265
ictimai və dövlət insitutlarına təhdid çağırışları amillərinə
diqqət
yetirilməlidir;
Terrorizmin başqa bir rəmzi aspekti – KİV
materiallarının təqdim etdikləri zorakılıq aktlarının
potensial terrorçulara təsiri məsələsidir. Kommunikativ
diqqət növbəti davranışın katalizatoru rolunu oynayır:
çoxsaylı qurbanları təsvir edən kadrlar tamaşaçılara,
xüsusilə də qəddarlığa və cinayətə meylli insanlara
qıcıqlandırıcı təsir göstərir və onları bir növ bu cür addımlar
atmağa hazırlayır. Təkəbbürlü hipertrofiya hissinə tutulmuş
insanın ürəyindən analoji süjetə baxdıqdan sonra bu cür
jurnal məqaləsinin və ya televiziya reportajının qəhrəmanı
olmaq hissi keçir.
Həqiqətən də, dünyada və ayrı-ayrı
ölkələrdə olan antiterror təcrübəsi göstərir ki, siyasi
motivlərə əsaslanan terror aksiyalarını planlaşdırarkən və
həyata keçirərkən onu hazırlayan və icra edən şəxsin
məqsədlərindən biri də geniş ictimai auditoriyaya
çıxmaqdır. Belə bir şəraitdə bu cür faktları işıqlandıran
jurnalistlər bu hadisələri yalnız
təsvir etmir, eyni zamanda
obyektiv olaraq onun fəal iştiraakçısına çevrilirlər. Bununla
əlaqədar olaraq, jurnalistlərin öz hərəkətlərini qiymət-
ləndirmələri və vətəndaşların onlara münasibəti terrorizm
təzahürlərinin yaranma, inkişaf, lokallaşma və qaşısının
alınması, nəticələrinin aradan qaldırılması prosesində
onların rollarının və fəaliyyət istiqamətlərinin meyarlarını
özündə əks etdirməlidir.
Bundan əlavə, dramatik hadisələrin
inkişaf xronologiyasını təsvir edən və ya göstərən jurnalist
bəzən özündən asılı olmayaraq adi informasiya
mənbəyindən cinayətin iştirakçısına çevrildiyi xətti keçə
bilir;
KİV heç bir şəraitdə terrorçuların “kürsü”sünə
çevrilməməlidir;
KİV operativ informasiyanın alınmasında
terrorçuya heç bir kömək etməməlidir.
Beynəlxalq təcrübə
266
göstərir ki, bəzən güc strukturları ilə KİV nümayəndələri
arasında qarşılıqlı anlaşmaya və
hərəkətlərin
əlaqələndirilməsinə nail olmaq mümkün olmur. Bəzi
jurnalistlər girovların azad olunmasını birtərəfli işıqlandırır
və vəziyyətdən konyunktura məqsədi ilə istifadə edirlər;
beynəlxalq terrorizm probleminin işıqlandırılması
zamanı hakimiyyətlə KİV arasında antiterror problemləri
üzrə bir razılaşma əldə olunmalıdır. Bu cür razılaşma terror
aktlarının işıqlandırılması sahəsində mətbuatın öz
fəaliyyətini həyata keçirməsi üçün müəyyən çərçivənin
yaradılmasının predmeti ilə bağlı da
imzalana bilər
(redaktorların və jurnalistlərin könüllü surətdə icra
edəcəklərini öhdələrinə götürdükləri davranış kodeksinə
bənzər).
Bu kodeksin əsas bəndlərı arasında aşağıdakı
müddəalar da öz əksini tapmalıdır:
girovlara zərər verə biləcək informasiyanın
məhdudlaşdırılması (onların sayı, milliyyətləri, dini
əqidələri, tutduğu vəzifə, səhhətinin vəziyyəti,
cəmiyyətdə
mühüm mövqeləri və ya da əhəmiyyətli dərəcədə maliyyə
imkanları olan qohumları və s. barədə);
antiterror əməliyyatları və girovların azad
olunmaları barədə informasiyaların qısalığı;
terrorçularla aparılmış və hələ redaktə edilməmiş
müsahibələrin canlı efirə verilməməsi barədə razılaşma;
jurnalistlərin terrorçular, onların irəli sürdükləri
tələblər, antiterror əməliyyatlarının gedişi və nəticələri
barədə aldıqları informasiyaların hərtərəfli yoxlanılması;
cəmiyyətdə çaxnaşma yarada
biləcək
informasiyanın verilməsində təmkinlilik;
verbal işarələrə birgə nəzarət;
267
vizual görüntülərə birgə nəzarət (teleekranda ölmüş
və yaralanmış insanların şəkillərinin göstəriməməsinə
uyğun);
hadisələrin interpretasiyasının eyniliyinə birgə
nəzarət.
Yuxarıda tanış olduğumuz
nəzəri və praktik material-
lardan, beynəlxalq təcrübədən belə bir qənaətə gəlmək olur
ki, terrora qarşı mübarizənin komponentlərindən biri və
bəlkə də ən əhəmiyyətlisi informasiya əks-təsiridir.
Zənnimizcə, Azərbaycan kimi torpaqlarının 20 %-i işğal
olunmuş, ərazisində qonşu işğalçı Ermənistanın xüsusi
xidmət orqanları tərəfindən dəfələrlə terror aktları
törədilmiş (gələcəkdə də törədilməyəcəyinə heç kim
zəmanət verə bilməz) və bu terror aktları nəticəsində
yüzlərlə vətəndaşının qanı axıdılmış bir ölkədə terrora qarşı
informasiya əks-təsirinin təşkilinə prioritet kimi baxılmalı
və bu təsiri göstərən xüsusi dövlət orqanı yaradılmalıdır. Bu
orqan əlavə olaraq həm də antiterror mübarizəsinə cəlb
edilmiş bütün dövlət orqanlarının
informasiya fəaliy-
yətlərrinin koodinasiyası kimi strateji tapşırığı yerinə
yetirməlidir. Azərbaycan dövləti terrorizmin dünya
miqyasında sürətlə yayılmasını və inkişafını nəzərə almaqla,
beynəlxalq səviyyədə “informasiya məkanında” terrorla
mübarizənin gücləndirilməsi üzrə qanunyaradıcı normativ
bazanın təkmilləşdirilməsi istiqamətində ciddi addımlar
atmalıdır.
Yoxlama sualları və tapşırıqlar
1.
Beynəlxalq terrorizmə münasibətdə ümumi və
fərqli cəhətləri izah edin.
2.
Beynəlxalq terrorizmin işıqlandırılmasının
mücərrəd jurnalistika adlandırılmasının motivlərini
əsaslandırın.
268
3.
Beynəlxalq terrorizmin qarşısının alınması
yollarının araşdırılmasnda jurnalistikanın iştirakının
psixoloji və sosioloji aspektlərini izləyin.
4.
Beynəlxalq terrorizm probleminin həlli sahəsində
KİV-in vəzifələrini sadalayın.