228
nəsilbənəsil sən və sənin oğlanların səadətli və xoşbəxt yaşayasınız.
Amin!
OTUZ BİRİNCİ FƏSİL
Allah bəndəsi zahid İsrailin röyası və Qüds
müqəddəslərinin cəsədlərinin əldə edilməsi
İsrailin başlanğıcı məlum olmayan zahidliyi haqda doğru
hekayəti mən tapa bilmədim və burada yalnız bildiyimdən
danışacağam. O, tamam bir il dağda yaşayıb dizləri üstə yerdə
yatırdı. Bir dəfə, gecə saat dörd radələrində yuxusuna bir əcaib, saf,
aydın və işıqsaçan röya girdi və həmin vaxt onun burnuna çox
ləzzətli bir ətir qoxusu dəydi. Onun müdrikliyi artdı və o, birdən –
birə haçansa böyük sirlər barəsində deyilənləri, onların mənalarını,
bəxş olunan Zəburun yayılmasını, nə vaxt, necə və kimlər tərəfindən
qəbul edilməsini, qanlı döyüşlərə girişib şəhidin adına layiq
olanlarını, haradan olmalarını və ilahi sərvətlərin məhz harada
gizlədilməsini və ona bu barədə nə etməsini yadına saldı.
Bütün bunların hamısı barəsində ona yuxusunda bir və iki
dəfə deyildi və oyanarkən o, uzun müddət dəhşət içində qaldı.
Sonra yerindən qalxıb əllərini Allaha uzatdı və ona şükür edib
səhər ibadətini etdi.
Və birdən o, Allahın: “Lənət olsun ona ki, o, Allahın işini
229
saymazyana görür
1
” - sözlərini yadına saldı. İsrail öz şagirdini
götürüb tələsik dağdan enib yepiskopa danışdı və dedi: “ Mənim
ağam! Gəl tənbəllik etməyib Allahın hökmünü yerinə yetirək, əks
təqdirdə qayğısız olmağımıza görə cəzamızı çəkəcəyik.Sən bu işlə
təxirə salmadan məşğul ol ki, Allahın sirri açıla bilsin”.
Bunu eşidən böyük Kolmankın yepiskopu Davud bir anlığa
fikrə getdi. O qərara gəldi ki, özüylə bir neçə keşiş götürüb onlarla
Albaniya katolikosu Uxtanesin
195
yanına getsin. Onun yanına gəlib
bütün əhvalatı danışdı. Uxtanes bunları eşıdib Allaha şükür etdi və
yepiskop İsrailin gördüyü röyaya təəccüb edib öz – özünə dedi: “
Necə oldu ki, bu zahid belə sirrə layiq oldu?”, O, əmr etdi ki, bu
münasibətlə böyük kilsə məclisi çağrılsın və bu məclisə Arsax
vilayətinin və Böyük Arranın yepiskopu mömin İoveli də dəvət
etsinlər. İovel gəlib katolikosu və yepiskop Davudu acı sözlərlə
danladı: “ Nə üçün siz belə boşboğazlığa qulaq asıb, uydurma
röyalara fikir verirsiniz? Axı müqəddəs kitablar bizi öyrədir ki, belə
şeylərə inanmayaq! Bəllidir ki, havarilərin, Zəbur oxuyanların
vaizliyindən sonra heç bir röya təkrar olunmayıb və buna görə də
bizim vaxtımızda röya görünə bilməz”. İovelin özü isə Müqəddəs
kitabların məzmununa hamıdan çox bələd idi.
Onda müqəddəs katolikos ona belə cavabverdi: “ Sən dediyin
kitablardan bizə də məlumdur. Lakin bu röyanın hekayəti yeni və
möcüzəlidir. Bəlkə də bu röya Allahdandır və biz onu rədd edərək
1
İncil. Havari İyeremiyanın kitabı, 48,10.
230
başı soyuq adamlar kimi cəzasını çəkə bilərik. Bu röyaya mənfi
yanaşmaq olmaz, çünki onda biz Allahla mübarizəyə çıxarıq. Bu
röyanı uydurma da hesab etmək olmaz, çünki havarilərdən sonra son
zamanlarda insanların röyaları nəticəsində Müqəddəs Xaçdan
başlayaraq, müxtəlif yerlərdə, müqəddəs Qüds şəhərində və çoxlu
başqa şəhərlərdə insanlardan gizli olan və indi bütün yer üzünü
dolduran və kilsələri parıldadan bütün müqəddəs xəzinələr əldə
edilib. Axı burada da, Albaniya ölkəsində, çox yerlərdə
müqəddəslərin qaxımış cəsədləri tapılıb. Və bu röya da heç təəccüblü
deyil, çünki heç bir İlahi xəzinə torpağın altında gizli qala bilməz.
Uydurma və yalanın vasitəsilə həqiqəti danmaq olmaz və Allahın
işini İblisin masqarası yerinə qoymaq olmaz. Hər şeyi dəqiq yoxlayıb
həqiqəti bilmək vacibdir bə müqəddəs havari bu barədə deyir: “ Hər
şeyi sınaqdan keçirin və yaxşıdan yapışın”.
1
Bundan başqa kilsə
risaləsində də deyilir: “ Hər bir ruha inanmayın, lakin ruhları
sınaqdan keçirin, görün onlar Allahdandırmı?”
2
Indi siz, o diyarın yepiskopları, hər ikiniz gediniz və biriniz
bu məsələ haqqında hər şeyi öyrəniniz. Allaha yalvarın ki, qoy o, özü
açsın – “Bu röya İlahidəndir, yoxsa uydurmadır, çünki insanları
aldadan İblisin imrəndirmələri də bizə bəllidir, lakin Allahın bərəkəti
bizim üçün daha aydındır. Bizi hər gün bu barədə xəbərdar edin ki,
Allah – təala öz sirrini sizə açıb göstərdiyini bilək”.
Hər iki yepiskop - Davud və İovel məmnuniyyətlə
1
İncil. Havari Pavelin Fessaloniklilərə Birinci risaləsi, X, 21.
2
İncil. Havari İoannın Birinci risaləsi, IV, I.
231
katolikosun əmrini qəbul edib, onunla vidalaşdılar və Müqəddəs
Ruhun himayəsi altında böyük Arran keşişliyinin ərazisində, Tərtər
çayı sahilinə, cıdır meydanına oxşar bir yerə gəldilər. Bu da Böyük
Kolmank vilayətinin Rustak mahalında idi. Onlar oraya gəlib bir
təpədə yerləşən meşəlikdə ayaq saxladılar. Burada taxtadan tikilmiş,
üstündə xaçı olan sovməə var idi. Onun üstü kirəmitli, divarları isə
çox bəzəkli idi. Yepiskopların bu yerə gəlməsindən xəbər yayılan
kimi oraya Allahın möcüzəsini görmək üçün tələsik əyanlar,
yepiskoplar, keşişlər, yüzbaşılar, valilər, kəndxudalar, məmurlar və
çoxlu kişi və qadınlar gəldi.
Bundan sonra yepiskoplar bu təntənəli yığıncağa müraciət
etdilər ki, hamı üç gün pəhriz saxlasın və ibadət etsin, çünki camaatın
bir qismi bu əhvalata inanmırdı. Elə baş yepiskop İovelin özü də
bunu uydurma hesab edirdi. Üç gündən sonra keşiş İsrail əlinə bel
götürdü və hamı diz çöküb gözlərini bir yerə dikdi. O, əmr etdi ki, bu
yeri qazsınlar və camaat çıxarılan torpağı öz ətəklərində kənara
aparırdı. Onlar xeyli qazıb yoruldular, lakin istədikləri xəzinəni tapa
bilmədilər. Onda onlar altında günahlardan təmizləyən Allah
səcdəgahı olan sovməənin şərq divarını sökdülər və istədiklərini
orada axtardılar. Elə səcdəgahın altında üç dirsək dərinliyində bir
çala açdılar oradan çox nəşəli. Hər tərəfə yayılan və hamıya ləzzət
verən ətir saçdı. Bu ətir saçan min müxtəlif gülün və müşk - ənbərin
ətri idi və hamı buna təəccüb etdi. On qarış dərinliyə gedəndən sonra
onlar qurşun möhürlü iki gümüş sandıqçaya rast gəldilər.
Dostları ilə paylaş: |