Kimyəvi izoləedici kostyum KİX-5T. Təyinatı: izoləedici kostyum KİX-5T qəza-xilastetmə işləri zamanı maye və qaz halında olan ammonyak və xlordan və digər aqressiv kimyəvi maddələrdən mühafizə üçün nəzərdə tutulmuşdur. Kostyum baş örtüyü olan kombinzondur, üz hissəsinə geniş mənzərəni seyr edə bilmək üçün şüşə bərkidilmişdir, üç barmaqlı əlcəyi vardır. Kombinzonun şalvarının aşağı hissəsinə prorezin materialdan ibarət olan bərkidici tikilmişdir. Kostyumun arxasında geyinə bilmək üçün vertikal dəliyi vardır və hermetik molniya ilə bağlanır. Kostyum xlor və ammonyaka davamlı prorezin materialdan hazırlanıb. Komplektə pambıq parçadan hazırlanmış əlcək daxildir. Kostyumu İP-4M (İP-4MK, İP-4MK-TK) izoləedici əleyhqazı ilə birlikdə istifadə edilir. Əleyhqaz kostyumun altından geyinilir. Kostyumun konstruksiyası imkan verir ki, bərpaedici patronun iş müddəti bitdikdə onu asanlıqla dəyişmək mümkün olsun.
Tibbi mühafizə vasitələri
Tibbi mühafizə vasitələri – insana fövqəladə halların zədələyici amillərinin təsirini zəiflədən və ya qarşısını alan tibbi preparatlar və ya maddələrdir. Onlar FH zamanı ilkin öz-özünə və qarşılıqlı tibbi yardım məqsədilə tətbiq edilir.
Fərdi tibbi mühafizə tabel vasitələri aşağıdakılardır:
- fərdi apteçka Aİ-2, Aİ-4;
- mühafizə qurğuları üçün kollektiv apteçka – 100-150 nəfərlik və 400-600 nəfərlik;
- İPP – 11 tipli fərdi kimyəvi paket;
- İPP-1, PPİ AB-3 tipli fərdi sarğı paketi;
- P-10 profilaktik antidot;
- sanitar xərəkləri;
- xüsusi qablaşdırılmış sanitar çantası;
- «Kvars» tipli taun əleyhinə kostyum.
FH baş verən ocaqda aparılan tibbi tədbirlərə:
- tibbi kəşfiyyat;
- zərərçəkmişlərin axtarışı və xilas edilməsi, tibbi kateqoriyalara ayrılması;
- zədələnmişlərə və xəstələrə ilkin tibbi və həkim yardımının göstərilməsi;
- tibb müəssisələrinə köçürülmə və müalicə aiddir.
Bilavasitə ocaqda zədələnmişlərə ilkin tibbi və həkim yardımı edilir, ocaqdan kənarda yerləşən tibb müəssisələrində isə ixtisaslaşdırılmış və təkmilləşdirilmiş tibbi yardım edilir.
İlkin tibbi yardım zədələnmə ocağında xilasetmə dəstələri tərəfindən öz-özünə və qarşılıqlı edilir.
FH zonasında əhalinin kütləvi zədələnməsi zamanı tibbi xidmət dəstələrində aşağıdakılar təşkil olunur:
- daxil olan zədələnmişlərin qəbulu və tibbi çeşidlənməsi, əvvəlcədən tibbi yardım edilməmişlərə ilkin həkim yardımının edilməsi və təxirəsalınmaz ixtisaslanmış tibbi yardımın edilməsi;
- zədələnmişlərin müvəqqəti qospitalizasiyası və infeksion xəstələrin və psixikası pozulmuş xəstələrin izolyasiyası;
- zədələnmişlərin tam sağalana qədər stasionar tipli müalicə müəssisələrinə təxliyə edilməsi.
Dostları ilə paylaş: |