|
![](/i/favi32.png) Ministry of education of azerbaijan republic sumgayit state universityBƏSTƏKAR CÖVDƏT HACIYEVİN SİMFONİK TƏFƏKKÜRÜmagistr2021 3 2BƏSTƏKAR CÖVDƏT HACIYEVİN SİMFONİK TƏFƏKKÜRÜ
Özdəmir D.H
.
Naxçıvan Dövlət Universiteti
E-mail:
ozdemirdogan760@gmail.com
Azərbaycan musiqi mədəniyyəti tarixində zəngin yaradıcılıq təxəyyülü, geniş bəstəkarlıq texnikası ilə
orijinal əsərlər yaradan bəstəkarlardan biri də Cövdət Hacıyevdir. Milli musiqi ənənələrindən məharətlə
bəhrələnərək mürəkkəb psixoloji amilləri özündə ehtiva edən, eyni zamanda həyatın müxtəlif sahələrini,
müasiri olduğu zamanın gerçəkliklərini əks etdirən maraqlı əsərlərin müəllifi olan Cövdət Hacıyev ən çox
simfoniya janrına müraciət etmiş, bu janrda əhəmiyyətli əsərlər yazmaqla yanaşı, simfonik təfəkkürün
inkişaf perpektivlərinin sərhəddini genişləndirən məktəbin yaradıcılarından olmuşdur. Bəstəkarın hər bir
simfonik əsəri onun həyat və onun gerçəklikləri haqqında subyektiv fikirlərinin toplusudur desək, əsla
yanılmarıq. Onun simfonik janrda yaratdığı zəngin obrazlar sferası fərdiliyi, özünəməxsus inkişaf prinsipi ilə
diqqəti cəlb edir. C.Hacıyev azərbaycançılıq mövqeyindən, milli vətəndaşlıq prizmasından çıxış edərək
dünya klassik musiqisində simfoniya kimi mürəkkəb bir janrda milli xüsusiyyətlərlə klassik prinsipləri
uzlaşdırmağı bacarmışdır.
Bəstəkar Azərbaycan xalq musiqisi, muğam biliklərinə dərindən yiyələnməklə yanaşı, klassik Avropa
simfonik musiqisinin nailiyyətlərinə yaxından bələd olmuş, D.Şostakoviçin rəhbərliyi altında rus klassik
simfoniyalarının mahiyyətini özü üçün aşkarlamışdır. Bütün bu biliklərdən ortaq mənbə kimi istifadə etməyi
bacaran C. Hacıyev simfonik musiqini yaradıcılığının özəyinə çevirmiş və bu janrda əzəmətli sənət
nümunələri yaratmışdır.
C.Hacıyev simfonizmi obrazlarının dərin psixoloji fikir yönümü, musiqi inkişafının gərgin
dramatizmi, melodikasının geniş epikliyi ilə fərqlənir. Bəstəkar insan obrazını əsərlərində böyük məhəbbətlə,
|
|
|