|
![](/i/favi32.png) Islom diniga doir manba va adabiyotlar
SHARQ KITOBAT TARIXI, QO‘LYOZMALAR XAZINALARI3-мавзу маърузаси149
SHARQ KITOBAT TARIXI, QO‘LYOZMALAR XAZINALARI
o‘lkalarning ta’siri sezila boshladi. An’anaviy kitob ayirboshlash
davom etdi, qator Sharq mamlakatlarida kitob tayyorlash rivoj-
landi, bu esa turli mamlakatlardan O‘rta Osiyoga kitob yetkazib
berilishini kuchaytirdi. O‘rta Sharqning qator davlatlari uchun
Bombey, Kanpur, Laknou, Lahor shaharlari kitob eksport qiluv-
chi markazlarga aylandi.
XIX asrga kelib, ayniqsa, O‘rta Osiyoning Rossiya bilan iqti-
sodiy va siyosiy aloqalari kuchaya borgan sari madaniy hayotda
yana o‘zgarish ro‘y berdi. Turkiston general-gubernatorligining
tashkil topishi kitobat san’atida yana bir yangi bosqichni bosh-
lab berdi. Ijtimoiy-siyosiy hayotdagi yangi o‘zgarishlar O‘rta
Osiyo qo‘lyozmalarining tashqi ko‘rinishiga ta’sir o‘tkazdi.
XVIII–XIX asrlarda yaratilgan qo‘lyozmalar saviyasi va ish-
latilgan ashyolari bilan ajralib turadi. Zamon ko‘p miqdorda
arzon bo‘lgan kitoblarni ishlab chiqarishni talab qila boshladi.
Kitobni arzon qilish uchun yangi materiallarni ishlatish urf
bo‘ldi. Arzon materiallarning ishlatilishi qo‘lyozma kitob sifa-
tining buzilishiga olib kelmadi, balki o‘sha davrga mos ravishda
o‘ziga xos uslub yaratildi. Qo‘lyozma kitoblar bir xil o‘lcham va
ko‘rinishga ega bo‘ldi, badiiy bezatilish umumiy darajasi bu-
tunlay tushib ketdi: ishlatilgan materiallar, ziynat va bezaklar
o‘rtamiyona, ammo yetarli san’at asari va ilm-fan uchun be-
malol foydalansa bo‘ladigan manba saviyasida yaratildi. Dast-
labki va so‘nggi varaq ko‘rinishining soddalashuvi, ichki jildda
bezakning yo‘qligi, ancha arzon materiallardan qo‘llanilganligi
bu davr qo‘lyozmalariga xos xususiyatdir. Charm muqovalar
o‘rnini yarmi charm muqovalar egalladi. Muqova jildi uchun
bo‘yalgan va loklangan qog‘oz qo‘llanildi. Charm muqovalar
faqat Xorazmda yasalgan, boshqa hududlarda muqovaning o‘zak
qismi qoplamasi charmdan bo‘lgan. Bu davrda ipak va yarmi
ipak qog‘ozlarni ishlab chiqarish to‘xtatilgan bo‘lib, qog‘ozlar
chigitli paxtadan tayyorlangan. Ko‘proq fabrika qog‘ozlaridan
foydalanilgan.
|
|
|