52
ləvazimatla yanaşı 10 il müddətində hər cür ərzaqla təchiz edə bilərəm»
7
. Şübhəsiz,
Abbasqulu xan rus komandanlığına vəd verməklə, hər şeydən əvvəl, özünün şəxsən
məqsədini güdürdü. Bu fikir onun Rusiya komandanlığına yazdığı məktublardan birində
daha aydın görünür: «... xahiş edirəm ki, Naxçıvan xanlığına sahib olmaq üçün lütfən
mənə fərman verəsiniz»
8
. Lakin təkcə fərmanla kifayətlənməyən Abbasqulu xan daha
sonra Sisianovdan xahiş edir ki, ona kömək üçün rus mayorunun komandanlığı altında
qoşun göndərilsin ki, «... tezliklə və birlikdə Naxçıvana gedə bilsin»
9
. Abbasqulu xan
arzu edirdi ki, mayor əvvəlcə onun o zaman yaşadığı Sisyana gəlsin.
Lakin həmin dövrdə çoxsaylı İran ordusu Naxçıvanda yerləşdiyi üçün Sisianov
rus ordusunu Sisyana göndərmədi. Digər tərəfdən belə bir şəraitdə Sisianov öz
qüvvəsini parçalaya bilməzdi. Knyaz Sisianov öz raportunda belə yazmışdı: «Bizim
əleyhimizə olan kor Kəlbəli xanın qardaşı (əmisi oğlu — red.) naxçıvanlı Abbasqulu
xan, Ağa Məhəmməd xanın dövründə Naxçıvanda hakim olmuş və sonra kor qardaşı
tərəfindən qovulmuşdur. Hazırda o, Göyçə gölü yaxınlığında yüksək dağlıq, hissədə
yerləşən Sisyan adlanan kiçik qalada yaşayır və gözləyir ki, mənim göndərəcəyim 500
nəfərlik ordu və 4 topla, habelə öz adamları ilə Naxçıvanı tutsun. Lakin yollar qarlı və
sıldırımlı dağlardan keçdiyi üçün may ayından əvvəl ora qoşun göndərmək mümkün
deyil»
10
. Knyaz Sisianov daha sonra öz raportunda yazırdı ki, Naxçıvanın ələ
keçirilməsini gələn il Cənubi Qafqaza gələcək rus ordusu ilə razılaşmaq lazımdır. Ancaq
Sisianov bilmirdi ki, Abbasqulu xana yalnız Naxçıvanda hakimiyyəti ələ keçirmək
lazımdır. Abbasqulu xan üçün fərqi yox idi ki, ona hakimiyyətə gəlməkdə ruslar və ya
İran komandanlığı kömək eləsin. Abbasqulu xan Sisianovla yazışdığı halda, eyni
zamanda Təbriz xanlığını işğal edib Təbrizi özünün iqamətgahı seçən İran tacının
vəliəhdi Abbas Mirzə ilə də məktublaşırdı. Həmin dövrdə rus ordusunun qərargahında
artıq Abbasqulu xanın ikiüzlü siyasətindən xəbər tutmuşdular. Bu haqda Qudoviçə
şəxsən podpolkovnik Kotlyarevski xəbər vermişdi. Lakin knyaz Sisianov
podpolkovnikin məlumatına inanmadığından Naxçıvan üzərinə müvəffəqiyyətli yürüş
üçün hazırlığı davam etdirirdi.Bu məqsədlə o, 1805-ci il avqustun 14-də Naxçıvanın
bütün ağsaqqallarına, mollalarına, bəylərinə məktub hazırlayaraq Abbasqulu xanın
adamlarına, bəylərinə məktub hazırlayaraq Abbasqulu
[73-74]
xanın adamlarından olan
Baba bəy və Qulu bəy
vasitəsilə Naxçıvana göndərdi
11
. Knyaz
Sisianovun həmin
məktubunda deyilirdi: «İran rəislərinin..., etibarsız olduqlarını, hətta eyni dindən
olmağınıza baxmayaraq, sizə əzab və əziyyət verdiklərini xatırlamağa ehtiyac yoxdur.
Bu barədə misal gətirməyə də lüzum qalmır. Özünüz görürsünüz ki, məkrli iranlılar
Baba xanın oğlu Abbas Mirzənin göstərişi ilə Mustafa xanın qoşunları öz din
qardaşlarını soyub qarət etdilər. Baba xanın xəyanətini irəvanlı Məhəmməd xanın
başına gətirdiyi əhvalatdan gördünüz. O, məni satıb iranlılara üz çevirdi. Nəticədə
iranlılara etibar etdiyinə görə xanlıqdan əli çıxdı. Həbs edildi və qarət olundu. Mənim
bu günlərdə aldığım dəqiq məlumata görə o, özünün ağsaqqalları və yaxın adamları ilə
7
Yenə orada. II cild, 1272-ci sənəd, s. 635
,
8
Yenə orada.
9
Yenə orada. II cild, 1272-ci sənəd, s. 635
10
AKAK, II cild, 1274-cü sənəd, s. 635
11
Всеподданнейший рапорт кн.Цицианову от 30 декабря 1804 г.№28, АКАК, т II,с.623.
53
birlikdə İrana sürgün ediləcək. Bax budur iranlıların şərikli siyasətinin nəticəsi. Başqa
cür desək, onlar əvvəlcə baş tumarlayır, sonra isə ata-babalarının ev tikdikləri yerlərdən,
becərdiyi torpaqlardan adamları zorla ayırırlar. Əlbəttə, sizin üçün yaxşı olar ki, öz
torpaqlarınızda qalıb ata-babalarınız tərəfindən əkilmiş ağaclara tamaşa edəsiniz və
iranlıların zorla sizi köçürüb başqa yerlərə aparmasına imkan verməyəsiniz. Siz orada
da mal-dövlət sahibi olan kimi, hər şeyi əlinizdən alacaqlar. Əksinə, siz yumşaq ürəkli
və insanpərvər böyük bir dövlətin himayəsi altında olsanız rəisi olduğum
məğlubedilməz ordunun köməyi ilə günəş şüaları altında olanlar kimi qızına bilərsiniz.
Mən, Ümumrusiya dövlətinin imperatoru tərəfindən müdafiə ediləcəyinizə, xalqa həqiqi
xoşbəxtlik gətirəcəyimizə, əmin-amanlığa və hüquqlarınızın qorunacağına zəmanət
verirəm...»
12
. Daha sonra Sisianovun məktubunda deyilir ki, Rusiya qanunu və
müqəddəs rus dövlətinin sərbəstliyi, ondan ibarətdir ki, hər bir hökumətin sərbəst həyatı
saxlanılsın, qorunsun və müdafiə edilsin. Əkər siz öz sakitliyinizi və xoşbəxtliyinizi
qorumaq üçün bu imkandan istifadə etmək istəyirsinizsə, məsləhətim budur ki, şəxsən
sizin xeyrinizə olaraq yüksək dərəcəli rəis Abbasqulu xanla birləşin, onunla birlikdə
mənim vasitəmlə özünüzə insanpərvər dövlətin simasında himayədar tapın. Kəlbəli
xana gəldikdə isə görürsünüz ki, o nə qədər dağıntılar yaradıb, sizin çörəyinizi əlinizdən
alır, sizi doğma torpaqlarınızdan köçürərək iki ildən artıqdır ki, mübarizə aparır. Mən
müqəddəslərə and içirəm ki, sizin həyatınızın təhlükəsizliyi qorunacaq, eviniz və
əmlakınız özünüzdə qalacaq, Heç kim sizin dininizə, adətinizə toxunmayacaqdır. Çünki
Rusiya imperiyasında dinlərə toxunulmur və hər bir xalqa azad şəkildə öz dini
ayinlərini yerinə yetirmək imkanı verilir. Bundan başqa öz şəxsi məqsədləri üçün sizi
soyub talayan İran rəislərinin zülmündən xilas olacaqsınız. Rusiya rəisləri isə öz
hakimiyyəti altında olan xalqların maddi-məişət vəziyyətinin yaxşılaşmasına çalışır,
ticarətin inkişafına yardım göstərir, Naxçıvan diyarında bu imkandan istifadə edərək
istədiyi qədər məhsul istehsal etməklə əhalinin daha da varlanması üçün şərait yarada
bilər
13
.
Bu məktubun məzmunundan göründüyü kimi, heç bir əsas olmadan «iranlılara»
meyl göstərməkdə və Naxçıvan diyarının soyulub talanmasında
müqəssir hesab
edilən Kəlbəli xanın ünvanına hədələyici sözlər deyilir. Ona görə də Sisianov bu
bölgədə olan rus ordusuna komandanlıq etdiyi dövrdə Kəlbəli xan sərbəst fəaliyyət
göstərə bilmirdi. Sisianov Naxçıvan bölgəsindən uzaqlaşdıqdan sonra Kəlbəli xan
birinci Rusiya—İran müharibəsi zamanı bir-birinin ardınca qələbə qazanan Rusiya
dövlətinə üz çevirməyi daha üstün tutdu və xanlığın əmin-amanlığını qorumaq məqsədi
ilə Cənubi Qafqazda olan rus ordusunun komandanlığı ilə yazışmağa başladı. 1806-cı
ildə, xüsusilə Sisianov Bakıda (1806-cı ilin fevral ayı) öldürüldükdən sonra, rus
ordusunun qərargahında general mayor Portnyakin, general-mayor Nebelsin, general-
leytenant Rozen və başqaları
14
Kəlbəli xanın rus dövlətinə meyl etdiyini başa düşdülər.
Fətəli şah və onun oğlu şahzadə Abbas Mirzənin müharibənin başlanmasından sonra
Azərbaycanda törətdikləri dağıntı və İran sərbazlarının Azərbaycandakı qarətləri Kəlbəli
xanda Rusiyaya olan meyli daha da gücləndirdi. Kəlbəli xan çox yaxşı bilirdi ki, Xoy
12
AKAK, II cild, 1276-cı sənəd, vərəq 635
13.AKAK, II cild, 1276-cı sənəd, vərəq 635.
1
4
MDHTA, f. VUA, 4259-cu sənəd, vərəq 100.