177
düşmüşdür.
Digər sözlərlə desək, əvvəlki prokreasion
davranış saxlanılaraq ümumdünya demoqrafik inqilabı baş
vermişdir və biz ümumdünya demoqrafik partlayışla
qarşılaşmışıq və bu partlayış əvvəlkilərdən daha güclüdür
və lokal xarakter daşıyır.
Demoqrafiq partlayışın mahiyyətindən aydın olur ki,
bu təzahür müvəqqəti xarakter daşıyır və deməli o, tez və ya
gec dayanmalıdır. Lakin,
“demoqrafik partlayış nə vaxt
dayanacaq və bunun üçün nə etmək lazımdır?” sualı bu
gün beynəlxalq ictimaiyyətin və KİV-in qarşısında duran ən
aktual suallardan biridir.
Avropa ölkələrinin, demoqrafik partlayışların başa
çatdığı və əhalinin sayının stabilləşdiyi
digər ölkələrin
təcrübələri göstərir ki, dünya əhalisinin sayı son həddə
stasionar (sabit, dəyişməz) qala bilər.
Demoqrafik partlayış o zaman dayanacaq ki, doğum
və ölüm faizləri arasındakı böyük fərq aradan qalxsın.
Ölümün səbəblərini (ekzogen və endogen) biz araşdırdıq,
lakin ölümün proqrnozlaşdırılması nə qədər mürəkkəb olsa
da, doğumun dəyişilməsini doğuran səbəbələr də bir o qədər
az öyrənəilmişdir, bu da öz növbəsində doğumun faizinin
proqnozlaşdırılmasını çətinləşdirir.
Doğumun səviyyəsini anadan olmuş qızların sayı ilə,
daha
dəqiq desək,
brutto - və netto-əmsalların köməyi ilə
müəyyən edirlər.
Brutto-əmsal (R) - orta hesabla hər
qadından anadan olan qızların sayıdır. Onun müəyyən
olunması üçün doğumyaşlı hər qadına düşən uşaqların orta
sayını (N) götürür və onu 0,485-ə vururlar. Beləliklə,
brutto-əmsal aşağıdakı formulla müəyyən olunur: R=0,485
x N. Lakin bütün qızlar onların ölkələrində doğuma icazə
verilən orta yaşa qədər yaşaya bilmirlər. Bu yaşa qədər
yaşaya bilən qızların faizi
İ əmsalı ilə müəyyən edilir.
R və
İ-nin dünyaya gətirdiyi, yəni bir qadının
doğduğu və
178
gələcəkdə onu əvəz edə biləcək qızların orta sayı əhali
istehsalının netto-əmsalı –
R* sayılır.
Əgər R* = 1 olarsa, əhalinin sayı dəyişmir. R*= 2,11-
dən yuxarı olduqda əhali artımı baş verir. Hazırda Avropa
və Yaponiyada – R* ~ 1,08; Şimali Afrikada – R* ~ 2,29;
Cənubi-qərbi Asiyada – R* ~ 2,42; Mərkəzi Amerikada –
R* ~ 2,71 -ə bərabərdir.
Jurnalist-demoqrafın bilik dairəsinə daxil olan vacib
məsələlərdən biri də əhali artımının proqnozlaşdırılmasıdır.
Əhali artımının proqnozlaşdırılması
Əhali artımı proqnozlaşdırılarkən demoqrafik artım
potensialı mütləq nəzərə alınmalıdır. Tutaq ki, inkişaf
etməkdə olan ölkələrdə 70-ci illərin əvvəllərində netto-
əmsal 1-ə bərabər olmuşdur. Biz bilirik ki, r = 1 olarsa,
əhalinin sayı dəyişmir. Deməli,
gözləmək olar ki, bu
ölkələrin əhalisinin sayı dəyişməz olaraq qalacaqdır. Lakin,
hesablamalar göstərir ki, 2050-ci ilə qədər onların sayı 60 %
artacaqdır. Bu cür dəyişmə əhalinin yaş strukturu ilə izah
olunur. Demoqrafik artım potensialı həm müsbət, həm də
mənfi ola bilər. Məsələn, inkişaf etməkdə olan ölkələrdə
doğum faizi yüksək olduğu üçün “gənc” yaş strukturu
mövcuddur və buna görə də əhalinin artım potensialı
müsbətdir, həm də yüksəkdir.
BMT-nin hesablamalarına görə, 2075-ci ildə Yer
kürəsində əhalinin sayı “aşağı” variant üzrə 9,5 milyard,
“orta” variant üzrə 12,2 milyard və “yuxarı”
variant üzrə
15,8 milyard nəfər olacaqdır. Əhalinin coğrafi yerləşməsi də
kəskin şəkildə dəyişəcəkdir.
179
Dünya əhalisinin artımının
uzunmüddətli proqnozu
(mln. nəfərlə)
Regionlar/illər 1975
2000
2025 2050
2075
Bütün dünya
3986 6254 9065 11163 12210
Postsovet
regionu 255 315 368 393 400
Şərqi Asiya
1006 1370 1650 1760
1775
Cənubi Asiya
1250 2267 3651 4715
5232
Latın Amerikası
324 620 961 1202 1297
Şimali
Amerika
237 296 332 339 340
Afrika 401
814
1479 2112
2522
Avropa
473 540 580 592 592
Okeaniya
21 33 44 50 52
BMT-nin Əhali Fondunun (UNFPA) dünya əhalisinin
vəziyyəti haqqında yeni illik məruzəsinə görə (1996-cı ildən
çap olunur), 2050-ci ilə qədər planetin sakinlərinin sayının
artması əsasən inkişaf etməkdə olan ölkələrin hesabına baş
tutacaqdır. Proqnozlara görə dünyanın ən sıx məskunlaşma
ölkəsi demoqrafiya bumunun hazırki lideri Çini arxada
qoyacaq Hindistan olacaqdır.
Gözlənildiyi kimi, dünya əhalisinin sayı, əsasən, zəif
inkişaf etmiş ölkələrin (2050-ci ildə bu ölkələrdə əhalinin
sayı 7 milyard 900 milyonu keçəcəkdir),
xüsusilə də Afrika
ölkələrinin hesabına artacaqdır. Qara qitədə əhali artımının
orta illik göstəricisi çox yüksəkdir və 2,3 % faiz təşkil edir.
Qitənin isə ən sıx məskunlaşmış ölkəsi Nigeriyanın olacağı
təxmin edilir. 2050-ci ildə Nigeriyanın əhalisi iki dəfə
artaraq 290 milyona bərabər olacaqdır.
Baxmayaraq ki, Asiyada əhali artımının tempi (1,1 %)
Afrikadakından və hətta ərəb ölkələrindəkindən də aşağıdır,
əvvəlki kimi ən çoxsaylı xalqlar yenə də məhz burada
yaşayacaqlar.
180
BMT Əhali Fondunun qiymətləndirməsinə görə,
2050-ci ilə Çinin əhalisi 100 milyon artaraq 1,5 milyardı
keçəcək. Həmin vaxt əhalinin sayına görə dünya liderinin
Hindistan olacağı, burada 1 milyard 658 milyon insanın
yaşayacağı proqnozlaşdırılır.
Qərbdə ABŞ əhali artımı üzrə birinciliyini qoruyub
saxlayacaqdır. 2050-ci ildə ABŞ-da 402 milyon insanın
yaşayacağı bildirilir (hazırda 380 milyondur). BMT-nin
demoqrafları təxmin
edirlər ki, Avropada stabil demoqrafik
vəziyyət hökm sürsə də, əhalinin sayının azalması
tendensiyası müşahidə olunur və 2050-ci ildə bu qitənin
sakinlərinin sayı 67 milyon azalaraq 660 milyon təşkil
edəcəkdir (Baltika ölkələri bura daxil deyildir). Yalnız
İrlandiyada orta illik artım 1 %-dən artıq olacaqdır.
Avropanın digər ölkələrində demoqrafik azalma gözlənilir.
Böyük Britaniyanın əhalisi 7,7 milyon insan azalararaq, 69
milyon – Fransanın əhalisindən bir qədər çox olacağı
təxmin olunur. Almaniyanın əhalisi sayca azalsa da,
əhalinin sıxlığına görə ən iri ölkə (74,1 milyon insan)
olacaqdır.
Postsovet məkanında ərazisinə və əhalisinin sayına
görə ən iri respublika olan Rusiya Federasiyası əhalisinin
sayının azalmasına
baxmayaraq, bu istiqamətlərdə (gəlir
səviyyəsi də daxil olmaqla) öz liderliyini qoruyub
saxlayacaqdır. UNFPA-nın verdiyi proqnoza görə,
Rusiyanın əhalisi 2050-ci ilə qədər 34 milyon azalaraq, 107
milyona enəcəkdir (2011-ci ilə olan məlumata görə 142
milyondan bir qədər artıqdır). Sonuncu proqnozlara görə,
orta uzunömürlülük kişilər üçün 59, qadınlar üçün isə 72
yaşa bərabər olacaqdır.
Kişilərə aid bu göstərici keçmiş sovet respublikaları
içərisində ən aşağı göstəricidir. Yalnız Türkmənistanda bu
rəqəm Rusiya ilə eynilik təşkil edəcəkdir. Qadınlara aid
göstəricini isə Moldova və Qazaxıstanda olacaq analoji