29
15.8. Özəl təhsilin inkişafına hüquqi təminat. 15.9. Xarici
ölkələrlə tələbə mübadiləsi; 15.10. Xaricdə ali təhsil
haqqında məlumat.
Mövzu 16.
1991-ci ildən sonrakı mərhələdə Azərbaycanda
pedaqoji mətbuatın inkişafı
15.1. “Azərbaycan məktəbi” jurnalı; 15.2. “Azərbaycan
müəllimi qəzeti”; 15.3. “Azərbaycan dili və ədəbiyyatı
tədrisi” jurnalı; 15.4. “Fizika, riyaziyyat və informatika
tədrisi” jurnalı; 15.5. “Məktəbəqədər və ibtidai təhsil”
jurnalı; 15.6. “Sənətkar” jurnalı; 15.7. “Təhsil xəbərləri”
məlumat informasiya məcmuəsi; 15.8. “Təhsil problemləri”
qəzeti; 15.9. “Təhsil və zaman” qəzeti; 15.10. “Təhsil”
jurnalı; 15.11. “Bakı təhsili” qəzeti; 15.12. “Kurikulum”
elmi-metodik jurnalı
33
“AZƏRBAYCAN TƏHSİL TARİXİ” FƏNNİ ÜZRƏ
TƏLƏBƏLƏRİN “SƏRBƏST İŞ” MÖVZULARININ
YAZILMASINA DAİR METODİK MƏSLƏHƏT
Tələbələrin “Sərbəst iş” mövzuları üzərində işləməsi
fənnin daha dərindən mənimsənilməsinə kömək etdiyi kimi
onların, tədqiqatçılıq bacarığını da inkişaf etdirir, elmə
həvəsini
artırır,
müstəqil
çalışmaq
vərdişlərini
möhkəmləndirir.
Ali məktəblərimizdə Bolonya prosesinin tətbiqi,
təhsilin kredit sisteminə keçidi tələbələrin daha çox müstəqil
çalışmasını tələb edir. Müstəqil çalışan, əməli fəaliyyət
göstərən tələbə daha çox bilik qazanır və öyrənir.
Psixologiyadan məlumdur ki, insan bilik üzərində nə
qədər hərtərəfli işləsə, ona müxtəlif cəhətlərdən yanaşsa, o
hafizədə daha möhkəm yer tutur. Çünki, tələbə material
üzərində müstəqil işləyərkən onu hərtərəfli təhlil edir,
şüurunda eyni bir məsələyə bir neçə dəfə qayıtmalı olur.
Bütün bunlar da həmin materialın hafizədə uzun müddət
qalmasına, praktik əhəmiyyət kəsb etməsinə səbəb olur.
Müasir gənc mütəxəssis yüksək bilik və
dünyagörüşə malik olmaqla bərabər, həm də tədqiqatçılıq
qabiliyyətlərinə malik olmalı, müstəqil düşünməyi,
müstəqil qərarlar çıxarmağı bacarmalıdır. Bunun üçün də
indiki şəraitdə - təhsilin qlobal xarakter aldığı bir dövrdə
tələbənin proqram materialına sahib olması minimum tələb
hesab edilə bilər, geniş nəzəri bilik və dünyagörüşə sahib
olmaq üçün isə daha çox oxumalı, əlavə və ilk mənbələrdən
istifadə etməli və bilikləri genişləndirmək və tətbiq etmək
lazımdır.
Bu baxımdan fənni tədris edən müəllim tələbələrə
müstəqil çalışmağı, daha çox düşünməyi məsləhət görməli,
onların tənqidi və yaradıcı təfəkkürünü inkişaf etdirməlidir.