131
vəhdəti
çat verib, parçalanma, qardaş qırğını surətlə yaxın-
laşıb. Bu, əsas məsələ Dədə Qorqudun öz-özü ilə daxili
dialoqunda belə ifadə olunur: «Bayındır xan bunları söylə-
yib yum verdi, susdu. Mən dəxi susdum. Bəli, bu imiş
Xanın əsl öyrənmək istədiyi mətləb. Kim Oğuz içində nəyi
dilər?! Oğuzun yarası hardadır? Artıq uzun zamandan bəri
ikiyə bölünmüş Qalın Oğuzun sözdəki birliyi bu gün niyə
tük qədər nazik oldu? Suçlu kimdi?» (20, 281).
Eposda oğuzların iki qola ayrılması tarixi gerçəkliklə
bağlıdır. Prof. E.Əzizov yazır ki, oğuzların tarixən boz ok
və uç ok adlı iki əsas qola ayrılması və «Kitabi-Dədə Qor-
qud»da bunun eynilə öz izini saxlaması oğuz etnoniminin
ilkin mənasının doğrudan da «iki qəbilə (tayfa)» mənasına
uyğun gəlməsini tarixi baxımdan təsdiq edir.
Tarixdə
məlum olan iyirmi dörd oğuz tayfası oğuzların həmin boz
ok və uç ok qollarının törəmələridir. Boz ok və uç ok
adlarındakı ok sözü də «tayfa» mənasını bildirir (145, 252-
253). 12-12 olmaqla iki qola (İç Oğuz və Daş Oğuz) ayrı-
lan 24 tayfadan ibarət Qalın Oğuz eli daxili nizamlanma
mexanizminə malikdir. «Casus» məsələsi bir ideya kimi
bu mexanizmdə artıq pozulma əmələ gəlməsini işarələyir.
Göründüyü kimi, romanın süjet əsasında duran
«casus» məsələsi nə qədər komik planda təsvir olunsa da,
onun altında çox ciddi problemlər durur. Prof. T.Hacıye-
vin yazdığı kimi, «Oğuzu tarixən solduran məhz casus
olub. Asiyada Çin casusluğu türkü içəridən palıdı qurd
yeyən kimi əridir, Qərbdə həmin üsulla Avropa Oğuzla
qıpçağı bir-birinə qırdırıb. Bu gün də Oğuzun nəvələrini
casus bir-birinə qırdırıb zəif salır» (154, 10). Demək,
«casus»
məsələsi eposda olduğu kimi, romanda da milli
mövcudluğun əsası olan dövlətçiliyin sütunları ilə bağlıdır.
Bu baxımdan, K.Abdullanın elmi və bədii yaradıcılığında
«casus» mövzusuna dönə-dönə qayıdılmasının səbəbləri
üzərinə, fikirləşirik ki, prof. Q.Namazovun aşağıdakı fikri
132
aydın işıq salır. O yazır: «Qədim türk xalqları, eləcə də
Azərbaycan xalqı öz torpaqlarında yaranan dövlətlərin
quruculuğu haqqında min illərdən bəri yaşanan dastanların
öyrənilməsi problemi həm tarixə yenidən dönüş, həm də
soykökümüzə qayıdış baxımından xüsusi əhəmiyyət kəsb
edir (255, 41).
«Yarımçıq Əlyazma» təhlil üçün həm geniş material,
həm də çoxsaylı istinad (çıxış) nöqtələri verir.
Yəni ro-
manı ən müxtəlif cəhətlərdən geniş (eninə-uzununa) təhlil
etmək mümkündür. Bizim buradakı imkanlarımız həcmcə
məhdud olduğu üçün «Dədə Qorqud» motivlərinin roman-
da bədiiləşmə, ifadələnmə planına diqqət yetirməyi məq-
sədəuyğun (əsas) hesab edirik.
İlk növbədə obrazlar diqqəti çəkir. Eposdakı Bayın-
dır xan romanda da öz epik əzəmətini saxlamışdır. Hələ
biz deyərdik ki, K.Abdullanın Bayındır xanı eposdakı pro-
totipindən daha əzəmətlidir. Digər tərəfdən, bu obrazın
eposda süjet fəallığı yoxdur. Hadisələrə çox az müdaxilə
edir. Romanda isə süjetdəki hadisələri biri-biri ilə birləş-
dirən fiqurdur. Əsərdə o, diqqət
mərkəzindən heç vaxt çə-
kilmir: biz onu romanın poetik məkanında əvvəldən axıra
kimi görürük.
Salur Qazan eposdakı obrazından tamamilə fərqlidir.
Prof. T.Hacıyevin yazdığı kimi, «əlində kafirlər tir-tir əsən
Qazan xan arvadı Burlanın yanında zağ-zağ əsir. Kafirlər
əlində ərinin namusunu qorumaq üçün oğlunun doğran-
masına razı olan Burla xatun indi Qazan xanı Boğazcaya
qısqanır» (155, 11).
Romanda Salur Qazan dastandakı epik cizgilərindən
fərqli olaraq real hisslərlə yaşayan, vuruşan, mübarizə apa-
ran, mənsəb qazanmaq istəyən, özündən güclülərə paxıllıq
edən, siyasi intriqalara qoşulan bir insan kimi təsvir edil-
mişdir. Onunla bir çox oğuz igidləri arasında çox ciddi
konflikt vardır. Dayısı Alp Aruzla düşməndir.
Alp Aruz
133
Bayındır xanın qızı Burla xatunu öz oğlu Basata alıb, onu
Qalın Oğuza bəylərbəyi etmək istəyirmiş. Lakin Təpəgözü
öldürüb Oğuz elini fəlakətdən qurtaran Basat nə qədər igid
olsa da, Bayındır xan şir anası Qoğan aslanla ünsiyyət
saxlayan birisinə qızını vermir. Salur Qazana verir. Bu da
konflikt yaradır.
Əsərdə Bəkil igid, mərd, və sədaqətli insan kimi təs-
vir olunmuşdur. Müdrik Bayındır xan onun bu sədaqətini
yüksək qiymətləndirir. Lakin Salur Qazan Dış Oğuzdan -
Alp Aruzun tirəsindən olan bu bəyi sevmir. Çünki Bəkil
mahir ovçudur. Qalın Oğuzda heç bir igid onun kim ox ata
bilmir. O, atın üstündə gedə-gedə oxu elə atır ki, ceyranın
ayağını onun qulağına tikir. Salur Qazan onun qədər mahir
ovçu olmadığı üçün bu xeyirxah və sadə qəlbli insanı
küsdürür. Bəkilə: «At işləməsə, ər öyünməz, bu hünər sə-
nin yox, atındır» - deyib onu təhqir edir. Beyrək də Qazanı
dəstəkləyir. Bu da İç Oğuzla Dış Oğuz arasında müna-
qişəni daha da dərinləşdirir.
Salur Qazan Alp
Aruzdan zəhləsi gedən, ona düşmən
gözü ilə baxan arvadı Burlanın sözünə baxıb, Dış Oğuzu
yağmalamaya çağırmır. Halbuki yağmalamada Oğuz eli-
nin hər iki qolu iştirak etməli idi. Bu da çox güclü düş-
mənçilik yaradır.
Romanda Burla xatunla Alp Aruzun düşmənçiliyinin
səbəbi maraqlıdır. Vaxtilə Basat Təpəgözü öldürəndə bü-
tün Oğuz qızları kimi Burla xatun da Basata aşiq olmuşdu.
Lakin atası onu Basata vermir. Basat əlindən çıxdığı üçün
indi ona və atasına nifrət edir. Onun əsas müttəfiqi
Beyrəkdir. Hər ikisi evli olmağına baxmayaraq, Burla və
Beyrək gizlində görüşüb sevişirlər.
Bəkillə, Alp Aruzla düşmən olan Beyrək romanda ən
mənfi keyfiyyətlərə malik obraz kimi təsvir olunmuşdur.
Oğuzda bütün igidlər baş kəsib
qan tökəndən sonra ad
alsalar da, o, quş ürəkli - qorxaq olduğu üçün yalandan
134
igidlik səhnəsi qurur. Öz yoldaşlarını quldur adı ilə tacirlə-
rin üstünə yollayır, sonra gizləndiyi yerdən çıxıb, şərtləş-
dikləri kimi onları qovur. Öz dostlarından birinin də başını
namərdcəsinə kəsir.
Bəkillə münaqişəsinin səbəbi onun arvadıdır. Bəkilin
arvadı cavankən Alp Rüstəmlə sevişirmiş, Beyrək də onu
istəyirmiş. Lakin qız Bəkilə qismət olur. Beyrək onun ar-
vadından əl çəkmir. Hər vəchlə bu qadınla görüşüb əylən-
mək istəyir. Bəkil bunu bildiyi üçün onlar biri-birlərinə
nifrət edirlər.
Qalın Oğuz eli Təpəgözün üstünə vuruşmağa gedən-
də o, vuruşda ölməmək üçün özünün oğurlanması səhnəsi-
ni düzəldir. Bayburd qalasında on altı il əylənib, sonra igid
adı altında Oğuza qayıdır.
Bəs K.Abdulla onu ədəbi
tənqidin hədəfinə tuş
gətirən bu məqamları haradan götürmüşdür? Bu sualun
cavabı «Kitabi-Dədə Qorqud» motivlərinin «Yarımçıq
Əlyazma» romanında bədiiləşmə üsulunu və mexanizm-
lərini öyrənmək baxımından xüsusi əhəmiyyət kəsb edir.
Məsələ burasındadır ki, müəllif bu məqamların bir çoxunu
məhz «Dədə Qorqud» eposunun özündən götürmüşdür.
Bütün bunların əksəriyyətini K.Abdullaya mətn diqtə et-
mişdir. Bəs müəllif bunları hansı üsulla və nəyə əsaslanıb
tapır?
«Kitabi-Dədə Qorqud» dastanının iki plandan - ifadə
və mahiyyət planlarından ibarət sistem kimi təsəvvür edən
K.Abdulla qoyduğumuz suala «Gizli Dədə Qorqud» əsə-
rində özü belə cavab verir: «Dastan bu iki planın üzvi şə-
kildə birləşməsindən ibarətdir. Mahiyyət planına nüfuz
etmədən ifadə planını araşdırmaq birtərəfli, bəsit və üzdən
gedən nəticələrə gətirib çıxarır. Əksinə, mahiyyət planında
«gizlənmiş»
səbəblərin, motivlərin açılması ifadə planının
da məntiqsizliklərini anlamağa kömək edir. Şübhəsiz ki,
bu gizlində qalmış motivlər üzdə olan süjet xəttinin, hər