148
Mütləq zaman və nisbi zaman
Kantın antinomiyalarını “mütləq zaman” anlayışı-
na görə təşkil etdiyi görünməkdədir. Bunun səbəbi Kantın
Nyuton fizikasının dərin təsiri altında olmasıdır. “Mütləq
zaman” anlayışına görə, kainatdan müstəqil bir şəkildə axan
zaman vardır və kainat bu “mütləq zamanın” içində var olur.
Halbuki Eynşteynin nəzəri olaraq ortaya qoyduğu və daha
sonra müşahidə etdiyimiz məlumatlarla dəstəklənən “nis-
bi zaman” anlayışına görə, zaman sürət və cazibə qüvvəsi
kimi universal dəyişənlərdən təsirlənməkdədir, zaman-
kosmos-maddə hamısı bir-birindən asılıdır, biri yoxdursa,
digərlərindən bəhs edilə bilməz. Big Bang nəzəriyyəsi kaina-
tın başlanğıc anını göstərərək Kantın antinomiyasının prob-
lemini həll etmişdir. Həmçinin, Big Bang kainatın genişlənən
dinamik sərhədlərini ortaya qoyaraq Aristotel kimi məhdud
kainat və Cordano Bruno kimi sonsuz kainat dizaynlarından
fərqli olaraq, dinamik olaraq genişlənən kainat modelini or-
taya qoymuş, beləliklə, Kantın kosmosun məhdudmu, son-
suzmu olduğuna dair antinomiyasına da son qoymuşdur.
Kantın araşdırdığımız antinomiyasını tədqiq edən Vilyam
Leyn Kreyqin gəldiyi nəticə də maraqlıdır. Kreyq Kantın
anti-tezisinin kainatın başlanğıcı olmadığını isbat etmək
əvəzinə, kainatın Səbəbi haqqında maarifləndirici məlumat
verdiyini deyir. Kreyq bu nöqtədə Qəzalinin şərhlərinə to-
xunur. Qəzalinin fikrincə, iki dənə vəziyyət ola bilərsə, bun-
lardan birinin reallaşması, bunu reallaşdıran sərbəst seçkisi
olan Şəxsi bir Varlığın olmasına dəlalət edir. Mexaniki ola-
raq əzəldən bəri var olan səbəblərin nəticəsi əzəldən bəri var
olmuş və ya heç olmamışdır, lakin Şəxsi bir Varlıq sərbəst
iradəsi ilə kainatı istədiyi anda yaradır. “Mütləq zaman” ba-
xımından mövzuya yanaşsaq, Şəxsi varlıq (Tanrı) kainatı nə
vaxt yaradacağına əzəli zamanda qərar vermişdir. “Nisbi za-