_________Milli Kitabxana_________
199
daşımışdır. Lal və kar uşaqlar üçün məktəb açmış, 1927-ci ildə
Tehranda həbs edilmiş, lakin Füyüzat fars əyalətinin Maarif rəisi
işləyərkən bu xəbəri eşidir və Şirazda yeni təşkil edilən uşaq
evində işləməyə gətirmişdir.
Cabbar Əsgərzadə 1933-1935-ci illərdə Tehranda açdığı
karlar və lallar məktəbində işləyir, fiziki cəhətdən qüsurlu olan
uşaqlara kömək edən bir cihaz düzəldir [181]. Pedaqoji fəaliyyət-
lə məşğul olan Cabbar Əsgərzadə 1943-cü ildə müəllimlər üçün
məcmuə nəşr etdirir. O, 1966-cı ildə Tehranda vəfat edir.
3.2. İrəvanda nəşr olunan “Lək-lək” (1914), “Bürhani-
həqiqə” (1917) ədəbi-bədii mətbuat abidələri.
XIX əsrin axırlarında qədim İrəvan quberniyasının və xanlı-
ğınin ictimai-siyasi və mədəni həyatında mühüm dəyişiklər baş
verməkdə idi. Görkəmli və qabaqcıl maarifçilərin səyi sayəsində
İrəvan şəhərində Azərbaycan dilində dərsliklərin meydana gəlməsi,
kitab nəşri, xarici ölkələr ədəbiyyatına dair tərcümə əsərlərinin işıq
üzü görməsi xüsusilə maraq doğururdu. Bu faydalı iş üç istiqamət-
də inkişaf etdirilirdi. İrəvanın hüdudlarından kənarlarda yerli müəl-
liflərin kitabları nəşr olunurdu. Müəlliflər işıq üzü görən əsərlərinin
Təbriz, Tehran, Tiflis, Baxçasaray və Bakı kimi şəhərlərdə çap
olunmasına baxmayaraq, əsərlərinin adı ilə yanaşı, doğma vətənləri
İrəvanın adını müəllif təxəllüsü kimi xatırladırdılar. Məsələn: Şair
Arif İrəvani, şair və diplomat Fəxri Mirzə Abbas İrəvani, Molla
Hacı İrəvani və onlarca başqa müəlliflər əslən İrəvandan olduqları-
nı göstərmişlər... Bu yazıda İrəvanda nəşrinə rəsmi icazə verilən
jurnallar barədə söhbət açmaq oxucuların marağına səbəb olar.
1913-cü ildə “Lək-lək”in nəşrinə icazə verilməsi haqqında
senzura sənədlərində Gürcüstan SSR Mərkəzi Dövlət Tarix Arxi-
vindəki 480-ci fondun 1-ci siyahısının 968 nömrəli iş-qovluğunda
İrəvan qubernatorunun “Lək-lək”i buraxmaq haqqında Mir Mə-
həmməd Mir Fətullayevə və Cabbar Əsgərzadəyə verdiyi 21 yan-
var 1914-cü il tarixli şəhadətnaməsində jurnalın baş məqalələr,
_________Milli Kitabxana_________
200
şeir, şəhər işləri, Qafqaz xəbərləri, teleqramlar, xarici və daxili
xəbərlər, felyeton, təmsil, poçta qutusu, elanlar çapına icazə
verilmişdir.
“Lək-lək” Ermənistanda türk dilində nəşr olunan ilk mətbuat
orqanı, həftəlik məzhəkəli məcmuədir. “Bürhani-həqiqət” İrəvan-
da ayda iki dəfə nəşr olunan ədəbi, siyasi, tarixi, elmi və fənni
jurnalıdır. “Bürhani-həqiqət”jurnalının İrəvan şəhərindəki “Luys”
mətbəəsində ilk nömrəsi 1 yanvar 1917-ci ildə, sonuncu nömrəsi
isə elə həmin ilin iyununda çapdan buraxılmışdır. Sərlövhə altın-
da “Etiraf, tərəqqi, etimad... hələlik ayda iki dəfə nəşr olunan
ədəbi, siyasi, tarixi, elmi və fənni məcmuəsidir”. Müdiri və
mühərriri Əli Hacı Zeynalabdınzadə Rəhimov (Məhzun), naşiri
Həsən Mirzəzadə (Əliyev)dir. “Bürhani-həqiqət” jurnalının cəmi
9 nömrəsi işıq üzü görmüşdür. Həmin nömrələrdə əsasən bədii və
publisistik materiallar dərc edilmişdir. “Bürhani-həqiqət”in səhi-
fələrində Əli Məhzun, Cabbar Əsgərzadə Aciz İrəvani, Əbdülhəq
Mehrülnisa, Səri Xanım, T.Fikrət, Ə.Sədi, Təhsin Nahid, H.Rəm-
zi, Təhsin İrəvani, Mirzə Cabbar Məmmədov və başqalarınin ori-
jinal, iqtibas və tərcümə əsərləri çap olunmuşdur. Jurnal əsasən
maarifçi-realist ədəbiyyatın mövqeyini müdafiə edirdi.
“Bürhani-həqiqət” jurnalını nəşr etmək barədə Ə.H.Zeyna-
labdınzadəyə icazə verilməsi haqqında Gürcüstan SSR MDTA-də
(Mərkəzi Dövlət Tarix Arxivi, fond 1183, iş 680, vərəq 9.) xüsusi
qeyd də yazılmışdır [92].
“Lək-lək” jurnalının 1914-cü il fevral ayının 22-də 1-ci nöm-
rəsi, 12-ci nömrəsi isə həmin ilin 30 iyununda nəşr olunmuşdur.
“Lək-lək” (əslində senzura sənədlərində “Leylək” (Aist) “Molla
Nəsrəddin” ədəbi məktəbi ənənələrini davam etdirmişdir. “Lək-
lək” jurnalının naşir və redaktoru Mir Məhəmməd Mir Fətullayev
və Cabbar Əsgərzadə (Aciz) olmuşdur, jurnal İrəvandakı “Luys”
mətbəəsində çap edilirdi.
Irəvandakı ziyalılardan tanınmış “Molla Nəsrəddin”çi şair
Cabbar Əsgərzadə (Aciz), şairə Səriyyə Xatun , Vahid Muğanlı,
fars və rus dillərində bir sıra dərsliklərin müəllifi Mirzə Cabbar
_________Milli Kitabxana_________
201
Məmmədov, Rəhim Hacı, Təhvil İrəvani “Bürhani-həqiqət”in sə-
hifələrində sanballı məqalə və şeirləri ilə çıxış edirdilər. Məqalə-
lərdə soydaşlarını “səfalət və zəlalət zülmündən” xilas etmək, ic-
timai-siyasi həyatda hökm sürən hadisələrin mahiyyətini, onları
doğuran səbəbləri həqiqətin dili ilə çatdırılması çətin də olsa, əsa-
sən buna nail olurdular.
Əvvəla, “Lək-lək” məcmuəsinin mühərrir və naşirləri barədə
oxucularda bir qədər əhatəli təsəvvür yaratmağı lazım bilirik.
Zamanının istedadlı ziyalılarından olan, Tiflisdə, Bakıda, İrə-
vanda nəşr olunan “Molla Nəsrəddin”, “Tartan-Partan”, “Zənbur”,
“Kəlniyət”, “Məzəli” “Bəhlul”, “Rəncbər”, “Zəngi”, “Qızıl Şəfəq”
[136] kimi məcmuə və qəzetlərdə satirik şeirlər və kəskin publi-
sistik məqalələr müəllifi kimi tanınan, xalqımızın maariflənməsi və
istiqlaliyyəti uğrunda əlindən gələni əsirgəməyən Cabbar Əsgərza-
dənin yaradıcılıq fəaliyyəti Azərbaycan ədəbi ictimaiyyətinin yaşlı
nəsillərinə bəllidir. Onun tərcümeyi-halının hamıya hələ tam aydın
olmayan məqamlarını təfərrüatı ilə çatdırmaq məqsədilə ermənilə-
rin tarix boyu müsəlmanların, o cümlədən də azəri türklərinin başı-
na açdığı müsibətlərin acı nəticələrini ürək ağrısı ilə qələmə alan ,
bu dəhşətlərin təsvirini ictimaiyyətə mətbu sözlə çatdıran maarif-
pərvər və ictimai xadim olması barədə “Yazıçı” nəşriyyatında gör-
kəmli alim Zahid Əkbərovun 1991-ci ildə nəşr etdirdiyi “Cabbar
Bağçaban” toplusunda daha ətraflı məlumatlar diqqətə çatdırılır.
Müəllif göstərir ki, bütün şüurlu həyatını doğma xalqının azadlıq
hərəkatına, maarifinə, mədəniyyətinə, incəsənətinə sərf edən C.Əs-
gərzadə öz dövrünün ziddiyyətlərindən baş çıxartmaqla, ədəbi fəa-
liyyətini xalqının gələcəyi naminə mütərəqqi amallara yönəltməyi,
yaradıcılığında irəli sürdüyü, geniş kütlələrə təlqin etmək istədiyi
vacib məsələləri işıqlandırsın. Bunun üçün İrəvanda türk dilində çı-
xan ilk mətbuat abidəsi “Lək-lək”in redaktoru olması, bu məcmuə-
ni “Molla Nəsrəddin” jurnalının ənənələrinə sadiq olan bir tribuna-
ya çevirmək missiyası onun öhdəsinə düşmüşdü. “Lək-lək”in xalq
qarşısındakı xidmətlərinin tarixi əhəmiyyətindən, ictimai-siyasi
mahiyyətindən söhbət açan Z.Əkbərov yazır: “Lək-lək” nəşr olun-
Dostları ilə paylaş: |