Mirzə İbrahimov və xalq yaradıcılığı
69
“Pendiri
dəri saxlar, arvadı əri”. Bu atalar sözündə Rüstəm
kişinin qadın məsələsində mühafizəkar mövqe tutduğu
gizlənmişdir. Çünki müəllif onun haqqında başqa bir sərhdən,
təsvirdən istifadə etmir. Yaxud, Rüstəm kişinin pambıqyığan
maşına xor baxdığını bildirmək üçün Nəcəfin dili ilə deyilir:
“Rüstəm dayı bu pambıqyığan maşına dəvə nalbəndə baxan
kimi baxır”. Burada mətləb aydındır. Rüstəm kişi hədəfə
dəymiş sözün cavabını qaytara bilməz.
Romanda diqqəti cəlb edən cəhətlərdən biri budur ki,
folklora, aşıq yaradıcılığına dərin məhəbbət bəsləyən Mirzə
İbrahimov Pərşan, Şirzad, Telli surətləri kimi folklor ilə, aşıq
poeziyası ilə bağlı surətlər yaratmışdır. Pərşanın Aşıq Ələsgər
şerinin vurğunu olması, Şirzadın əsl aşıq kimi oxuduğu
qoşmalar, Telli arvadın söylədiyi bayatılar əsərə bədii
görkəm verir. Həvəskar aşıq Şirzad dastanlarımızda rast
gəldiyimiz aşıqları xatırladır; “Şirzad ayağa durub sazı sinəsinə
sıxdı, sağ üzünü saza söykəyib, xumarlanan qara gözlərini
yumdu və mizarabı simlərdə oynatmağa başladı”. Bu təsvir
Şirzadın aşıq sənətinin vurğunu olduğunu göstərir.“Doğrudan
da təzə, uzunboğaz çəkmələrdə, qalife şalvarda və iki döş cibi
olan beli kəmərli yaxalıqlı köynəkdə Şirzad yaraşıqlı idi. O,
ayaqlarını cütləyərək xalçanın üstündə süzür, gözəlləmənin ən
canlı yerində sazın bütün simlərini dindirir və birdən
yavaşıdaraq ortalıqda durub sözləri aydın söyləyirdi.
Dərdim çoxdur, dindirməyin həzərat,
Məni bir alagöz ceyran öldürür.
Qılıncsız, tüfəngsiz alır canımı
Kimsə bilmir, pünhan –pünhan öldürür (97,96).
Aşıq məclisi cox təbii və inandırıcı təsvir edilmişdir. Xalq
yazıçısı folklor deyim tərzinə söykənərək əslində “nəsrin
poeziyasını” yaratmışdır. Rəssam fırçası ilə çəkilmiş gözəl bir
mənzərəni xatırladan bu parçanı oxuyarkən sanki sətirlərin
arasında telli sazın ürək tellərini oynadan ecazkar səsinə qulaq
asırıq, qəlblərdə yaşayan yüksək mənalar və duyğular
Fazil Əliyev
70
dünyasının sazla açılan qarışısından geri dönmək, ayrılmaq
istəmirik.
Xalq yazıçısı aşığın geyimi, məclısdə hərəkətləri, özünü
necə aparması haqqında mükəmməl məlumat verir. Xalq
yaradıcılığında, aşıq poeziyasına bəslənən dərin məhəbbətdən
doğan bu təsvir, bədii işləmə Mirzə yaradıcılığında folklor
üslubunun necə ifadə olunduğunu göstərir.
“Böyük dayaq” romanında bayatı janrından da istifadə
edilmişdir. “Bayatıların qısa yığcam olması, oynaq bir vəzn və
ən sadə, səmimi sözlərlə ifadə olunması onu şifahi ədəbiyyatın
başqa janrlardan daha çox kütləvi edir: Böyük və dərin bir fikri
az sözlə və çox sənətkaranə ifadə etməkdə bayatı janrının əvəzi
yoxdur.
Romanda bayatının bu xüsusiyyətlərindən istifadə
olunduğuna diqqət yetirdikdə aydınlaşır ki, müəllif bədii dildə
deyəcəyi fikri bayatılarda yaşayan dərin məna və məntiqi
tutumdan bəhrələnməklə daha tutarlı şəkildə ifadə etmişdir.
Rüstəm kişinin qılığına girən Salmanın kolxozun hesabına
varlanmaq, vəzifə ələ keçirmək istəyini yaxşı bilən manqabaş-
çısı Telli arvad söylədiyi bayatı ilə ifadə edir.
Quzular mələr gələr,
Dağlardan enər gələr.
Namərdə tuş olanın,
Başına nələr gələr.
Salmanın namərdliyini həm də Rüstəm kişinin gəlini
Mayanı at belində tərkinə alması ilə əlaqələndirir. Əsərin so-
nunda onun necə iyrənc simalı bir adam olduğu üzə çıxır. De-
məli, Telli arvad vasitəsilə namərdliyin hədəfini düzgün seç-
mişdir.
“Ay qızlar, nə olaydı, bir də sizin kimi gülə biləydim.
Baxıram bu sədr qızının gözlərinə, elə bilırəm igidləri tilsimə
salan sehr cadudur. Baxıram yanaqlarına, elə bilirəm dağ
laləsidir. Ürəyim olur bir tikə “Sehr cadu”, “bir tikə ürək” kimi
Mirzə İbrahimov və xalq yaradıcılığı
71
bədii təsvir vasitələri telli obrazının dili ilə nəşrin poetik
nümunəsini yaratmışdır.
Folklorvari deyim tərzi ilə danışan Telli arvad bu cür
təsvirdən sonra aşağıdakı bayatını oxuyur:
Bağda can alması var.
Kəsir can alması var.
Gözlərin nə oynayır.
Yoxsa can alması var?
Bayatı tarlada işləyən qızların, gəlinlərin ürəyindən
xəbər verir, qəlblərə sərin meh, sevinc hissi bağışlayır.
Şirzadla Pərşanın qarşı-qarşıya durduğu vaxt Pərşanın
“Göz dolusu” onun üzünə gülməsi Şirzadın utancaqlığını
duman kimi dağıdır. O, aşağıdakı bayatını oxuyur:
Əzizim gül üşüdü,
Şeh düşdü, gül üşüdü
Güldüm ağlım apardın
Bu necə gülüş idi?
Əsərin təsvir obyekti ilə həmahəng səslənməsi bayatının
təsirini artırır. Folklorun yazılı ədəbiyata canlılıq, təbiilik
gətirməsi, yazılı ədəbiyyatın isə folklorun ən gözəl nümunələ-
rini yaşatması burada tam aydınlığı ilə özünü göstərir.
Şirzad taxıl zəmisində Pərşanla qarşılaşdıqda
Əzizim kəs aranı,
Doldur ver kəs aranı.
Olursan yaxşı dost ol,
Olmursan kəs aranı.
Bayatısını kəsmə şikəstə havası üstündə oxumaqla
sevgilisinə ürək sözlərini çatdırır. Folklorun lirik növündən
bəhrələnmək baxımından Tellinin qaynana haqqında söylədiyi
atmaca oxucuda xoş əhval-ruhiyyə oyatmaq, şifahi xalq ədəbiy-
yatına məhəbbət hissi aşılamaq məqsədi ilə işlənən maraqlı
bədii tapıntıdır.
Fazil Əliyev
72
Damda dirək qaynana,
Şana, kürək qaynana!
Oğlu evə gələndə,
Hamıdan zirək qaynana (97,461).
Xalq arasında geniş yayılmış qaynana - gəlin
münasibətini əks etdirən bu atmaca əsərin məzmununa bir
canlılıq, emosiya gətirməkdə də öz rolunu oynayır.
Əsərdə sayaçı sözlərdən də istifadə olunmuşdur. Qoca
çobanın maarif müdiri Qoşatxanla söhbət etdiyi zaman
oxuduğu sayaçı sözə diqqət yetirək :
Nənəm, a nazlı qoyun,
Qırqovul gözlü qoyun.
Pendiri dilim-dilim,
Qatığı üzlü qoyun” (97, 314)
Qoşatxan... cibindən balaca dəftər və qələm çıxartdı:
- “Onu bura, yazacağam, -dedi, qızıl kimi sözlərdir.
- Yazmaqla qurtaran deyil ha. Elə sözləri yığsan kitab
dəftərə sığmaz. Ay oğul, xalqın sinəsi-söz xəzinəsi” (97, 315).
Bu parçalardan çıxarılan nəticələr folklorumuzun
nüfuzunu, onun əhəmiyyətinin başa düşmək üçün çox lazımdır;
yazıçı sanki burada üç məsələni ön plana çəkmişdir.
1.
Sayaçı sözlər haqqında oxuculara məlumat vermək.
2.
Folklor nümunələrinin toplanmasını, yazıya
alınmasını təbliğ etmək.
3.
Xalqın sinəsindən qopan söz xəzinəsinin qiymətini
başa salmaq.
Ucalıq-təmizlik simvolu olan folklorumuzun söz
xəzinəsində yeri əbədidir. Söz sənətinin ikiliyi, ululuğu xalq
ruhunun ifadəsi olan sənət incilərində yaşayır. Odur ki, Mirzə
İbrahimov şifahi xalq yaradıcılığının lirik növündən
yaradıcılıqla bəhrələnmişdir.
Bu bəhrələnmədən əsər nə qazanmışdır? Həmin sual
ətrafında düşünərkən aşağıdakı qənaətə gələ bilərik.