_________Milli Kitabxana_________
177
bilmişdir. Onun heca vəznində yazdığı şeirləri ilə yanaşı qəzəlləri
daha çox diqqəti cəlb edir. Qəzəllər həm mənasına ,
həm də poetik
siqlətinə görə klassik Azərbaycan poeziyası ilə nə qədər səsləşirsə,
dilinə, obrazlılığına görə də aşıq porziyasını xatırladır. Aqilin
“Oxusun” rədifli qəzəlini bu baxımdan nümunə çəkmək olar:
Ey qələm, yaz halım, qaşları kaman oxusun,
Məni bu dərdə salan sərvi-xuraman oxusun.
Eşqinin xəstəsiyəm davamı bilən bir odur,
Yalvarıb istəyirəm, canıma dərman oxusun.
Indidən qoy dinləyib qoy eşitsin qəlbim deyəni
Axırda etdiyinə olar peşiman oxusun.
Yar, sənin hər söhbətin xoşdur mənə nəğmə kimi,
Istərsə o dillərin qətlimə fərman oxusun.
Sənsiz ey can sirdaşım, baharda kim görsə məni,
Üzümdə boranlı qış, gözümdə duman oxusun.
Ömrümün dəftərini kim açacaq səndən qeyri,
Orda sağ qalmasına min şübhə, güman oxusun .
Həyatın şirin çağıdır, gül, danış, ey sevgilim,
Eşqinə qoy dastanı Aqil tək qanan oxusun.
Özünün dolğun bədii-estetik dəyəri ilə seçilən poeziyasında ,
xüsusən də gözəlliyin tərənnümünə həsr
olunmuş müxəmməslər
Aqilin yaradıcılığında yüksək bədii-estetik keyfiyyətlər qazanır
və yeni məzmun kəsb edir. Bu şeirlərdə elin, obanın, zəhmətkeş
insanların sevinci, qəlbinin səsi eşidilir.
Göyçə el şairliyində dəyərli yeri olan
Şair Kazim 1842-ci
ildə Göyçənin Ağbulaq kəndində anadan olmuş və 1929-cu ildə
vəfat etmişdir. Kasıb güzəran keçirən bu el şairinə Aşıq Ələsgər
həmişə maddi cəhətdən kömək göstərərmiş. Kazım həcv yazmağa
daha çox meyl edərmiş. Onun “Nazlı xanımla deyişmə”si və
“Çıxar”, “Olu”, “İnciyər” kimi şeirləri məlumdur.
_________Milli Kitabxana_________
178
El sənətkarı
Əli Mazanoğlu Namazov (1890-1974) qədim
Göyçənin sazlı-sözlü Cil kəndindəndir.Yaşadığı dövrün aşıq və el
şairlərinin yaradıcılığı onun həyatında təsirsiz qalmamış, Kazım,
Aqil, Müseyib kimi sənətkarlarla ünsiyyətdə olması onda aşıq sə-
nətinə böyük maraq oyatmışdı.O, həm saz, balaban çalmağı öyrən-
miş, həm də aşıq poeziyasının müxtəlif janrlarında yazdığı şeirləri
ilə tanınmışdır. Əli Mazanoğlu XX əsrin əvvəllərində erməni daş-
naqlarının törətdiyi vəhşiliklərə qarşı aparılan mübarizənin fəal iş-
tirakçısı olmuş, tökülən qanları, törədilən qırğını gözləri ilə
gördüyündən şeirlərinin birində giley-güzarını belə bildirmişdi:
Əli deyər bəd zamanlar,
Əbəs verdin nahaq qanlar.
Gədiklərdə çox insanlar
Sən saldın borana, dağlar!
Əli Mazanoğlunun aşıq şeiri üslubunda yazdığı bir qıfılbəndi
maraq doğurur:
Aşıq, məni halı eylə,
Ustad kimdir, dərsi nə?
Üç səyyahın yolçusuyam,
Nuru çıraq, birisi nə?
Simsar bilib dada gəldik,
Yıxma viranə könlümü
Hansı pəhlivan axtarır
Sığınmağa bir sinə?! [140-38]
XIX əsrin sonu və XX əsrin əvvəllərində Göyçə aşıqlar mü-
hitində tanınmış sənətkarlardan biri də
Aşıq Vəlidir. O, Basarke-
çərin Yarpızlı kəndində anadan olmuş, dövrünün ustad aşıqların-
dan dərs almış, təkcə Göyçə mahalında deyil, Azərbaycanın əksər
bölgələrində keçirdiyi toylarda oxuduğu saz havaları, söylədiyi
dastanlarla xalqın hörmətini qazanmışdır. Xalq yazıçısı İlyas
Əfəndiyevin “Geriyə baxma, qoca” romanında
göstərildiyi kimi,
...Qarabağın ən hörmətli, sənətə, sənətkara qiymət verən adamları
Aşıq Vəlini öz dəstəsi ilə Göyçə mahalından toylar yola salmağa
_________Milli Kitabxana_________
179
çağırardılar. Göyçənin müxtəlif kəndlərində yaşamış el ağsaqqal-
ları onun “Misri”, “Koroğlu cəngisi”, “Ayaq divani” və s. saz
havaları üstə zil səslə oxuduğu mahnılardan çıraq və lampaların
“nəfəs”inin qaraldığını böyük maraqla söyləyərdilər.
Aşıq Vəlinin yaradıcılığı inqilabdan əvvəlki illərə təsadüf et-
diyindən onun ədəbi irsinə aid nümunə göstəriləsi tutarlı faktlar
yoxdur. Anadan
olduğu tarix məlum olmasa da o, 1929-cu ildə
doğma kəndində vəfat etmişdir. Onun vəfatından sonra bu ailədə
aşıq sənətinə olan maraq daha da artmışdır. Oğlu Aşıq Oruc Əh-
mədov (1920-1976) Göyçənin adlı-sanlı sənətkarlarından aşıqlıq
sənətini öyrənmiş, yazdığı qoşma, gəraylı və təcnisləri ilə şöhrət-
lənmişdir. Azərbaycan türklərinin deportasiyası zamanı Gədəbəy
rayonundakı Zəhmət
kəndinə pənah gətirmiş, burada aşıqlıq sənə-
tini yaşatmış, 1953-1970-ci illərdə rayon mərkəzində fəaliyyət
göstərən aşıqlar ansamblına rəhbərlik etmişdir. Aşıq Oruc gənc
aşıqların yetişməsinə qayğı göstərmiş, Gədəbəy aşıqlarından İs-
fəndiyar Rüstəmov, Şahsuvar Fərzəliyev,
Zahid Aslanoğlu kimi
aşıqların həyata vəsiqə almasında əlindən gələni əsirgəməmişdir.
“Qurbani” dastanının ən dolğun və əhatəli olan variantı Aşıq
Orucdan yazıya alınmışdır [118-136].
Yeri gəlmişkən qeyd olunmalıdır ki, Aşıq Oruc Əhmədovun
həyat və fəaliyyəti barədə “XX əsr Göyçə aşıq mühiti (1920-
1950-ci illər)” monoqrafiyasında kifayət qədər məlumat verilmiş-
di. [140-40, 41]
Şahablı Aşıq Cəlil ( - 1918) O, Vedibasar mahalının Çanax-
çıdərə bölgəsində, Vedi rayonunun 13 km cənub-şərqində, Ça-
pançay qolunun kənarında, Şahablı kəndində anadan olmuşdu.
1826-1829-cu illər Rusiya-İran, Rusiya-Osmanl müharibələri za-
manı böyük dağıntılara məruz qalan bu kəndi İ.Şopen (1831) xa-
raba kəndlər sırasında vermişdir. Sonradan geri qayıdan
kənd ca-
maatı dağılmış kəndin yaxınlığında yeni kənd salmış, bu kəndi
Yeni Şahablı adlandırmışlar. 1887-1914-cü illərdə bu kənddə mü-
vafiq olaraq 853-840 nəfər azərbaycanlı yaşamışdır. 1918-ci ildə
kənd Andranikin quldur dəstələrinin hücumuna məruz qalmış, da-