Filologiya
məsələləri, №4, 2017
418
arasında türk ruhuna, türk düşüncəsinə uyğun şəkildə yayılmasında
Yəsəvinin böyük rolu olmuşdur. Onun özünəməxsusluğu da həmin dövrdə
fars dilində yazan sufilərin sayının çox olmasına baxmayaraq Yəsəvinin
əsərlərini türk dilində yazması idi. Əhməd Yəsəvi təsəvvüf ruhlu şeirlərini
geniş xalq kütlələrini nəzərdə tutaraq yazmışdır. O, istər “Divan-ı hikmət”,
istərsə də “Fəqirnamə” kitablarında təsəvvüfü sadə türk dilində bacarıqla dilə
gətirmişdir. Yəsəvinin bu xidməti ərəb, fars dillərinin hökmran, hakim ol-
duğu bir dövrə təsadüf etmişdir. Deməli, Əhməd Yəsəvi öz hikmətlərini
türkcə anlatmaqla bu dilin təməlini qoyanlardan biri olmuşdur. Mütəfəkkir
və şair kimi Əhməd Yəsəvinin ağıl və könül gücü onda idi ki, o, təsəvvüflə
təsəvvüfə qədərki türkün ruhu, dünyagörüşü, məişəti, həyat tərzi arasında
fitri, təbii ahəngi də tuta bildi;ona yalnız milli təfəkkür yox, həm də milli dil,
milli üslub, forma, vəzn biçimi verdi. Milli çalarları hətta təsəvvüfü
yaymağın, təbliğ eləməyin tərzində, üslubunda qoruyub saxladı (7, 63).
Əhməd Yəsəvinin təsəvvüf anlayışında eşq məfhumu əhəmiyyət
daşıyır. Məlum olduğu kimi təsəvvüfdə eşq sufinin çata biləcəyi ən yüksək
mərtəbədir. Təsəvvüfdə eşq məfhumu tamamilə Qurana əsaslanır. Sonradan
yaranan bir anlayış deyildir. Qurandakı həmin surələr də buna sübutdur.
Əhməd Yəsəvi də eşq anlayışının qaynağını Qurani Kərimdən almışdır.
Yəsəviyə görə ilahi eşq varlığın səbəbi və mənasıdır.
Əhməd Yəsvi şeirlərində təsəvvüfün eşq anlayışını çox gözəl izah
etmişdir. “Divan-ı Hikmət”ə nəzər saldıqda onun hər “hikmət”ində eşqdən
bəhs etdiyini görmək olar. O, “hikmət”lərində dönə-dönə dünyanı eşq ilə
dərk etməyi xatırladır. Bu eşqin əzabı da şirindir. Bu əzablar onu, öz
varlığını Tanrıda əriməyə doğru istiqamətlənib. Haqq aşiqi eşq şərabı
içəndən sonra özündən keçərək Tanrısına qovuşmuş olur. O, öz varlığında
Tanrının nurunu görür. Bu nur sufi aşiqin iç dünyasını işıqlandıraraq ona
çatmış olur.
Əhməd Yəsəviyə görə ilahi eşq də iman kimi Allahın insanlara bir
lütfüdür. Bu lütfü qazanan hər hansı bir şəxsin içi təmizlənib hər cür
pislikdən qorunar, könlü isə eşq atəşi ilə yanar. İlahi eşq bir lütf olmaqla
birlikdə insanın daxilini işıqlandıran bir özəlliyə malikdir.
Əhməd Yəsəvinin qurduğu yəsəviyyə təriqəti ilk türk təriqətidir. Türk
sufizmi bütün konseptual tərəfləri ilə bu ilk türk təriqətində əks olunmuşdur.
Sonrakı türk təriqətlərindən heç biri yəsəviyyə qədər əski türk inamlarını
islamın içində yeni bir şəkildə yaşada bilməmişdir (4,132).
Əhməd Yəsəvinin təsəvvüf tarixindəki önəmi, islamiyyətin türklər
arasında yayılmağa başladığı bir dövrdə, türklər arasında təsəvvüfü inkişaf
etdirməsində, digər tərəfdən onun qurduğu Yəsəvilik təriqətinin ilk türk
təriqəti olmasındadır. Əhməd Yəsəvi bütün həyatı boyunca Qurani Kərimə
bağlı olmuş və türklərə islamiyyəti sevdirmək üçün əlindən gələni etmişdir.
Filologiya məsələləri, №4, 2017
419
Əhməd Yəsəvinin “Divan”ında əks olunan eşq anlayışı Mövlanə və Yunus
Əmrənin əsərlərində eynilə mövcud olmuşdur. Əhməd Yəsəvi türklərə məhz
təsəvvüf yolu ilə islamiyyəti yaymışdır. Bununla da türk təsəvvüfünün ilk və
ən qüdrətli sufisi olaraq türk irfan aləmində parlamaqdadır.
XIII əsrin əvvəllərində Monqol istilasından Anadoluya gələn bir çox
sufi I Əlaəddin Keykubadın dövründən başlayaraq təsəvvüfi düşüncə daha
da inkişaf etməyə başlamışdır. Digər tərəfdən Orta Asiya və Xorasandan da
türkmən şeyx və dərvişləri Anadoluya köç etməyə başladılar. Böyük
şəhərlərdə fars dilində bilən xalqa təqdim olunan əsərlərlə yanaşı, Oğuz
Türkcəsi ilə yazılan əsərlər diqqəti cəlb etməyə başladı. Beləliklə, XIII əsrin
əvvəllərində fars dilində bilməyən xalqı maarifləndirməyə də xidmət edən
türk dilində dini-təsəvvüfi bir ədəbiyyat meydana gəlməyə başladı (10, 393.)
XIII əsrdə Səlcuqlular Dövlətinin mərkəzi olan Konya elm,
ədəbiyyat, təsəvvüfi düşüncənin inkişafının mərkəzi sayılırdı. Həmin dövrdə
türk mütəsəvvüfləri əsərlərini xalqın anlaya biləcəkləri sadə türk dilində,
şəhər xalqı üçün isə farsca-ərəbcə, farsca-türkcə yazırdılar. Bu mütəsəv-
vüflərdən Mövlana Cəlaləddin Rumi, Hacı Bəktaş Vəli, Sultan Vələd, Əh-
məd Fakih, Yunus Əmrənin Anadoluda dini-təsəvvüfi ədəbiyyatın inkişa-
fında xüsusi rolunu qeyd etməliyik.
Təkkələrin daha da inkişaf etməsi Anadoluda “təsəvvüf həyatı və
təsəvvüf məktəbi”nin yaranmasına başlanğıc oldu (1, 281). Bu məktəb XIII
əsr Anadolusunda Yunus Əmrə kimi ilahi eşq şairini yetişdirdi.
XIII əsrin böyük təsəvvüf şairi Mövlana Cəlaləddin Ruminin düşüncə
sistemində eşq anlayışı olduqca mərkəzi mövqedə yerləşir. Mövlanaya görə
eşq təkamülün əsas hissəsidir. Böyük mütəsəvvüf Mövlananın həyatına və
əsərlərinə nəzər saldıqda onun eşq üzərində qurulduğunu görərik. Mövlanaya
görə, hər şeyin bünövrəsində eşq vardır. İnsanın dünyaya gəlməsinin səbəbi
də eşqdir. Cənnətdən yer üzünə göndərilmiş insan daim axtarışda olmuşdur.
Çünki sevgilisini tərk edib itirdiyi gerçək sevgilisini yer üzündə axtarmağa
gəlmişdir. Təsəvvüfdə bəşəri eşqdən ilahi eşqə doğru addımlamaq
mümkündür. Böyük mütəsəvvüf Mövlananın yaradıcılığında da eyni
mərhələni görmək mümkündür.
XIII əsrdə dini-təsəvvüfi türk ədəbiyyatının önəmli nümayən-
dələrindən biri də Hacı Bəktaş Vəlidir. Hacı Bəktaş Vəlinin “Məqalət” adlı
əsərini tədqiq etdikdə, İslam şəriətinə bağlı bir mütəsəvvüf olduğu aydın
sübut olunur. Həmin əsərində Hacı Bəktaş Vəli təsəvvüfü incəlikləri ilə şərh
etmişdir.
Sultan Vələd Anadoluda yüksək zümrəyə məxsus sufilər arasında
türk dilində böyük ölçüdə şeirlər yazan mütəsəvvüf və Mövlana Cəlaləddin
Ruminin oğludur. Sultan Vələd Mövləvilik təqitətinin qurucudur, lakin
həmin təriqətin əsası Mövlananın dünyagörüşünə əsaslanır. Sultan Vələd