127
Beynəlxalq ticarət nəzəriyyələrinin inkişafında XX əsrin 80-ci illərində amerikan
iqtisadçısı Maykl Porterin işlədiyi ölkələrin rəqabət üstünlükləri nəzəriyyəsi mühüm
əhəmiyyət kəsb etmişdir. O özünün bu nəzəriyyəsində klassik və neoklassik iqtisadçıların
baxışları ilə neotexnoloji məktəbin təmsilşilərinin baxışlarını bir araya gətirə bilmişdir.
Alim dünya ticarətinin ikidə bir hissəsini özündə cəmləşdirən 10 ən iri sənaye ölkələrinin
şirkətlərinin praktiki fəaliyyəti üzrə tədqiqat apararaq belə bir nəticəyə gəlmişdir ki, dünya
bazarında ölkənin rəqabət qabiliyyətinin bir-biri ilə qarşılıqlı fəaliyyətdə və əlaqədə olan
dörd başlıca parametri mövcuddur:
5.
Amillərin şəraiti. Bu zaman müəyyən sahədə müvəffəqiyyətlə rəqabət aparmaq üçün
lazım olan konkret istehsal faktorları nəzərdə tutulur. M.Porter klassik amillər
nəzəriyyəsini də qəbul etməklə onların sırasına yenilərini də əlavə edir.
6.
Əmtəə və xidmətlərə tələb şəraiti. Bu, sahə tərəfindən təklif edilən məhsul və
xidmətlərə daxili bazarda olan tələbi nəzərdə tutur. Tələb müəssisənin inkişafını
müəyyən edən əsas parametrdir. Bu zaman daxili tələbin vəziyyəti xarici bazarın
potensial imkanları ilə birlikdə situasiyaya əhəmiyyətli dərəcədə təsir edir. Burada
müəssisənin xarici bazarlara çıxışına təsir edən milli xüsusiyyətləri (iqtisadi, mədəni,
təhsil, etnik, adət və ənənələr) də nəzərə almaq lazımdır. M.Porterin yanaşması ayrı-
ayrı şirkətlərin fəaliyyəti üçün daxili bazarın əsas əhəmiyyət kəsb etdiyini qəbul edir.
7.
Ölkələrin firmalarının strategiyası, onların strukturu və rəqabəti. Bu, ölkədə
firmaların yaradılması və idarəedilməsini müəyyən edən şəraiti və daxili baxarda
rəqabətin xarakterini nəzərdə tutur. Firma tərəfindən seçilən bazar strategiyası və
lazımi çevikliyi təmin edən təşkilati struktur beynəlxalq ticarətə müvəffəqiyyətlə
qoşulmanın əsas şərtlərindən biridir.
8.
Ölkədə mövcud olan qohum və yaxın sahələrin xarakteri. Bu zaman ölkədə dünya
bazarında rəqabət qabiliyyətli olan qohum və ya yaxın sahələrin mövcudluğu və ya
qeyri-mövcudluğu nəzərdə tutulur. Müvafiq avadanlıqla təminat, nəqliyyat,
komersiya və maliyyə strukturları ilə sıx əlaqələr rəqabət baxımından mühüm
əhəmiyyət kəsb edir.
Sayılan parametrlər özlüyündə milli ―romb‖ əmələ gətirirlər ki, onun da
komponentləri bir-birlərini qarşılıqlı surətdə gücləndirir (sxem 2.1).
Sxem 2.1
M.Porterin “rəqabət rombu”nun sxemi
Firmaların strategiyası,
onların strukturu və rəqabəti
Qohum və yaxın sahələr
Amillər şəraiti
Tələb şəraiti
Təsadüf
Hökumət
128
Bu sistemə həmçinin təsadüfi hadisələr və hökumətin siyasəti də əlavə edilir. Bu
parametrlər ölkənin rəqabət üstünlüklərini həm gücləndirə, həm də zəiflədə bilər.
M.Porterə görə, daxili bazarda rəqabətin mövcudluğu mühümdür. O, dövlət
tərəfindən müdafiə edilərək istehsalın bir milli firmada cəmləşdirilməsinin potensial
səmərəliliyini qəti surtədə rədd edir. Bu cür dövlət firmalarının əksəriyyəti aşağı
səmərəliliyi, təbii ehtiyatlarda qeyri-səmərəli sitifadəsi və aşağı əmək məhsuldarlığı ilə
fərqlənir.
Daxili bazarda sərt rəqabət firmaları xarici bazara çıxmağa stimullaşdırır, xarici bazar
axtarmağa sövq edir. Bununla yanaşı, daxili bazarda rəqabət qabiliyyətli əmtəələrin kifayət
qədər olduğu şəraitdə xarici satış bazarının tapılması məsələsi nisbətən asanlıqla həll edilir.
Bu baxımdan, M.Porterin nəzəriyyəsinə görə, xarici ticarətdən daha çox uduş qazanmaq
üçün milli əmtəələrin rəqabət qabiliyyətliliyini yüksəltməyə ehtiyac vardır.
NƏTİCƏ
1.
Beynəlxalq ticarətin ən yeni nəzəriyyələri ya klassik nəzəriyyələrin prinsiplərini
inkişaf etdirərək onları daha çox əmtəə, ölkə və istehsal amilinə aid edir, ya da beynəlxalq
ticarətin hnasısa səbəblərdən klassik nəzəriyyələr tərəfindən izah edilməmiş ayrı-ayrı
tərəflərini öyrənir. Bu iki qrup ən yeni nəzəriyyələr beynəlxalq ticarəti əsasən təklif
baxımından öyrənirlər. Üçüncü qrup nəzəriyyələr klassik nəzəriyyələri tam olaraq inkar edir
və onları köhnəlmiş elan edir və beynəlxalq ticarətin özünəməxsus izahını təklif edirlər. Bu
qrup nəzəriyyələr beynəlxalq ticarətdə əmtəəyə olan tələb və təklifin öyrənilməsinə adətən
bərabər dərəcədə diqqət ayırır.
2.
Spesifik istehsal amilləri modeli bütün amilləri mobil (sahələr arasında sərbəst
hərəkət edə bilən) və spesifik (yalnız müəyyən sahələr üçün xarakterik olan) amillərə bölür.
Ölkələrin istehsal amilləri ilə fərqli təmini əmtəələrin nisbi təklifində və onların
qiymətlərində fərqlərə gətirib çıxarır ki, bu da ölkələri bir-biri ilə ticarət etməyə sövq edir.
Beynəlxalq ticarət nəticəsində, ixrac sektoru üçün spesifik olan amillər inkişaf edir, idxalla
rəqabətdə olan sahələr üçün spesifik olan amillər isə azalır. Bu sahələr arasında sərbəst
hərəkət edən mobil amillər ya arta, ya da azala bilərlər. İxrac sahələri üçün spesifik olan
amillərin sahiblərinin gəlirləri artır, idxalla rəqabətdə olan sahələr üçün spesifik olan
amillərin sahiblərinin gəlirləri isə azalır.
3.
Mütləq və müqayisəli üstünlüklər nəzəriyyələri istisna olmaqla, beynəlxalq ticarətin
bütün nəzəriyyələri üçün ticarət nəticəsində əldə edilən gəlirlərin bölgüsü və yenidən
bölgüsü məsələsinin öyrənilməsi əsas problemlərdən biridir. Hekşer-Olinin istehsal
amillərinin nisbəti nəzəriyyəsi göstərdi ki, nisbətən daha bol istehsal amillərinə sahib olanlar
ticarətdən udur, daha qıt istehsal amillərinə sahib olanlar isə ticarətdən uduzurlar. Hekşer-
Olin-Samuelsonun istehsal amillərinin qiymətlərinin bərabərləşdirilməsi teoremi isə belə bir
nəticəyə gəldi ki, ticarət nəticəsində əmtəələrin nisbi qiymətlərinin istehsal amillərinin nisbi
qiymətlərinin bərabərləşməsinə gətirib çıxarması son nəticədə istehsal amillərinin
sahiblərinin gəlirlərini bərabərləşdirir. Əgər ticarət istehsalın spesifik amillərinə əsaslanırsa,
onda Samuelson-Cons teoreminə uyğun olaraq, ixrac sahələri üçün spesifik olan istehsal
amili sahiblərinin gəlirləri artır, idxalla rəqabətdə olan sahələr üçün spesifik olan istehsal
amilləri sahiblərinin gəlirləri isə azalır. Stolper-Samuelson teoreminə görə, beynəlxalq
ticarət qiyməti artan əmtəənin istehsalında intensiv şəkildə istifadə edilən istehsal amilinin
sahibinin gəlirlərinin artmasına və qiyməti azalan əmtəənin istehsalında intensiv şəkildə
istifadə edilən istehsal amilinin sahibinin gəlirlərinin azalmasına gətirib çıxarır. Rıbçinski
teoreminə görə isə istehsal amillərindən birinin təklifinin artması həmin amilin daha