318
XƏLİL RZA ULUTÜRK
SEÇİLMİŞ ƏSƏRLƏRİ
Qoy düzüm boynuna zümrüd yerinə,
Səpim yollarına, qədəmlərinə.
Sən bir ulu dağsan, mən dağ bulağı,
Bağrından süzülüb durulmuşam mən.
Öpüb oxşadığın körpələrinə,
Ana mehrinə də vurulmuşam mən.
Leylim,
Beatriçam,
Zöhrəm,
Cülyettam!
Bütün dastanlara ilkin yaraşıq!
Biz iki erada, altı qitədə
Ölümsüz eşq üçün adaxlanmışıq.
1969
EŞİTSƏM GƏLİRSƏN
Eşitsəm gəlirsən, dönərəm yelə,
Öpərəm mübarək qədəmlərini.
İçərəm bənövşə kirpiklərindən
Asılan mirvari şəbnəmlərini.
Öpərəm mübarək qədəmlərini.
Eşitsəm gəlirsən, uçaram, inan,
Pənbə buludlarla qucaqlaşaram.
Açaram köksümü yeddi iqlimə.
Dəli çaylar kimi aşıbdaşaram.
Pənbə buludlarla qucaqlaşaram.
Elə bir gülsən ki, ömür bağımda
Səni nəfəsimlə bəsləmişəm mən.
Qönçə bağlamısan göz qabağımda,
319
Səni dan yerindən səsləmişəm mən.
Səni nəfəsimlə bəsləmişəm mən.
Eşitsəm gəlirsən, çıxaram yola,
Bütün yollar boyu güllər əkərəm.
İkimiz bir qəlbdə yaşayaq deyə,
Sənə qəlbim boyda bir ev tikərəm.
Bütün yollar boyu güllər əkərəm.
Mən evəm, sən mənim odocağımsan,
Bağbanam, sən mənim barlı bağımsan.
Mən dağ bulağıyam, sən bulaqlı dağ,
Dünyadan ən böyük umacağımsan.
Ürəyim o qədər yanıqlıdır ki,
Az qala qanadlı bir quşa dönəm.
Sənin tellərinə düzülmək üçün,
Yağışa, zümrüdə, daşqaşa dönəm.
Az qala qanadlı bir quşa dönəm.
Gürşadla, baharla, ya qatarla gəl!
Hər bir qədəmini könlüm izləyir.
Yüzyüz, milyonmilyon dalğalarla gəl,
Səni sahildə bir qaya gözləyir,
Hər bir qədəmini könlüm izləyir!
1973
ƏLİNİ MƏNƏ VER!
Kim bilir, bəlkə də tab eləməzdim
Bunca sitəmlərə, bunca qəmlərə.
Günlərin bir günü rast gəlməsəydim
Hüsnündə gül açan təbəssümlərə.
320
XƏLİL RZA ULUTÜRK
SEÇİLMİŞ ƏSƏRLƏRİ
Alov kürəsindən çıxan sözlərin
Əritdi nə qədər qaya buzları.
Qırdıq tilsimini məsləksizlərin,
Vaxtında tanıdıq dələduzları.
Zövq ilə yaradıb bu dünya bizi,
Haça budaq kimi ömrümüz şərik.
İtirsək hardasa birbirimizi,
Hardasa yenidən birləşəcəyik.
Əlini mənə ver, bala tərlanım!
Ən ulu zirvəni məskən seçərik.
Dağları dağıdan minmin tufanı
Biz qanadqanada yarıb keçərik!
Sənin qulağında qar sırğaları,
Mənim üzgözümdə şaxtalardan iz.
Bütün çovğunları, qasırğaları
Susdurar baharı doğan qəlbimiz.
Məni qorxutmayır nə cəng, nə hədə,
Nə qoca dünyanın ölümitimi.
Əzrayıl canımı ala bilsə də
Ala bilməyəcək məhəbbətimi.
Onlar yalan deyir: Dünya ölüm, qan...
İnsan köməksizdir, insan tayqanad.
Baxıb gözlərinə qışqırdı könlüm:
“Gözəldir yaşamaq, gözəldir həyat!”
1977
“...Bəlkə eraların başı üstündən mən bir də gələcəm Azərbaycana!”
Salyanın Pirəbbə kəndi. Xəlil Rza bu evdə dünyaya gəlib
(indi bu kənd Neftçala rayonunun inzibai-ərazi bölgəsinə daxildir)
Şairin valideyni – atası Rza, anası Xanım
Məktəb illəri. Aşağı sırada soldan birinci Xəlil Rza oğlu. 1948
Pedaqoji Univ
ersitetdə ilk müəllimlik təcrübəsi.
Aşağı sırada sağdan ikinci Xəlil Rza. Ötən əsrin 60-cı illəri
“... Mənim şeirim vüsalı, istiqlalı alqışlar”
Firəngiz xanım. 1957
Ömür-gün yoldaşı Firəngiz xanımla. 1960
Gənclik illəri
Xəlil bəylə Firəngiz xanım övladları Təbriz və Rza ilə. 1968
Neva sahillərində. 1959
“Kürsülərə sığmayan cəsur şeirim, ər şeirim
Təpədən dırnağacan silahlı əsgər şeirim...”
Xəlil Rza və Nəriman Həsənzadə həyat yoldaşları Firəngiz xanım və Sara xanımla.
1957-1959-cu illər, Moskva
Balaca Təbriz və Rza anaları Firəngiz, bibiləri Böyükxanımla
Şairin övladları Təbriz və Rza
Nazim Hikmət və Rəsul Rza ilə
Xəlil Rza bir qrup tanınmış ədəbiyyat xadimi ilə
“...Sənət həvəsinə düşməzdən əvvəl
Sənətkar mənliyi yetişməlidir!”
Səttar Bəhlulzadə və Qabil ilə
Dostları ilə paylaş: |