141
Çadırın yanına 12 keçə gedirdi, ona yan qəlibi deyilirdi. Dörd dənə
də baş keçə olurdu, onu da üsdən salırdı. Keçədən salınan çadır
qışda isdi olurdu, yayda da buz kimi sərin. Əvvəlcə gədə çubuğu
bağlıyırdılar. O hardasa yerdən metr yarım qəlbi olurdu. Bütün
çubuxları o gədə çubuğu orda tutub düz saxlıyırdı. Qotazlı çubux
bağı olurdu. Qotazlar rəngbərəng olurdu, çadırın tavanına baxanda
elə bilirdin çiçəklikdi.
Binə çubuğu gödək olur. Böyük çubuxdan eni beş metr, uzunu
altı metrlik ev tikirsən, amma binə çadırı balaca olurdu. Onu daşı-
maq da, aparmaq da asan olurdu. Palatkanın qırağıynan qarım çəkir-
dik. Yağış yağanda su qarıma tökülürdü, qabağı da açıq olurdu,
oraynan axıb gedirdi. Ensiz kilim toxuyardılar, qapı yerinə ondan
istifadə edirdilər. Alaçığı quranda ətrafını çətənnən hörərdilər, qışda
isə çətənnən əlavə qamışnan da hörərdilər ki, soyuğu içəri burax-
masın.
175.
Alaçığı fındıq çubuğunnan tikərdilər. O biri çubuqlar ağır
olur, ona görə olar sərf eləmir. Fındıq çubuğu həm yüngül olur,
həm asan əyilir. 42-45 çubuqdan altının dördə ev tikirdilər. Arxa və
qabaq bel çubuqları olurdu, küşdərə qoyulana gədə çubuğu deyi-
lirdi. O biri çubuqlar hündürdən gedirdi, bu alçaqdan getdiyi üçün
ona gədə çubuğu deyilirdi. Çubuqları da qoyun yununnan hörülmüş
qotazlı bağnan bağlıyardılar. Bir alaçığ üçün 100-150 bağ lazım
olurdu. Qotazları qırmızı, yaşıl, göy olurdu. Bir evi tam örtmək
üçün 13 keçə lazım idi. Onun altısını yan-yana tikirdilər, baş keçəni
evin üstünə atırlardı. Evin qabax hissəsinnən qapı qoyardılar. Xü-
susi toxunma qapı asardılar, kənarlarına da ağac vurardılar ki, girib
çıxanda qapı içəri girməsin.
176.
Muxronu irannılar düzəldərdi. Onun iyirmi qəlibi olardı. Özü
də onun qəlibinin biri iyirmi kilo gəlirdi, amma alaçığın qəlibi altı
kilo. Muxronun çubuğu xüsusi olaraq yonulurdu. Alaçığın çubux-
142
larını yerə sancırsan, amma muxronun çubuğunu yerə sancmırsan.
İçəridən dörd yerdən örkənnən bağlıyırlar. Muxroya ölçüsündən
asılı olaraq, 24, 26, 28 çubux gedir, amma alaçığa 48 çubux gedir.
Muxronun çubuğun, keçəsin ancax nər götürərdi, başqa dəvələrin
ona gücü çatmazdı. İmkannı adamlar muxro qurardılar. Tatallarda
yalnız bir bizdə, bir də Rustam kişinin muxrosu vardı.
177. QONAQ EVİ
Tərəkəmənin bir qonax evi olurdu, bir də əl evi. Qonax evi on
metr aralıda tikilirdi, içi gəvəynən bəzədilirdi. Qonaq evinə ayrıca
yastıq-döşək qoyardılar. Hətta onun qabı-qaşığı, stəkan-nəlbəkisi
ayrı olur. Yığardılar bir otağa, ancaq qonaq gələndə istifadə oluna
bilər. Qonax gələndə daa qaldıxları alaçığa deyil, o evə aparardılar.
Əl evi də qaldığı evin yarısı boyda olurdu. İşdənmiyən əşyaları,
ərzağı, unu, motalı əl evinə qoyurdu. Onları öz qaldıxları evdə sax-
lamazdılar, sabah gələn olar, pis görünər. Ona görə də əl damı düzəl-
dib onları ora yığardılar.
Tərəkəmədə bir adət var: hər gələn qonağın adına bir heyvan
kəsilər. Yadıma gəlir ki, qonağımız gəlmişdi, atam bir heyvan kəs-
mişdi. Ətin yarısı yeyilir, yarı şakqası ordan asılıf. Bir ayrı qonax
gəlif, atam gətirif başqa bir qoyun kəsif. Deyiflər, ə, sən nağarırsan?
Ordan asılan ət deyil? Deyif, o sənin adına kəsilmiyif, sənin adına
indi kəsiləjək.
178. ÇARIQ
Tərəkəmə adətən çarıq geyərdi ala corabnan. Çarıq mal dəri-
sinnən hazırlanardı. Qoyun dərisinnən çarıq olmaz. Özü də malın
belinin ortasınnan gözəl və davamlı çarıq çıxır. Malın bel dərisi
qalındı, qalan dərisi isə nazikdi. Adətən Ergi düzündə mal öləndə
biri-birinə tapşırırdılar ki, filankəs, mənə də bir çarıxlıx gön götür.
Bel gönünü kəsirdilər, duznan möhkəm qurudurdular. Soora onun
tükün iti bıçaxnan aşılıyırdlar. Bir heyvannan beş zol çıxardı. Bir
143
zolun eni 20-25 santı, uzunu 60 santı olurdu. Duz səpif qurudardı-
lar, soora isdağa qoyardılar. İsdağa qoyannan soora ya vedrəyə
keçirib, ya da ağaca söyküyüb üsdün tükün bıçaxnan təmizdiyər-
dilər. Malın öz dərisinnən çəkilmiş kööşən olardı. Çarığı kööşənnən
tikərdilər, sapnan yox. Qıraqlarını yığırdılar, ayax formasını alırdı,
üstünnən dolayı-dolayı köşəni ilişdirirdilər bir qulaxdan o qulağa.
Onun ipi olurdu. Topuğun yannarınnan ipin bağlıyırdı, corabın
üstünnən onu bağlıyırdı ki, çarıx isdanıf düşməsin. Bağı da şalvarın
altınnan bağlıyırdın baldırına. Axşam gələndə çarığı soyunub qoyur-
dun isdağa ki, qurumasın. Quruyanda çətin geyinilirdi. Vay o günnən
quraxlıx ola. Çarığı geyinən adam sürüşüb ombaların qırardı. Bir də
onu itdən qoruyardılar. Yaş çarığı qapıda qoysan it aparıb yeyərdi.
Qoyurdun döşəyin, palazın altına ki, çarığı it oğurramasın.
179. ÇATMA
Çatma üç ağacdan hazırlanırdı. Ən çox da fındıx ağacınnan
istifadə olunurdu. Həm düz olordu, həm də tilişkəsi olmordu. Hər
ağacın da metr yarım, iki metr uzunnuğu olardı. Ujdarı yonulardı.
Şişi qızdırıf başdarını deşərdilər, qatmaynan bağlıyardılar. Ayax-
larını saj ayağı kimi hərəsini bir tərəfdən yerə sancardılar. Ordan da
qoyunu asıf soyardılar.
Dostları ilə paylaş: |