Azərbaycanın böyük şairi Xəlil Rzanın bizim xalqın mədəniyyətinin inkişafında böyük
Yüklə 2,49 Mb. Pdf görüntüsü
|
- Bu səhifədəki naviqasiya:
- QALX AYAĞA, AZƏRBAYCAN!
- XƏLİL RZA ULUTÜRK
- Türkan, 25 qasım, 1988 271 SİLAHLAN!
267 QALX AYAĞA, AZƏRBAYCAN! Dahi Azərbaycan şairi, ustad Şəhriyarın adı ilə əl- əl gəzən, dildən-dilə düşən şeirin onun qələmindən çıxdığına şübhə etdim, yenidən yazmağı və bəzi misraları, ifadələri saxlamağı lazım bildim. Sürünmüsən iki əsr, Övladların əsiryesir. Nə qəm, adın çəkiləndə Yad hələ də zağzağ əsir. Gecəgündüz səngərdəsən, Sən yaralı, sən yarımcan. Ovcunla sıx yaranı sən, Qalx ayağa, Azərbaycan! Sən can dedin, çor dedilər. Haqqını basıb yedilər. Pak, müqəddəs torpağını Parçalayıb çeynədilər. O qurdlara sən vermə can, Qalx ayağa, Azərbaycan! Səngəri gen, ürəyi dar Gör nə qədər düşmənin var. Mini gizli, beşi aşkar Dişi qanlı canavarlar Əl çəkəcək səndən haçan? Qalx ayağa, Azərbaycan! Qaranlığın bağrında xal – Od kürəsi neçə tonqal. Bəsdir hava uddun... indi Alovlarla sən nəfəs al.
268 XƏLİL RZA ULUTÜRK SEÇİLMİŞ ƏSƏRLƏRİ Gecələrin laləzarı Odlar təki qalxıb ucal! Çınqılarmı, tüstülərmi, Ya özünsən qanad açan? Səməndərsən, Prometeysən – Qalx ayağa, Azərbaycan! Bu meydanın dörd yanı tank, Sən tank ara qocaman dağ. O eybəcər tırtılları, O zirehi... alovvarı Pak nəfəsin yandıracaq! Bu gün bəxtin öz əlində, Eraların özülündə Ey əbədi yanar ocaq! Şumerəcən, Oderəcən Ey şöləsi göynən uçan! Qalx ayağa, Azərbaycan! Kim çağırdı o tankları, Tanı yurdu satanları! Atıb yurdu, atıb xalqı, Yalnız rütbə tutanları! Hüzuruna çıxa bilmir Kömürdən də üzüqara. Papağını təhvil versin Kişi ruhlu qadınlara. Düşmənini bəzən qucan, Seç qaradan ağı, ayır, Qalx ayağa, Azərbaycan! Aləm bilir, sən nə qədər İstiqanlı, mehribansan. Güllərini dosta, yada Bəxş eləyən gülüstansan.
269 Bu sahildə Odlar yurdu, O sahildə Türküstansan. Müsəlmanlıq sədlərinə Sığışmayan müsəlmansan. Xaçpərəst də, buddaçı da Üzündəki nura heyran. Sevir türkü altı qitə, Sevməyənlər türkə qurban. Ey qaranlıq gecələrdə Ülkər kimi oyaq qalan, Daş asfaltdan, yaş asfaltdan Antey kimi qüvvət alan, İldırımdan sürət alan, Qasırğadan cürət alan, Yandırdığı ocaqlar tək Bu dünyaya şölə saçan, Qalx ayağa, Azərbaycan! Neçin şeirim sona yetmir? Çünki qanlı bir ümmansan. Əsrlərin arxasında Tomris – dişi bir arslansan. Keyxosrovlar qılıncını Qırıb atan pəhləvansan. Günəş taclı Şah Xətai, Ulu Babək, Cavidansan. Yazıb inək dərisinə “Avesta”nı yaşadansan. Qoşqarından ayrı düşən Qaflankuhsan, Savalansan. Asimanlar genişlənər, Bir gün qalxıb havalansan. Əvvəlaxır susacaqdır Zingildəyən, donquldayan. Karvanını saxlayammaz
270 XƏLİL RZA ULUTÜRK SEÇİLMİŞ ƏSƏRLƏRİ Nə “ov”, “zadə”, nə “pur”, nə “yan” Beş qitəyə nurun əyan, Haqqın özü sənə hayan. Suyu şərbət, daşı mərcan – Qalx ayağa, Azərbaycan! Göz yaşını silib oxşa, Ağlamasın nalan balan. Yığ, birləşdir, yaraqlandır! – Hər nəfəri döyüş qalan. Təbriz səda verir sənə, Susmayacaq darda qalan. Dayansın neft kəmərlərin, Saxla, bitsin qarət, talan. Can şəhdini kimə verir Bakın, Makun, Zaqatalan? Varyoxunu yerlidibli Səndən xüms, zəkat alan Əl çəkəcək səndən haçan? Qalx ayağa, Azərbaycan! Dəmirbeton qapıları Taytay açan, şölə saçan, Yer titrədən, göy gurladan, Ulduzları öpüb qucan, Nə yaralı, nə yarımcan, Bizə nəfəs, bəşərə can – Qalx ayağa, AZƏRBAYCAN! Türkan, 25 qasım, 1988 271 SİLAHLAN! Bu sərt, ağır günlərdə Mən – Ali Baş Komandan olsam, olmasam belə Azərbaycan adından Əmr edirəm: Silahlan! Silahsız dayanmağa bir qırpım da haqqın yox! Gözlərin – qoşalülə... Kirpiklərin güllə, ox! Bilirəm, düşmənlərin bərk durub keşiyində, Alınmışdır əlindən hətta ov tüfəngi də. Nə qəm, kinlə silahlan! Topdan, tüfəngdən üstün, Tankdan, raketdən güclü qeyrətinlə silahlan! Arxalı köpəklərə nifrətinlə silahlan! Xiyabani ruhunu alışdır nəfəsinlə, cürətinlə silahlan! Bilirəm, Elbrusdan, Savalandan ağırdır çiynində sənin yükün. Telegüzgü, radio, mətbuat çoxdan ölgün. Yox... sən ölməməlisən! Hələ ki gedib gələn nəfəsinlə silahlan! Qəfəsdəsənmi? Qır, sök, qəfəsinlə silahlan! Sən bizim şeirimizdən, nəsrimizdən güclüsən. Əsrimiz qəhrəmandır, əsrimizdən güclüsən. 37də batmış, 46da vurulmuş nəslimizdən güclüsən. Dodaqlarından qopan neçin amandır, ahdır? Alçaqlara qəzəbli bir baxış da silahdır. Baxışınla, qanınla, vücudunla silahlan! Dön Səməndər quşuna... Yan... odunla silahlan! Dəyənəklə, kürəklə, daşkəsəklə silahlan! Nuş et ildırımları, bir şimşəklə silahlan!
272 XƏLİL RZA ULUTÜRK SEÇİLMİŞ ƏSƏRLƏRİ Onlar səni silahsız, pənahsız görmək istər, Sən nəğməylə, marş ilə, nümayişlə silahlan! Bayraq elə özünsən, Qalx, döyüşlə silahlan! Silahlan insanlığa sonsuz məhəbbətinlə, Humanizm adlanan ən böyük sərvətinlə! Hələ heç bir fitvaya, felə, məkrə uymayan, Bircə qarışqanı da tapdamağa qıymayan, Qəlbi ümmandan dərin, bənövşədən də kövrək, hətta düşmənlərinə duzçörək verən xalqım! Çəkinmə, bu döyüşdə aləm sənə pənahdır, Sənin gül təmizliyin, saflığın da silahdır. Qanında saflıq adlı daşqın ilə silahlan! Dünyaya məhəbbətin, eşqin ilə silahlan! Vurçatdasın içində elə bilmə ki, təksən: Yer də, göy də sənindir. Sən qalib gələcəksən! 1988 GƏNCLİYİM Badam bağlarına gəlib çatanda Heyrətdən az qala birdən bayıldım. Bayıldım, ayıldım, baxdım bir daha Min dəfə şükr etdim ulu dərgaha. Yerdənmi çıxmışdır, ya göydən enmiş Süd kibi ağappaq, bəmbəyaz bahar?! Türkanla Qalanın arasındaca Üfüqlər boyunca qatarbaqatar Ağ paraşüt açan bu gülnaz bahar?! Yüklə 2,49 Mb. Dostları ilə paylaş:
|