90
pərən-pərən düşüb ölkənin hər yerinə dağılmışdı. Dərbəndi tutan ağqvardiyaçılar
Azərbaycana
soxulmaq istəyirdilər. Qusarda yerləşən ikinci alay gecə-gündüz vuruşaraq düşməni
Azərbaycana buraxmadı.
İyirminci ilin baharında Tərlan Əlyarbəyov Bakı hərbi idarə rəisinin müavini idi. O, heç
vaxt inqilabi ənənələr şəhəri Bakını belə qaynar, belə təlatümlü görməmişdi.
Döyüşlərdə böyüyüb-bərkimiş Tərlan Əlyarbəyov könüllü olaraq ordu sıralarına yazıldı.
Bir neçə qolçomaq Şuşanın yalçın qayaları arasına sığınaraq başına quldur dəstələri
yığmışdı. Tez-tez kəndlərə hücum edir, kənd soveti sədrlərini, komsomolçuları öldürürdülər.
Kapitan Tərlan Əlyarbəyovun 1920-21-ci illərdəki böyük fəallığı ilə bu quldur dəstələri ləğv
edildi. 1922-ci ildə respublika Xalq Komissarlığı qərargahında hərbi dəniz işləri
üzrə rəis işləyən
Əlyarbəyova yeni bir tapşırıq verildi:
“Kürdəmir və Qaraqoyunlu ərazilərində baş qaldıran quldur dəstələrini məhv etməli”. O,
cəsur silah yoldaşları ilə yorğunuq və yuxusuzluq nə olduğunu bilmədən az bir vaxtda düşməni
məğlub etdi.
Azərbaycan Sovet Sosialist Respublikası hərbi Dəniz Xalq Komissarlığının 1922-ci il 9
dekabr tarixli 525 nömrəli əmrində deyilirdi:
“Mənə etibar olunmuş Komissarlığın qərargah rəisi Tərlan Əlyarbəyov yoldaş
Azərbaycanda Sovet hakimiyyəti qurulan ilk günlərdən məsul vəzifələr daşımış, vicdanlı, səliqəli
olması, ona tapşırılan vəzifələri can-başla yerinə yetirməsi və proletar hakimiyyətinə sədaqəti ilə
fərqlənmişdir.
Hərbi işi tam bildiyini göstərmiş və Azərbaycan SSR-də mahal hərbi komissarlıqlarının
təşkili işinə böyük qüvvə və qayğı sərf etmişdir. 1920-ci ildə Bakı qəzasında və 1921-ci ildə
bütün respublikada səfərbərliyi yüksək bacarıqla keçirmişdir.
Hazırda HDXK-nın qərargahı ləğv edildiyi üçün Əlyarbəyov yoldaşı Azərbaycan SSR
Hərbi Komissarlığının müavini vəzifəsinə təyin etməklə inanıram ki, onun öz biliyi və Sovet
hakimiyyətinə sədaqəti sayəsində Azərbaycanda səfərbərlik
işi həmişə yüksək səviyyədə
olacaqdır.
Təxminən üç il müddətində hərbi idarədə birgə çalışdığımız vaxtlar gənc Sovet
Azərbaycanının yaradılması işinə böyük zəhmət və enerji sərf etdiyinə görə Tərlan Əlyarbəyova
rəhbərlik adından təşəkkür elan edir və əmr edirəm ki, şəxsi xidmət kitabçasına yazılsın.
Hərbi Dəniz Xalq Komissarı və Əlahiddə Qafqaz Ordusu Hərbi İnqilab Şurasının üzvü
Əliheydər Qarayev.
Qərargah rəisi əvəzi Məğrubov.
Gənc sovet respublikası Tərlan Əlyarbəyovu hansı sahəyə göndərirdisə o, namuslu bir
zabit kimi çalışır, verilən tapşırığı ləyaqətlə yerinə yetirirdi. 1927-ci ildə Frunze adına hərbi
Akademiyada Ali komanda heyəti kursunu bitirdikdən sonra Bakıya qayıdan Əlyarbəyov hərbi
istedadını milli hərbi kadrların yetişdirilməsinə sərf etmişdir. O, ikinci dəfə bu hərbi
Akademiyanı bitirən ili ölkəmizi faşizm taunu bürüdü.
Böyük Vətən müharibəsi başlananda polkovnik Tərlan Əlyarbəyov 416-cı atıcı
diviziyanın komandir müavini, üç ay sonra isə onun komandiri təyin edildi.
Diviziya 1942-ci il noyabrın 30-da səhər Terek çayı sahilində düşmənlə ilk
dəfə döyüşə
girdi. İki günlük döyüşdən sonra İşşorsk rayonunda faşistlərin müdafiə xətti yarıldı, Novo-
Lednev və Kapustino yaşayış məntəqələri azad edildi.
Xalqımızın igid oğullarından ibarət olan bu diviziya dekabrın altısında inamla vuruşaraq
düşmənin möhkəmləndirilmiş daha bir atəş nöqtəsini məhv etdi. Hücumu müvəffəqiyyətlə
genişləndirən polkovnik Tərlan Əlyarbəyov həmişə ön cəbhədə olur, döyüşçülərdə qələbəyə
sarsılmaz inam yaradırdı.
44-cü ordunun tərkibində yerləşən bu diviziya 1942-ci ilin qışında Şimali Qafqazda 350
kilometrlik döyüş yolu keçərək, onlarla şəhər və kəndi düşməndən azad etdi.
Dəfələrlə ordu
komandanlığının təşəkkürünə layiq görüldü.
Sonralar 79-cu, 88-ci alaylara, 402-ci atıcı diviziyaya başçılıq edən və 58-ci korpusun
komandir müavini kimi məsul vəzifələrdə çalışan Tərlan Əlyarbəyov özünün komandirlik
91
bacarığını parlaq şəkildə nümayiş etdirdi. O, xidmət etdiyi bütün hərbi hissələrdə böyük nüfuza
və hörmətə malik idi.
Müharibə illərində Əlyarbəyovun döyüş xidmətlərini yüksək qiymətləndirən
hökumətimiz 1944-cü il fevralın 9-da onu general-mayor rütbəsi, ilə təltif etmişdir.
1956-cı ildə vəfat edən generalın iki oğlu qalıb. General atasının sənədlərini qayğı ilə
qoruyub saxlayan Nadir Əlyarbəyovun xatirələrindən:
- Atamın söhbətləri yaxşı yadımdadır. Danışardı ki, 1908-ci ildə Şamaxıdakı altı illik
şəhər məktəbini bitirəndən sonra Vladiqafqaza gedib kadet korpusuna daxil olmaq istəyirdim.
Lakin babam Abdullanın qəfil ölümü onun hərbi məktəbə getməsinə mane olur. Atam yalnız
1910-cu ildə Tiflisə gedib Mixaylovsk hərbi piyada məktəbinə daxil olur.
Atam özü haqqında çox az danışardı. Evdə də az olardı. O, daim əsgərlərin yanında olar,
onların ailə həyatı ilə, güzəranı ilə maraqlanardı.
Yadımdadır, atamın ölümündən sonra bizə bir jurnalist gəlmişdi. Atam haqqında
yazmaq
istəyirdi. Anam Lətifə xanımdan atam haqında danışmağı xahiş etdi.
Anamsa, nə deyim, nə danışım, ay oğul, - dedi, - bir doyunca üzünü gördüm ki... Qonaq
kimi gəlib-gedərdi.
Anam - “Tərlan bizə gələndə belə oldu, Tərlan belə dedi”, - deyə danışanda qonşular
gülərdilər.
Atamı tanıyanlar - döyüş yoldaşları, dostları həmişə deyərdilər ki, Tərlan özü üçün
yaşamadı, eli, obası üçün yaşadı. O, məzuniyyət, istirahət nə olduğunu bilməzdi. Onun
xidmətləri
Lenin ordeni, Qırmızı Bayraq ordeni, Qırmızı Ulduz ordeni və çoxlu medallarla təltif
olundu. Doğma Şamaxıda adına abad küçə qoyuldu.
Şahidi olduğum bir xatirəni heç vaxt unuda bilmirəm. Atam hərbi qulluqda idi. Anamla
mən bir dəfə onun yanına getmişdik. Bizim gəlişimiz günorta vaxtına düşmüşdü. Aşpaz üç qabda
yemək gətirdi. Atamın bərk acığı tutdu. Aşpazı geri çağırıb dedi:
- Bunlar buraya yeməyə gəlməyiblər ki?.. Sən niyə əsgərin payından kəsib bunlara
gətirirsən. Bu saat qaytar... Sonra anama “niyə nahar vaxtı gəlmisiniz?” - dedi.
İllər keçib, evimizdə bir Tərlan da böyüyüb. Atamın adını daşıyan oğlum Tərlan bu il
Bakıdakı Azərbaycan SSR Ali Soveti adına
hərbi məktəbi bitirib, zabit rütbəsi ilə qulluğa
başlayıb, babasının yolunu seçib.
GENERAL HACIBABA ZEYNALOV
Hələ Böyük Vətən müharibəsindən əvvəl də Sovet ordusunun hissə və birləşmələrində
döyüş hazırlığı və siyasi hazırlıq məktəbi keçmiş azərbaycanlı zabitlər az deyildi. Onlar
M.V.Frunze adına hərbi Akademiyada, V.İ.Lenin adına Hərbi-Siyasi Akademiyada, Baş
Qərargahın Akademiyasında və başqa ali hərbi məktəblərdə təhsil almışdılar.
Cəmşid Naxçıvanski, Məmməd Veysov,
Qambay Vəzirov, Tərlan Əlyarbəyov, Mahmud
Əbilov, Heybət Heybətov, Yaqub Quliyev, Məmmədşərif Həmidov,
Hüseyn Rəsulbəyov, Həzi
Aslanov və başqaları milli hissə və birləşmələr üçün yetişdirilmiş sərkərdələr idi.
Belə hərbi xadimlərdən biri də Hacıbaba Məmməd oğlu Zeynalov olmuşdur. 1906-cı ildə
qədim Gəncədə yoxsul ailədə dünyaya gələn Hacıbaba orta təhsilini də doğma şəhərdə almışdır.
O, hərbçi olmaq arzusu ilə 1923-cü ildə Bakıya gəlib, gənc komandirlər məktəbinə qəbul olunur.
Üç illik təhsilini müvəffəqiyyətlə başa vuran Hacıbaba Zeynalov Serqo Orconikidze adına
Azərbaycan atıcı diviziyasının ikinci dağ nişançı alayına vzvod komandiri təyin edilir. Az bir
vaxtda onu komandirlik məharətinə görə alayın rabitə rəisi vəzifəsinə təyin edirlər.
Böyük Vətən müharibəsi başlananda podpolkovnik Hacıbaba-Zeynalov Pribaltika Hərbi
Dairəsində “N” diviziyasının şöbə rəisi kimi məsul vəzifədə çalışırdı. Kommunist komandirin
sinəsini “Qırmızı Ulduz” ordeni və bir neçə medal bəzəyirdi. O, bu orden və medallara iki il
əvvəl ağ finlərə qarşı döyüşlərdə göstərdiyi igidliyə görə layiq görülmüşdü. 1939-cu ildə
M.V.Frunze adına hərbi Akademiyanı əla qiymətlərlə bitirən Hacıbaba hərb sahəsində yaxşı