153
canla sərhəd bölgəsində çoxlu sayda silahlı adamlar görünməkdədir. Hə-
min silahlı adamlar arasında Beyrut və Dəməşqdən gəlmiş şəxslərin ol-
duğu da qeyd edilirdi (97).
Sovet hakimiyyət orqanlarının gözü qarşısında erməni millətçilərinin
silahlanmasının aparılması ilə bağlı Y.Pompeyev öz kitabında başqa bir
məlumata da istinad edir. Bu məlumat 1989-cu ilin mart ayında ―Komso-
molskaya pravda‖ qəzetində SSRİ Baş Prokurorluğunun məsul əməkdaşı
V.İlyuxinin verdiyi məlumat idi. V.İlyuxin bildirirdi ki, Ermənistan yol-
larınnda qeyri-qanuni silahlanmış qruplar görünməkdədir və onlar tərksi-
lah edilməlidirlər (98).
1989-cu ildə Ermənistanda qeyri-qanuni yolla silahlandırılmış belə si-
lahlı qrup və dəstələrin sayı daha da artdı. Bir daha qeyd edilməlidir ki,
belə qanunsuz dəstələrin yaradılmasında məqsəd əvvəlcə Ermənistanda
yaşayan azərbaycanlı əhalinin öz ev-eşiyindən qovulması, sonra da silah-
la zorakılıq yolu ilə Dağlıq Qarabağın Azərbaycandan qoparılması idi.
1989-cu ili erməni silahlı-terror dəstələrinin formalaşma ili kimi xarakte-
rizə etmək olar. Erməniliyin psixozlandırılması, onların kütləvi silahlan-
dırılması ilə davam etdirilirdi. Artıq informasiya məkanına çıxmış olan
materiallar da onu nümayiş etdirir ki, bu silahlı terror dəstələri təşkil
edildikcə Azərbaycan ərazisinə, qonşu respublikanın
daxilinə göndərilir-
di. Həmin ildə təşkil edilən dəstələrdən biri ―Zoravar Andranik‖ adlanır-
dı. Bu dəstə də Azərbaycan ərazisinə göndərildi və sonralar bu dəstə Xo-
calı əhalisinə qarşı həyata keçirilən soyqırımda iştirak etdi. 1989-cu ildə
təşkil edilən və silahlandırılan başqa bir erməni dəstəsi ―Tiqran Mets‖
adlanırdı. Bu dəstə bir müddət Azərbaycanla sərhəd
xətti boyunca yerləş-
dirildi, sonradan isə o da Azərbaycan ərazisinə göndərildi. Ermənistanın
Spitak şəhərində digər bir silahlı dəstənin formalaşdırılması da 1989-cu
ilə təsadüf edir. Həmin dəstə Dağlıq Qarabağın
bir neçə rayonunda ermə-
ni separatizminin həyata keçirilməsi üçün Azərbaycana qarşı silahlı mü-
barizəyə qoşuldu. İnformasiya məkanına buraxılmış məlumatlar 1989-cu
ildə Ağdərənin Möhrətaq kəndində və Əsgəranda da əlavə erməni silahlı
dəstələrinin təşkilindən xəbər verir (99).
Erməni silahlandırılmış dəstələrinin sayı heç də bu adları çəkilən dəs-
tələrdən ibarət deyildi. Məsələn, məlumdur ki, 1989-cu ildə Dağlıq Qara-
bağda 80 diversiya-terror qrupu fəaliyyət göstərirdi və bu dəstələrin mil-
lətçi təcavüzkar fəaliyyəti vilayət ərazisində yerləşən Azərbaycan kənd-
lərinin ətrafında mürəkkəb vəziyyət yaratmışdı. Kosalar, Xocalı, Meşəli,
Kərkicahan, Həsənabad və digər kəndlərin ətraf aləmlə bütün əlaqələri
154
erməni təxribatçı-terror qruplarının nəzarəti altına alınmışdı. 1989-cu ilin
9 ayı ərzində adları çəkilən Azərbaycan kəndlərinə qarşı 46
dəfə təcavüz-
kar akt həyata keçirilmişdi. Bu təcavüzkar aktların həyata keçirilməsi
üçün erməni təxribatçı qruplarının ixtiyarında kifayət qədər müasir olan
silahlar cəmlənmişdi. Eyni zamanda vilayət ərazisində gizli silah və sur-
sat anbarları təşkil edilmişdi. Bundan başqa, vilayət ərazisində təxribatçı-
millətçi qüvvələrin onlarla dayaq məntəqəsi var idi. Həmin dayaq məntə-
qələrində təxribatçıların hazırlığı aparılırdı. Erməni təxribatçı-terror qrup-
larının və qüvvələrinin belə fəallaşması nə vilayətdə yaradılan Xüsusi
İdarəetmə Komitəsini nə də burada yerləşdirilmiş SSRİ Daxili Qoşunla-
rının qüvvələrini narahat edirdi (100).
Yəni, erməni millətçi qüvvələri Azərbaycan ərazisində elə bir hərbi po-
tensial əldə etmişdilər ki, onlar çəkinmədən DQMV-nin Azərbaycan
kəndləri üzərinə hücuma keçirdilər. Məsələn, 1989-cu il iyulun 6-da er-
məni millətçiləri Xankəndi yaxınlığında yerləşən Kərkicahan kəndi üzə-
rinə hücuma keçdilər. Bu kənd Xankəndinin çox yaxınlığında yerləşirdi
və erməni millətçiləri Dağlıq Qarabağın işğalına da məhz bu kənddən
başlamağı planlaşdırırdılar. İyul ayının 9-da erməni silahlıları mal-qara
otaran azərbaycanlıların üzərinə hücum etdilər. Yalnız təsadüf nəticəsin-
də azərbaycanlılar canlarını qurtara bildilər. İyul ayının 11-də Xankəndi
ətrafında erməni silahlıları yenidən azərbaycanlılar üzərinə hücum çəkdi-
lər və iki azərbaycanlını odlu silahdan qətlə yetirdilər. 1989-cu ilin iyul
və avqust ayları ərzində Dağlıq Qarabağın azərbaycanlı əhalisinə və
kəndlərinə bir neçə digər basqınlar da həyata keçirildi (101). 1989-cu ilin
sentyabr ayında 6–7 minlik erməni silahlısı Xocalı üzərinə basqın etdi.
Qəsəbənin müdafiəsinin təşkili nəticəsində həmin basqından itkisiz ötüş-
mək mümkün oldu (102).
Mövcud olan məlumatlara görə, 1989-cu ilin avqust-dekabr aylarında
Ermənistan ərazisində təşkil edilmiş terror-təxribat qrupları 91 dəfə Azər-
baycanın yaşayış məntəqələrinə basqınlar etdilər. Baxmayaraq ki, bu
kəndlər Dağlıq Qarabağ ərazisində deyildi və Dağlıq Qarabağ ermənilə-
rinin öz müqəddəratını ―təyinetmə‖ mübarizəsinə heç bir aidiyyatı yox
idi. Həmin basqınlar nəticəsində 51 nəfər ölmüş və 166 nəfər də yaralan-
mışdı (103).
1990-cı ildən Azərbaycan ərazilərinin işğalı məqsədi ilə təşkil edilən
qeyri-qanuni dəstələrin silahlandırılmasında artıq yeni bir mərhələ başla-
yır. Azərbaycan ərazisindəki İttifaq qüvvələrinin, başlıcası isə Azərbay-
canın hüquq-mühafizə qüvvələrinin iradəsinin qırılması üçün erməni ter-