rayonlannm birlikdə ölkənin mühüm sənaye rayonuna çevriləcəyini nəzərə
alıb onu iqtisadi-ekoloji rayon kimi qiymətləndirmək olar. Rayonun
göstərilən istiqamətdə inkişafı ilə əlaqədar onun ekoloji problemlərinin
həlli birlikdə aparılmalıdır.
4.
Siyəzən—Xaçmaz iqtisadi—ekoloji rayonu. Rayonun tərkibinə
Siyəzən, Şabran və Xaçmaz inzibati rayonlannm əraziləri daxildir.
İqtisadi-ekoloji rayonun sosial-iqtisadi inkişafmı əlverişli iqtisadi- coğrafi
mövqeyi və təbii şəraiti, mineral resurslan, müxtəlif əmək vərdişlərinə
malik əmək ehtiyatları təmin edir.
Bu iqtisadi-ekoloji rayon əlverişli nəqliyyat coğrafi mövqeyinə görə
respublikanın şimal sərhədində nəqliyyat paylayıcı rolunu oynayır.
Mühüm xammal ehtiyatına malik Rusiya ilə respublikanın avtomobil və
dəmir yolları ilə iqtisadi əlaqələri onun ərazisindən keçir. Bunun da rayon
üçün çox böyük əhəmiyyəti vardır. Həmçinin iqtisadi-ekoloji rayonun Bakı
və Sumqayıt kimi sənaye cəhətdən inkişaf etmiş iqtisadi-ekoloji rayonlara
yaxınlığı, onun sənayesinin gələcəkdə formalaşmasına çox böyük təsir
göstərər.
Tədqiq edilən iqtisadi-ekoloji rayon əlverişli təbii şəraitə malikdir.
Quba-Xaçmaz iqtisadi-coğrafi rayonunun əsasən şərq hissəsini əhatə edən
Siyəzən-Xaçmaz ekoloji-iqtisadi rayonunun əhatə etdiyi ərazinin relyefi
maili düzənlik və ovalıqlardan ibarətdir. Təsərrüfat sahələri və əhali əsasən
Xəzər dənizinə yaxın düzənlik ərazilərdə yerləşmişdir. Rayonda yeni
sənaye sahələrinin tikilməsi üçün əlverişli ərazilər çoxdur.
Siyəzən-Xaçmaz iqtisadi-ekoloji rayonunun təsərrüfatının, o
cümlədən, kurort-turizm sənayesinin inkişafında iqlim, su və meşə
ehtiyatlarının rolu çox böyükdür. İqtisadi-ekoloji rayonun ərazisi əsasən
düzənlik əraziləri əhatə etdiyi üçün buranın istiliklə təmin olunması
4400°C təşkil edir. Günəş radiasiyasının illik miqdarı 120-148
kkal/sm^-dir. İlin isti aylarında havanın mütləq maksimum temperaturu
20-^3°C-yə çatır. Günəşli saatların orta illik miqdarı 2020-2120 (5 bal), o
cümlədən, günəşli günlərin sayı 140, tutqun günlərin sayı isə 83-dür.
Burada komfort günlərin sayı 148-ə çatır. Ərazinin bu cür iqlim şəraitinin
olması onu
göstərir ki, burada qısa
131
və uzunmüddətli istirahət üçün böyük imkanlar vardır. Beləliklə iqlim
ehtiyatlannm qısa səciyyəsi onu göstərir ki, rayonun iqlim ehtiyatları
kurort-turizm sənayesinin inkişafı üçün çox əlverişlidir.
Siyəzən-Xaçmaz iqtisadi-ekoloji rayonunun sosial-iqtisadi inkişafında
su və meşə ehtiyatlarının rolu böyükdür. Quba-Xaçmaz iqtisadi-coğrafi
rayonunun bütün çayları onun ərazisindən axıb Xəzər dənizinə tökülür.
İqtisadi-ekoloji rayon bol su ehtiyatına malikdir. İndiki su təsərrüfatı
balansı şəraitində rayonda xeyli su ehtiyatı qalır ki, bunlar da gələcəkdə
sututumlu istehsal sahələrinin yaradılmasına, əhalinin məişətdə tələbatının
ödənilməsinə, həmçinin Bakı və Sumqayıt kimi iri yaşayış məntəqələrinin
su təchizatının yaxşılaşdırılmasına şərait yaradar. Yeraltı su ehtiyatlarının
da rayon və eləcə də Bakı və Sumqayıt şəhərlərinin əhalisinin təmiz və
sərin su ilə təchizatında rolu böyükdür.
İqtisadi-ekoloji rayonun təsərrüfat əhəmiyyətli meşə örtüyü Siyəzən,
Nabran və Yalama ərazilərində yayılmışdır. Meşələr əsasən vələs, fıstıq,
palıd, qovaq və s. kimi enliyarpaqh ağac növlərindən ibarətdir. Bu meşəlik
sahələr rayonda kurort-rekreasiya komplekslərini tamamlayan mühüm
sərvətlərdən biridir.
Siyəzən-Xaçmaz iqtisadi-ekoloji rayonunda sənayenin və tikintinin
inkişaf etdirilməsində mineral resurslarının əhəmiyyəti böyükdür. Burada
zəngin neft-qaz, qum, gil, çınqıl, qırma daş ehtiyatlarının xeyli hissəsi
cəmlənmişdir. Müxtəlif tipli mineral su ehtiyatları rayonun gələcək inkişafı
üçün xeyli əhəmiyyətlidir. Ukrayna Respublikasının
Truskavetskdəki kimi
məşhur “Naftuziya” tipli Qa- laaltı mineral bulağı, Nabranda mineral və
soyuq bulaqlar kurort- turizm sənayesinin inkişafına böyük imkan yaradır.
Böyrək xəstəliklərinin müalicəsində Qalaaltı mineral bulağının suyundan
istifadə etməklə müasir tipli balneoloji sanatoriyanın tikilməsi çox
əhəmiyyətlidir.
Yuxarıda qeyd olunan təbii və mineral resurs ehtiyatlarının
mənimsənilməsi Siyəzən-Xaçmaz iqtisadi-ekoloji rayonunda təsərrüfat
sahələrinin, xüsusilə sənayenin gələcək inkişafına çox böyük təsir
göstərəcəkdir. Əldə olunan məlumatlarm təhlili göstərir ki, bu
132