Eserlərin fəaliyyətinin ciddi nəzarət altında saxlanıldığını,
onlann hakimiyyət üçün təhlükəli qüvvə hesab olunduqlarını belə bir
fakt da sübut edir. 1922-ci il iyun ayının 4-də RXP MK-nın AKP
MK-ya teleqramına əsasən və yol. Bareykis tərəfindən yol. Kirova
çatdırılmış yol. Buxarinin şəxsi xahişi ilə Azərbaycan FK
Sosialist-inqilabçılar partiyasının istintaq işi üzrə 126 səhifədən
ibarət materialları belə bir qeydlə, RKP MK-ya, Eserlərin işi üzrə
komissiyaya və şəxsən yol. Dzerjinskiyə göndərib: “İstintaq
materialının bir hissəsi əvvəllər ayrılmış və DSİ-yə yol. Menjinskiyə
göndərilmişdir. İstintaq davam etdirildiyi üçün material dərc edilə
və açıqlana bilməz. FK sədrinin müavini və SOO rəisi, məxfi bölmə
rəisi.”
1922-ci ilin noyabr ayının 1 -də Az.MKİ yanında Ali İnqilabi
Tribunal tərəfindən Zaqafqaziya təşkilatlarının işi ilə bağlı eserlərə
qarşı Yekun ittiham irəli sürülür. Həmin ittihamda deyilirdi: “Rusiya
burjuaziyası kapitalist üsul-idarəsini saxlamaq uğrunda proletariata
qarşı mübarizəsində yalnız darmadağın edilmiş rus mülkədarları
sinfinə deyil, keçmiş hakimiyyət pilləsində yer tutmuş meşşanlara,
qolçomaqlara və ziyalılara arxalanmağa başlayıb. Bu kiçik
burjuaziyanın böyük bir hissəsinin ideoloji rəhbəri sosialist
inqilabçılar partiyası oldu. Özünün əksinqilabi məqsədlərinə
demokratik rəng vermək üçün iri burjuaziya bu partiyadan inqilabın
əvvəlində bir neçə dəfə istifadə etdi və siyasi hakimiyyəti ələ
keçirdi. ICrasnov, Skoropatski, Kolçak, Denikin, Vrangel və b.
eserlərin dostu və yolgöstərənləri idilər. Eserlər Bakının mühüm
mərkəz olduğunu nəzərə alaraq, buraya ingilislərin gəlişini təbliğ
ehuəyə başladılar. Eser Evoyan, Doronin bu cür təbliğat aparıblar.
Digər müttəhim Ter-Ohanyan etiraf edir ki, eser partiyasının
göstərişi ilə Ənzəliyə gedib və oradan ingilis qoşunlarını gətirib.
Eyni vaxtda eserlərin cəhdləri ilə Sentrokaspi diktaturası yaradılab
və Osintsevin şahidliyinə görə, bütün işlərə faktiki surətdə leytenant
Yemıakov rəhbərlik edib. Bu diktatura Zaqafqaziya proletariatının
26 nəfər məşhur nümayəndəsini başda Şaumyan və Çaparidze
olmaqla həbs edib, ingilis qərargahının və Biçcraxovun əmri ilə
onları eserlərin və ingilislərin əli ilə öldürüblər. Öz fəaliyyətinə görə
həmin dövrdə Osintsev aviasiya
193
proporşiki kimi Biçeraxov tərəfindən Vladimir ordeni, qılınc və
bantla mükafatlandırılıb. Bolşeviklərin gəlişindən sonra eserlər
Ştemin yazdığı kimi sovet hakimiyyəti ilə silahlı mübarizə apara
bilmədikləri üçün gözləmə mövqeyi tutublar. Xaricdə nəşr olunan
“İnqilabi Rusiya” jurnalının 15 aprel 1921-ci il sayında “Bakıdakı
yoldaşlar kommunist partiyası ilə silahlı mübarizə fikrinə gəliblər”
məqaləsi dərc olunub. Bu məqalə sübut edir ki, Bakı təşkilatı
Osintsev, Fonşteyn, Pletnevin və b. rəhbərliyi ilə 1921-ci ilin
yanvarında sovet hakimiyyəti ilə silahlı mübarizə haqqında qərar
çıxarıb. Təqribən bu vaxtlar müsəlman eserlər qrupu “Xalqçı”
partiyasını yaradırlar. Sovet hökuməti tərəfindən Ədliyyə
nazirliyinin kollegiya üzvlüyünə buraxılmış Səfıkürdski müsəlman
eserlər qrupu gizli komitəsinin sədri, Qaraşarh sədr müavini olur. Bu
komitənin Lənkəran və Salyan qəzalarında təşkilatları var. Kronştadt
qiyamı, Tambovda 1921 -ci ilin yayında Antonov üsyanı və kənd
təsərrüfatmdakı dağıntılar eserlər qarşısında yaxın vaxtlarda sovet
hakimiyyətini devirmək üçün silahlı üsyan etmək məsələsi qoyur.
Bu şəraitdə Moskvada sosialist inqilabçı partiyalann Zaqafqaziya
təşkilatlarının 10-cu Şurası keçirilir. Bakı təşkilatı vasitəsilə
ədəbiyyat Gürcüstan və Enuənistanda yayılır. Nəhayət, 1921 -ci ilin
sentyabrının son günlərində Bakı təşkilatının bütün üzvləri bir yerə
yığışırlar. Ancaq Bakıda əksinqilabi çıxış başqa yolla aparılır.
1922-ci ildə sovet hökumətinin əlinə Parisdə məsul eserlər
tərəfindən rəhbərlik edilən “İnzibati mərkəz”in həqiqi “Xaricdə
eserlərin işi” adı altında kitabça şəklinə salınmış yazışmaları keçir.
Eserlərin rəhbəri Çemov Kronştad qiyamını müdafiə üçün təcili
vəsait və adamlar göndərməyi tələb edir. İnzibati Mərkəz tərəfindən
polkovnik Maxinə məktub göndərilir ki. Birləşmiş komitə adından
Şimali Qafqaza nümayəndə kimi göndərilən polkovnik Nelidovun
dediyinə görə. Şimali Qafqazda üsyana tam hazırlıq gedir, nəzərdə
tutulan 126 qərargahdan artıq 73-ü yaradılıb, 110 min nəfər çıxış
etməyə hazırdır. Üsyan 1921- ci ilin oktyabrından gec olmamalıdır.
Məktubda sonra göstərilir ki, yazışmanı eser Parisdə Kerenskinin
adına aparsınlar və üsyan günü Qafqazdakı çıxışları Şimali qərbi
Rusiya ilə əlaqələndirsinlər... Bir çox müttəhimlərin ifadələrindən
görünür
194
ki, Vrangel təşkilatının Bakıda ağqvardiyaçı zabitlərdən ibarət
qərargahı olub. Bu qərargah Şimali Qafqazdakı hətta
Konstantinapolla əlaqəsi olan silahlı üsyançı qruplara rəhbərlik edir.
Konstantinapoldan göstəriş alınıb ki, Novorossiysk mühüm liman
şəhəri kimi silah, texnika və canlı qüvvə ilə təminatın
mürnkünlüyünə şərait yaradılması üçün ələ keçirilsin. Vrangelçilər
eserlərin mənəvi dəstəyinə ehtiyac duyub, üsyanın müsəlman
fəhlələr tərəfindən müdafiə edilməsi üçün Səttarbəy və Əhməd Şükri
bəy adlı şəxslərlə danışıqlar aparmış, ancaq sonuncunun ruslara
inamsızlığına görə bu danışıqlar baş tutmamışdır. Vrangel üsyanına
hazırlıqda müsəlman qrupların roluna gəldikdə Krestovskinin
ifadəsinə əsasən, SəfıMrdski və Hacınskinin iştirak etdiləri bu
qrupun yığıncağında o, bütün bildikləri haqqında məlumat verib. Bu
iki şəxs silahlı üsyanın keçirilməsində Vrangelçilərə vasitəçilik
ediblər. 1921-ci ilin qışında Bakı təşkilatında sovet hakimiyyətinə
münasibətlə bağlı müzakirələr başa çatır. Partiya Şurasının
kommunist partiyası diktaturasının devrilməsi barədəki qərarının
həyata keçirilməsi tələb olunur. Zaytsevin mənzilində 1922-ci ilin
yanvarında Bakı təşkilatının geniş iclasında Zaytsev Tiflisə getməsi
və Tiflisdə Zaqafqaziya təşkilatlarının gözlənilən qurultayı barədə
məruzə edir. Tiflisdən qayıdan Bakı nümayəndələri martın 5-də
Krestovskinin mənzilində geniş iclas keçirir və sovet hökumətini zor
gücü ilə devirməyə çağıran Tiflis qətnaməsini qəbul edirlər.
Hacmski, Səfıkürdski və Qaraşarlı zəhmətkeşlərin inamından və
vəzifə səlahiyyətlərindən istifadə edirək, əksinqilabi məqsədlər,
sovet hakimiyyətini devirmək üçün gizli surətdə müsəlman eser
təşkilatı “Xalqçı” partiyasını, qəzalarda bölmələr yaratmış və
tərəfdarlar cəlb etmiş, SİP-in Bakı təşkilatı və Ştem vasitəsilə
Moskva təşkilatı ilə əlaqəyə girmişlər. SİP Zaqafqaziya təşkilatının
işi üzrə istintaq komissiyasının üzvü Tarasov-Rodionov. Təsdiq
edilib: Az. MİK yanında Ali Tribunal Kollegiyasının sərancamçı
müşavirəsi. 1 noyabr 1922-ci il.”
Ali İnqilabi Tribunalın eserlərin işi ilə bağlı çıxardığı hökmdə
əksinqilabi fəaliyyətdə təqsirləndirilən bu şəxslərə müxtəlif
müddətlərdə həbs cəzası kəsilir. Bizim üçün xüsusi maraq doğuran
195
Dostları ilə paylaş: |