də
əsərlərindən istifadə edilən filmlər haqqında da məlumat verir.
Əsərlərindən istifadə edilən filmlər: Doğma xalqıma (film,
1954) (tammetrajlı bədii-sənədli film); 150 il. Mirzə Fətəli
Axundov (film, 1962) (qısametrajlı sənədli film); Üçüncü
simfoniya (film, 1968) (qısametrajlı sənədli film); Abşeron
ritmləri (film, 1970) (tammetrajlı musiqili-bədii televiziya
filmi); Dostluq himni (film, 1974) (qısametrajlı sənədli film);
Əfsanələr aləmində (film, 1975) (qısametrajlı bədii film)
(Rusiya); Nəğməkar torpaq (film, 1981) (tammetrajlı musiqili
film); Əlvida, cənub şəhəri (film, 2006) (tammetrajlı bədii film);
40-cı qapı (film, 2008) (tammetrajlı bədii film); Həqiqətin özü
(film, 2008) (tammetrajlı sənədli film); Ölüm növbəsi (film,
2009) (tammetrajlı bədii film); Üfüqü ötənlər (film, 2011)
(tammetrajlı bədii-sənədli film).
Haqqında çəkilən filmlər: Bu, həqiqətin səsidir. Bəstəkar Qara
Qarayev (film, 1968) (qısametrajlı sənədli film), Qara Qarayev
– 60 (film, 1978) (qısametrajlı sənədli film), Bəstəkar Qara
Qarayev. Opus – 78 (film, 1979) (qısametrajlı sənədli film).
26
Kitabxanaçı: Qara Qarayevdən bəhs edən filmlərdən biri
“Bu, həqiqətin səsidir” adlanır. Bu qısametrajlı sənədli
film rejissor Oqtay Mirqasımov tərəfindən 1968-ci ildə
çəkilmişdir. Filmin ssenari müəllifləri Rüstəm İbrahimbəyov
və Oqtay Mirqasımovdur. "Azərbaycanfilm" kinostudiyasında
istehsal edilmişdir. Filmin rəssamı Fikrət Bağırovdur.
“Bu, həqiqətin səsidir” filmi 1969-cu ildə Kiyevdə
III Zaqafqaziya və Ukrayna respublikaları filmlərinin
"Prometey-69" zona kinofestivalında sənədli filmə mükafat
verilmişdir. Azərbaycan sənədli kinosunda irəliyə doğru addım
hesab edilən bu kinolenti novator film-esse adlandırırlar.
Sənədli film dövrümüzün ən böyük sənətkarı, SSRİ Xalq
artisti, Lenin Mükafatı laureatı, Sosialist Əməyi Qəhrəmanı,
görkəmli Azərbaycan bəstəkarı Qara Qarayevin həyat və
yaradıcılıq yollarına həsr olunmuşdur. Filmdə onun əsərləri
səslənir, bəstəkar haqqında müasirləri danışırlar. Burada
bəstəkarın daxili aləmi, onun yaradıcılıq laboratoriyası,
özünəməxsus iş üsulu, pedaqoji
fəaliyyəti
əks olunmuşdur.
Onun özünün söhbətləri, anası
Sona xanımın çıxışı da filmə
daxil edilmişdir. Film-essedə
Qara Qarayevin ən həyəcanlı
anları – onun iş zamanı musiqi
aləminə uyuduğu vaxtlar "gizli
kamera" ilə çəkilmişdir. Filmin
ən təsirli epizodlarından biri
Qara Qarayevin skripkaçalan
L. Koqanla məşq etməsi səhnəsidir. Bu, iki böyük sənətkarın çox
mühüm yaradıcılıq apofeozudur. Söhbətin sonunda kitabxanaçı
məktəbliləri oxu zalında bəstəkar Qara Qarayevdən bəhs edən
“Bu, həqiqətin səsidir” filminə baxmağa dəvət edir.
27
Kitab müzakirəsi
Həmçinin Qara Qarayevdən bəhs edən kitab müzakirəsi də
oxucular üçün çox böyük marağa səbəb olar. Kitabxanaçı
əvvəlcədən müzakirəsini keçirdəcəyi kitabla ətraflı tanış olur və
topladığı məlumatları müzakirə zamanı oxucularına çatdırır.
Kitabxanaçı: Son illər muzeylərimizin nəşriyyat sahəsində
fəaliyyəti xeyli genişlənib. Müstəqil bir elm sahəsi olaraq
muzeyşünaslığın yaranması və müəyyən inkişaf yolu keçməsi
bu işə xüsusi təkan verir. İndi muzey materiallarından
istifadə etməklə dissertasiyalar yazılır, kitablar, çoxsaylı
məqalələr işıq üzü görür. Bu siyahıya yeni bir nəşr də əlavə
olunub. Heydər Əliyev Fondunun, Mədəniyyət və Turizm
Nazirliyinin dəstəyi ilə nəşr olunmuş kitab “Qara Qarayev.
Həyat və yaradıcılığı Azərbaycan Musiqi Mədəniyyəti Dövlət
Muzeyinin materiallarında” adlanır. Layihənin rəhbəri və
kitabın elmi redaktoru Alla Bayramova, məsləhətçi Züleyxa
Qarayeva-Bağırova, tərtib edəni Alla Fyodorovadır. Kitab
böyük Azərbaycan bəstəkarı Qara Qarayevin həyat və
fəaliyyətinin müəyyən məqamlarını əks etdirir. Heydər Əliyev
Fondunun prezidenti Mehriban Əliyevanın kitaba yazdığı
ön sözdə oxuyuruq: “Qara Qarayev yaradıcılığı Azərbaycan
musiqi sənəti tarixinin özünəməxsus və parlaq səhifələrini təşkil
edir. Mədəni irsimizin qorunmasında, inkişaf etdirilməsində,
təbliğində, dünya miqyasında tanınmasında bəstəkarın
xidmətləri danılmazdır”.
Kitabda toplanmış materiallar vasitəsilə Qara Qarayevin
xalqımız və mədəniyyətimiz qarşısında göstərdiyi böyük
xidmətlərin müəyyən hissəsi ilə tanış ola bilirik. Muzeyin
fondunda 50 mindən artıq əşya var. Onların arasında Qara
Qarayevə aid materiallar da mühüm yer tutur. Bunlar
Qara Qarayevin və yaxınlarının, müəllim və tələbələrinin
fotoşəkilləri, məktublar, not və mətnlərin əlyazmaları, afişalar,
proqramlar, təsviri sənət nümunələri, kitablar və s. ibarətdir.
Dostları ilə paylaş: |