Fəsil 4.
BAŞ-BOYUN DƏRİSİNİN BƏDXASSƏLİ ŞİŞLƏRİ
103
4.1.3. Şişönü xəstəliklər
Bədxassəli şişlərin 12№-li Beynəlxalq histoloji təsnifatına görə dərinin
xərçəngönü xəstəliklərinə aşağıdakılar aid edilir:
A. Aktinik keratoz (qocalıq keratozu)
B. Radiasion dermatoz
C. Bouen xəstəliyi
D. Keyr eritroplaziyası
E. Piqmentli kseroderma
F. Digərləri
Qocalıq keratozu (kerato-
sis senilis) yaşı 50-dən yuxarı
olan nazik və quru dərili şəxs-
lərdə rast gəlinir. Xəstəlik kliniki
olaraq özünü üz,
ovuc və kürək
nahiyələrinin dərisində dairəvi və
oval formalı, sarımtıl rəngli buy-
nuzlaşan ləkələr və ya dəri sət-
hindən qalxan kələ-kötür səthə
malik tünd-qəhvəyi lövhəciklər
şəklində göstərir [şəkil 4.2]. On-
ları qopartdıqda nöqtəvari qana-
yan səth aşkar olunur.
Müalicəsi günəş şüaların-
dan qorunma, keratolitik vasitə-
lərdən (1-5%-li salisil məlhəmi)
istifadə və azotla krioterapiya
yolu ilə aparılır.
Dəri buynuzu (cornu cuta-
neum) və ya
qocalıq buynuzu
(cornu senilis) – qocalıq kerato-
zunun
növ müxtəlifliyi olub,
özünü dəri səthindən 1-2 sm və
daha çox qalxan sarımtıl və ya
boz rəngli, hamar və ya kələ-kö-
tür səthli, konik və ya silindrik
formalı artmalar şəklində göstərir
[şəkil 4.3]. Dəri buynuzu epider-
maldaxili xərçəngin inkişafına
təkan verə bilər.
Müalicəsi cərrahi yolladır.
Şəkil 4.2. Sol yanaq nahiyəsi dərisinin
qocalıq keratozu
Şəkil 4.3. Yanag nahiyəsinin
dəri buynuzu
BAŞ-BOYUN ŞİŞLƏRİ
104
Radiasion dermatoz (radiodermatosis) radioaktiv şüalanma
nəticəsində
əmələ gələn dərinin şişönü prosesidir [şəkil 4.4]. Radiasion dermatoz özünü
erkən və gec rentgen dermatiti kimi göstərir. Dəri xərçəngi, adətən, gec rentgen
dermatiti fonunda əmələ gəlir. O, adətən, rentgen şüalanmasından çox illər
sonra, əsasən, başın dərisində əmələ gəlir. Kliniki olaraq özünü uzun müddət
sağalmayan trofiki xora və çapıq toxuması fonunda məhduz hiperkeratoz, hiper
və depiqmentasiya ocaqları şəklində göstərir. İonizəedici şüalanmaya cavab
olaraq dəri xərçəngi 20-25 il sonra inkişaf edir.
Bouen xəstəliyi daha çox yaşlı kişilərdə rast gəlinir [şəkil 4.5]. Kliniki
formaları ekzemayabənzər, ziyilli və hiperkeratotik olmaqla 3 yerə bölünür. Lo-
kalizasiyasına görə xəstəliyin 2 tipi ayırd edilir: Birinci tip bədənin insolyasiyaya
məruz
qalan nahiyələrində, ikinci tip isə dərinin örtülü nahiyələrində rast gəlinir.
Xəstəlik üzəri seroz-hemorragik közlərlə örtülmüş tək və ya çoxsaylı, qeyri də-
qiq konturlu, boz-qırmızı rəngli yastı ocaqlarla xarakterizə olunur. Bouen xəstə-
liyi üçün eroziv sahələrin, səthi atrofik və hiperkeratotik ocaqların bir-birini
əvəzləməsi xarakterikdir. Proses yastıhüceyrəli xərçəngə transformasiya etdikdə
bərk konsistensiyalı düyünlər əmələ gəlir və sonradan xoralaşır.
Piqmentli kseroderma autosom-resessiv tiplə ötürülən genetik ailəvi xəs-
təlik olub patogenezinin əsasında dərinin ultrabənövşəyi şüalara hiperhəssaslığı
dayanır. Rastgəlmə tezliyi əhalinin hər milyon nəfərinə 0,5-1 xəstələnmə ha-
disəsi təşkil edir. Xəstəlik özünü erkən uşaqlıq dövründə göstərir. Əvvəlcə bə-
dənin açıq yerlərində qırmızı ləkələr əmələ gəlir və tədricən
onlar piqmentasiya
ocaqlarına çevrilirlər. Daha sonra teleangioektaziya ocaqları və ziyilli artmalar
əmələ gəlir ki, onların da fonunda xərçəng inkişaf edir [şəkil 4.6].
Dərinin digər şişönü xəstəliklərindən qırmızı qurd eşənəyini qeyd etmək
olar [şəkil 4.7].
4.1.4. Beynəlxalq histoloji təsnifat
(№12, WHO – 2006 )
I. Epitelial şişlər
Bazalhüceyrəli
karsinoma
Yastıhüceyrəli karsinoma
− səthi
− düyünlü (solid)
− mikrodüyünlü
− infiltrativ
− fibroepitelial
− bazal-yastıhüceyrəli
− akantolitik
− iyəbənzər hüceyrəli
− verrukoz
− psevdodamarlı
− adeno-yastıhüceyrəli
BAŞ-BOYUN ŞİŞLƏRİ
106
II. Dəri artımlarının şişləri
Ekkrin və apokrin şişlər
• Xoşxassəli
• Bədxassəli
− hidrositoma
− sirinqoma
− poroma
− sirinqofibroadenoma
− hidroadenoma
− spiroadenoma
− silindroma
− tubulyar adenoma
− tubulyar-papillyar adenoma
− məməcikli sirinqosistoadenoma
− məməcikli hidroadenoma
− qarışıq şiş (xondroid sirinqoma)
− tubullyar karsinoma
− mikrosistoz karsinoma
− porokarsinoma
− spiroadenokarsinoma
− bədxassəli qarışıq şiş
− hidroadenokarsinoma
− musinoz karsinoma
− papillyar karsinoma
− adenosistoz karsinoma
− apokrin karsinoma
− Pedcet xəstəliyi
• Follikulyar diferensiasiyalı şişlər
− pilomatrikal karsinoma
− proliferasiyaedici trixolemmal şiş
− trixoblastoma
− pilomatriksoma
− çoxsaylı trixolemmomalar
• Piy diferensiasiyalı şişlər
− piy karsinoması
− piy adenoması
− sebosistoma
− sistoz
piy şişi
III. Dərinin limfomaları (WHO-2005)
• Yetkin T və NK hüceyrəli limfoma
• Yetkin B-hüceyrəli limfoma
• Qeyri-yetkin hemapoetik şişlər
(leykozlar və limfomalar)
IV. Yumşaq toxuma şişləri
• Damar şişləri
– hemangiomalar
– dəri angiosarkoması
• Limfatik şişlər
– limfangioma