BAKIDA KANALİZASİYA
Bakıda kanalizasiya ilk dəfə təxminən 1880-ci illərdə çəkilmiŞdir. O
vaxtadək həyətlərdən və ictimai yerlərdən, hamamlardan axıdılan sular Şəhərin
küçələri ilə özbaŞına axır, çökək yerlərə, çuxurlara dolur və buradan da ətrafa
yayılırdı. 1892-ci ildən isə əhali çirkli suları dənizə axıtmaq üçün kanovlar
çəkməyə baŞladı. Ancaq belə kanalizasiyanın heç bir planı yoxdu. Biri kanov çəkir,
o biri də öz həyətinin suyunu ona qoŞurdu. Vaxtı ilə doktor V. N. Bequn tərəfindən
yazılmıŞ "Bakı Şəhərində sanitar iŞinin inkiŞafı barədə qısa oçerk" kitabında Bakıda
ilk kanalizasiyanın necə yaranması barədə məlumat verir. O yazırdı ki, 34-ə qədər
müsəlman və 6 Avropa hamamlarının sahibləri çirkli suyu dənizə axıtmaq üçün
kanov çəkmiŞdilər. Lakin bu kanovlar suyu özündən buraxan materiallardan
çəkildiyindən sular dəniz kənarına çatmamıŞ torpağın canına hopurdu. Sonralar
həyətlərin də suları bu kanovlara qoŞuldu. Beləliklə, Şəhərdə kanalizasiya Şəbəkəsi
geniŞlənməyə baŞladı.
Dənizə tərəf uzadılan belə kanovların sayı 12-dən artıq deyildi. Kanovlarla
su ancaq dəniz sahilinədək çatırdı. Sahildə çirkab sulardan böyük gölməçələr
əmələ gəlirdi. Bərk xəzrilərdə üfunətdən yaxın evlərdə nəfəs almaq çətinləŞmiŞdi.
Təxminən keçmiŞ Tağıyev teatrının yerləŞdiyi və kukla teatrının ətrafı həmiŞə
üfunətli gölməçələrlə əhatə olunurdu, bərk küləklərdə Xəzərin sahilə hücum çəkən
suları da bu gölməçələrin çirkablı sularına qarıŞaraq, ətrafı basırdı. Kanovlar çox
səliqəsiz tikilirdi. Bunun nəticəsində çirkab sular həyətlərə, evlərin zirzəmilərinə,
aŞağı mərtəbələrinə sızır, küçədə hərəkət etməyə mane olurdu. Məsələn, 1892-ci
ildə Tatar küçəsində bir neçə həyət və mənzilləri su basmıŞdı. Həyətlərdə ayaq
yolları da bərbad halda idi. Şəhərin yuxarı məhəllələrindən, İçəriŞəhərdən ayaq
yollarının zibilli suları açıq kanovlarla dənizə axıdılırdı. Bəzi hallarda isə küçələrin
tən ortası ilə süzülürdü. Belə natəmizlik nəticəsində idi ki, 1892-ci ildə Şəhərdə
vəba xəstəliyi baŞladı. Şəhər idarəsinin gördüyü tibbi tədbirlərə baxmayaraq,
əhaliyə böyük zərər dəydi. Yalnız bundan sonra Şəhər idarəsi kanalizasiya iŞlərini
qaydaya salmaq üçün xüsusi komissiyon təŞkil etdi. Kanalizasiya dənizə qədər
141
uzadıldı. Bununla belə çirkab sular yenə sahilə yayılırdı. Həyətləri yenə tez-tez su
basırdı. 1904-cü ildə təzədən baŞ vermiŞ vəbadan sonra Şəhər idarəsi kanalizasiya
iŞləri ilə yenə də ciddi məŞğul olmadı. Sonrakı illərdə də Bakı vəba epidemiyasının
mərkəzinə çevrilmiŞdi. O illərdə Bakıda olan ingilis mühəndisi Lindleyə yeni
kanalizasiya üçün layihə hazırlanması tapŞırıldı. Ancaq onun tikilməsi üçün bir
qəpik də pul buraxılmadı.
Həyətlərdə nəcis çalalarının müntəzəm boŞaldılmasına fikir verilmirdi.
İamboların miqdarı çox az idi. Vəba xəstəliyi isə əhaliyə gözünü açmağa imkan
vermirdi. 1907, 1908; 1909, 1910-cu illərdə baŞ verən vəba xəstəliyi xeyli insan
qırğınına səbəb olmuŞdu. Kanalizasiya Şəbəkəsi geniŞlənsə də Şəhərdə elə
məhəllələr vardı ki, əhali hələ də kanalizasiyanın olmaması üzündən dözülməz
əziyyətə düçar olmuŞdu. Kanalizasiya iŞləri ta 1914-cü ilədək ləng gedirdi. Elə
məhəllələr vardı ki, kanalizasiyadan tamamilə məhrum idilər. Məsələn,
Ermənikənddə, İamaxinkada, Qanlı təpədə, Şəhərin Zavağzal hissəsində,
Kərpicxanada bircə kanalizasiya xətti də yoxdu. Çəmbərəkənd, Təzə Pirin ətrafı və
hətta Bayıl da bu vəziyyətdə idi.
Həyətlərdən nəcis adətən gecələr daŞınırdı. Bu iŞ boçkalı arabalar vasitəsilə
görülürdü. Şəhərdə xüsusi müəssisələr vardı ki, bu iŞlə məŞğul idilər. Belə
müəssisələr - "Bakı nəcis nəqliyyatı" adlanırdı. 1914-cü ildə cəmi üç belə müəssisə
vardı. Şəhərin nəcisi əvvəllər daŞınıb, Qanlı təpənin ətəyindəki dərəyə tökülürdü.
Bu dərə əhali içərisində "Poxlu dərə" (indiki Mərkəzi kolxoz bazarının yeri)
adlanırdı. Bu yerlər o zaman Şəhərin kənarı idi. Sonralar Şəhər böyüdükcə nəcis
daha uzağa daŞınırdı.
KÜÇƏLƏR
Yeni salınmıŞ Şəhərin küçələrini qaydaya salmaq üçün Şəhər idarəsi bir sıra
tədbirlər görürdü. Bakının məŞhur xəzrisi əsdiyi zaman (bu bəzən həftələrlə davam
edirdi) küçələrdə tozanaqdan göz açmaq olmurdu. Arabaların, faytonların
çarxlarından qalxan toz buludları adamların üst-baŞını, evlərin pəncərələrini boz bir
pərdəyə bürüyürdü. Burulğan kimi burulan külək qarŞısına çıxan hər Şeyi qabağına
qatıb sovururdu. Bəzən qadınların çadralarını baŞından qoparıb, uçururdu.
Tozanağın qarŞısını almaq üçün ilk tədbir ondan ibarət oldu ki, küçələrə daŞ
döŞəməyə baŞladılar. Bu iŞə Sahil küçəsindən baŞlandı. 1878-ci ildə ilk dəfə olaraq,
buraya əhəng daŞları düzüldü. Bir müddət sonra məlum oldu ki, bu yolla tozanağın
qarŞısını almaq mümkün deyil, əksinə; fayton çarxlarından, at dırnaqlarından
parçalanan daŞlar toza dönərək, Şəhəri daha eybəcər Şəklə salırdı. Bunun qarŞısını
almaq üçün küçələrə neft çiləməyə baŞladılar. Doğrudur bu tozanağın qarŞısını ala
bildi. O biri tərəfdən yağıŞlı havalarda canına neft hopmuŞ torpaq suyu
142
buraxmadığından küçələrdə gölməçələr əmələ gəlirdi. Bəzən elə olurdu ki, bu
səkidən o biri səkiyə keçmək də olmurdu. Bundan sonra Şəhər idarəsi belə qərara
gəldi ki, küçələrə neft səpmək əvəzinə Biləcəridə tapılmıŞ möhkəm çay daŞlarından
istifadə edilsin. Lakin Biləcəri daŞ yataqları tez tükəndi. Bu daŞlardan ancaq üç il
istifadə etmək mümkün oldu. Sonra Krasnovodskdan barjlarla porfiriti daŞınmağa
baŞladı. Bu da Biləcəri daŞları kimi çox möhkəmdi. Aradan bir müddət keçəndən
sonra Şəhər idarəsi çay daŞlarını (bakılılar bunu qənbər adlandırırırlar) daha üstün
tutdular. Çünki qənbər daha möhkəm və daha etibarlı idi. Azərbaycan rayonlarında
da istədiyin qədər qənbər ehtiyatı vardı. O vaxtdan bu günədək bu möhkəm çay
daŞından istifadə edilir. Qənbər də ancaq mərkəzi küçələrdə və dövlət idarələrinin
qabağındakı meydançalara döŞənirdi. Kərpicxanada, Qanlı təpədə, Təzə Pirin ətraf
küçələrinə hələ də neft çilənirdi, Qənbər döŞənmiŞ küçələr qaldırımlı olduğu üçün
küçənin ortalarında daha su durmur, qaldırımın hər iki yanı ilə axıb gedirdi.
Bakıda asfaltdan ilk dəfə 1906-cı ildə istifadə edildi. Bu da Şəhərdə Qala
bəyi (qradonaçalstva) idarəsinin yaranması ilə əlaqədardı. Həmin ildə qubernatorun
binası Sahil küçəsindən indiki M. Muxtarov küçəsi ilə Füzuli küçələrinin tinindəki
Əmircanovun binasına köçür. Onun keçmiŞ binası isə qalabəyi Martınovun
ixtiyarına verilir. Asfalt da ilk dəfə bu binanın qarŞısına salınmıŞdı.
Dostları ilə paylaş: |