AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
229
layihəsi və “Ermənistan Respublikası Cənubi Qafqazda separatizmi dəstəkləyən
qüvvə kimi” adında
elmi konfrans keçirmiş, 2 hesabat və 1 kitab nəşr etdirmişdir.
Dövlət siyasətinin təkmilləşdirilməsi məqsədi ilə “Ermənistan Respublikası”
(məlumat-sorğu kitabçası) güc strukturları və müvafiq dövlət orqanlarının
kitabxanalarına göndərilmişdir.
Hal-hazırda Mərkəz 2 tədqiqat layihəsinin üzərində işləyir. Bunlar erməni
diasporları xəritəsi və onların potensialları haqqında məlumat-sorğu kitabçası və
Gürcüstan haqqında məlumat kitablarıdır.
Mərkəz tərəfindən Azərbaycanda “beyin mərkəzləri” arasında əməkdaşlığı
genişləndirmək və artırmaq məqsədi ilə aşağıda qeyd olunan təkliflər verilmişdir:
- mütəmadi olaraq Ermənistanda baş verən daxili proseslər və erməni amili ilə
bağlı bütün məsələlər üzrə dəyirmi masa və konfransların
keçirilməsi;
- Ermənistandakı müasir etnik vəziyyət üzrə dövlət və qeyri-hökumət
qurumlarının birgə
layihələr həyata keçirməsi;
- İlin analitik kitabı
müsabiqəsi;
- Problemli sahələr üzrə refleksiv qrupların təşkil olunması;
- “Beyin hücumu”nun təşkil edilməsi üçün “beyin hücumu”nun razılaşdırılmış
komponentlərinin
bölüşdürülməsi;
- Azərbaycanı əhatə edən bütün dövlətlərin milli tərkibləri, daxili siyasətləri,
beynəlxalq fəaliyyətləri, iqtisadi imkanları, hərbi gücü, siyasi partiya və
təşkilatları, mədəniyyətlərinin inkişafı və ümumi vətəndaş tipinin müəyyən
edilməsinə dair tədqiqatların aparılması.
Qafqaz Tədqiqat Resurs Mərkəzi
Mərkəz 2003-cü ildə Avrasiya Əməkdaşlıq Fondu (AƏF) tərəfindən təsis
edilmişdir. 2008-ci ildə AƏF-in tərkibində qeydiyyatdan keçmişdir. Hazırkı
rəhbəri Gürsel Əliyevdir.
Mərkəzin əsas fəliyyət istiqaməti sosialdır. Əsas məqsədi yüksək səviyyəli
tədqiqat resurslarından istifadə etmək imkanlarının artırılmasına, sosial
tədqiqatlarla və praktiki fəaliyyətlə məşğul olan alimlərin, mütəxəssislərin
potensialının gücləndirilməsinə, dialoq və əməkdaşlığın genişləndirilməsinə
yardım göstərməkdir.
Mərkəzin illik budcəsi:
AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
230
Texniki: 7 789 USD
Tədqiqat: 28 700 USD
Kitab: 10 000 USD
Təqaüd proqramları: 25 500 USD
Konfransların və təqdimatların təşkili: 15 850 USD.
Mərkəzin qərargahı Bakı şəhəri, B.Səfəroğlu küçəsi, 122 ünvanında (Xəzər
Universitetinin 2-ci mərtəbəsində) yerləşir və 3 otaqdan ibarətdir. Sürətli
internet və kompüterlərlə təchiz edilmişdir. İnternet səhifəsi
www.crrc.az, www.
crrccenters.org-dur. Mərkəzdə daimi əsaslarda 6, müddətli müqavilə əsasında
isə il ərzində 3-4 nəfər işləyir. Mərkəzdə Kitabxana, Kompüter laboratoriyası,
Proqram şöbəsi adında şöbələr fəaliyyət göstərir. Mərkəzin xaricdə rəsmi tərəfdaşı
özünün Gürcüstandakı regional ofisidir. Bununla bərabər, Mərkəzdə il ərzində 4-5
xarici səfər təşkil olunur.
Mərkəz 5 layihə həyata keçirmişdir:
1. Parlament köməkçi üzvlərinin sorğusu (DAI Inc., Azərbaycanda
Parlament
Proqramı USAID (ABŞ Beynəlxalq İnkişaf Agentliyi);
2. Azərbaycanda sosial müdafiə və sosial inteqrasiyaya dair tədqiqat (Avropa
Komissiyası,
DG Məşğulluq, Sosial İşlər və Bərabər İmkanlar);
3. Ermənistan və Azərbaycanda obyektiv media əhatə dairəsi (Xarici
Əməkdaşlıq Birliyi);
4. Azərbaycanda hüquq və məhkəmə sisteminin tədqiqatı
və Fokus Qruplar
(GTZ);
5. Transölkələr ticarət əməkdaşlığının Azərbaycan və Gürcüstan (GİZ) arasında
öyrənilməsi.
Hər il təxminən 50 açıq mühazirə təşkil edir.
Mərkəz “Azərbaycanda sosial qoruma və sosial müdaxilə” adında beynəlxalq
hesabat hazırlamışdır. (e-versiyası: http://ec.europa.eu/social/main.jsp?catId
=89&langId=en&newsId=1045&moreDocuments=yes&tableName=news).
Layihələrin həyata keçirilməsində yerli və xarici donorlar dəstək olur.
Hal-hazırda Mərkəz:
1. DAI Inc., USAID-in Azərbaycandakı Parlament Proqramının - Parlament
köməkçi
üzvlərinin sorğusunu;
2. ACİ Beyin Mərkəzi Fondunun - gənc tədqiqatçılar üçün təqaüd proqramlarını
həyata keçirir.
Bununla bərabər, Mərkəz 5 il ərzində 5 tədqiqat layihəsi həyata keçirmişdir.
Mərkəz problem istiqamətlər üzrə birgə tədqiqat layihələrinin həyata
keçirilməsini Azərbaycanda “beyin mərkəzləri” arasında əməkdaşlığın
genişləndirilməsində əsas vasitə hesab edir.