ümumi diaqnostika
ekspress-diaqnostika da
adlandırılır. Avtomobilin TXS-ə hər gəlişi zamanı onun yerinə
yetirilməsi məqsədəuyğundur, çünki ekspress-diaqnostika əsasən
avtomobilin hərəkət təhlükəsizliyini təmin edən aqreqat və
qovşaqların (tormoz sistemi, sükan idarəsi, işıqlandırma sistemi)
texniki vəziyyətini təyin etmək üçün nəzərdə tutulur. Bu
diaqnostika növü yalnız avtomobilin sonrakı istismara yararlı olub-
olmaması haqqında qərar çıxartmaq üçün tətbiq olunur. Bu zaman
tormoz intiqalının və mexanizminin səmərəli işləməsi, sükan
idarəsi sisteminin parametrləri (lüft, araboşluqları), şinlərin
vəziyyəti və onlarda havanın təzyiqi, işıqlandırma və siqnalizasiya
cihazları yoxlanmalıdır. Proses zamanı aqreqat və qovşaqları
çıxarmadan lazımi nizamlama işləri yerinə yetirilə bilər.
Elementlər üzrə
(dərin) diaqnostika avtomobilin əsas
aqreqat və qovşaqlarının texniki vəziyyətini təyin etmək, gizli
nasazlıqları aşkar etmək, onların yerini, səbəbini və xarakterini
müəyyənləşdirmək üçün aparılır. Dərin diaqnostika TQ-dən qabaq
və sifarişə görə aparılır. Onun nəticələrinə görə diaqnoz qoyulur,
növbəti saz işləmə müddəti proqnozlaşdırılır, nizamlama və təmir
işlərinin həcmi müəyyənləşdirilir. Bu diaqnostika prosesində tex-
nologiyada nəzərdə tutulan lazımi nizamlama işləri aparıla bilər.
Texniki vəziyyəti hərəkət təhlükəsizliyi tələblərinə cavab
verməyən avtomobilləri aşkar etmək üçün qəbul postunda müvafiq
aqreqatın, qovşaq və sistemlərin yoxlanması nəzərdə tutulur. Lakin
bəzi işlər, məsələn, tormoz sistemi üzrə işlər işçi postda xüsusi
stenddə aparılmalıdır.
TQ-dən qabaq aşkar olunmuş nasazlıqları aradan qaldırmaq
üçün bəzən təmir işlərinin də aparılması lazım olur.
49
İş həcmi böyük olduqda belə işlər TQ-dən əvvəl yerinə
yetirilir. CT-dən qabaq imtina və ya nasazlığın səbəbinin aşkar
edilməsi və ya dəqiqləşdirilməsi avtomobil sahibinin sifarişinə və
ya müvafiq işi yerinə yetirən istehsalat sahəsinin tələbinə görə
aparılır.
Nəzarət-nizamlama işləri (məsələn, tormoz sistemində
nizamlama işləri, təkərlərin qurulma bucaqlarının nizamlanması və
s.) TQ prosesində yerinə yetirilir.
Avtomobilin bütövlükdə və ya ayrı-ayrı sistemlərinin
diaqnostikası avtomobil sahibinin sifarişinə görə ayrı xidmət növü
kimi də yerinə yetirilir. Xırda TXS-lər üçün (10-15 post) bu işlər
xarakterik deyil, iri stansiyalarda isə ümumi gəlmələrin 10%-dən
çox olmur.
Yuxarıda göstərilən işlərdən başqa diaqnostika prosesində
həm də aparıla bilər:
tormozların, təkərlərin qurulma bucaqlarının, elektrik
avadanlığı və qida sistemi cihazlarının yoxlanması və
nizamlanması üzrə sifariş edilmiş işlər;
TQ və CT-nin keyfiyyətinə nəzarət, bu işlər, həmçinin
qəbul - təhvil işlərinin həcminə də daxil ola bilər;
ayrı-ayrı qovşaqların, aqreqatların və avtomobilin
bütövlükdə iş resursunun proqnozlaşdırılması, adətən, bu iş sifarişə
görə dərin diaqnostika yerinə yetirilən zaman həyata keçirilir;
istehsalın idarə olunması üçün lazımi məlumatların
toplanması, emalı və verilməsi. Bu iş həmişə qəbul-təhvil sahəsi və
digər istehsalat sahələri ilə birgə qarşılıqlı əlaqədə aparılır.
Diaqnostika postlarında xırda nasazlıqların aradan
qaldırılması, o cümlədən bəzi detalların dəyişdirilməsi mümkün-
dür. Belə işlərin həcmi postun iş həcminin 20%-dən çox
olmamalıdır. Əgər diaqnostika prosesi zamanı aşkar olunan
qüsurları yerindəcə aradan qaldırmaq mümkün deyilsə, avtomobil
müvafiq sahəyə göndərilir və qüsur ləğv edildikdən sonra
diaqnostikanı qurtarmaq üçün yenidən diaqnostika sahəsinə
qaytarılır (şəkil 2.11).
Ümumi və elementlər üzrə diaqnostika postlarında
diaqnostika işləri yüksək ixtisaslı mexanik-diaqnostlar tərəfindən
50
yerinə yetirilir. Onlara xüsusi təlim keçmiş ixtisaslı sürücülər də
kömək edir.
TQ və CT postlarında nəzarət-diaqnostika əməliyyatları
avtomobillərin TQ və CT zamanı təmir fəhlələri tərəfindən həyata
keçirilir. Diaqnostika postunda yerinə yetirilmiş diaqnostika
işlərinin nəticələri xüsusi uçot sənədlərində
−
nəzarət-diaqnostika
baxışı xəritələrində yazılır. Bu sənədlər avtomobillərin xidməti
üzrə sonrakı işlərin aparılması üçün əsas olur. TQ və CT postlarında
aparılmış və aşkar olunmuş nasazlıqların buradaca aradan
qaldırılması ilə bitmiş diaqnostika işlərinin nəticələri nəzarət-
diaqnostika xəritəsinə yazılır.
Yoxlanılacaq obyektlərin siyahısı, imtinaların məzmunu və
onların yoxlanması metodları müvafiq sənədlərdə (texnoloji
xəritələrdə, post xəritələrində, istismar təlimatlarında və s.) izah
edilir.
Nəzarət-diaqnostika xəritəsində kodla (şifrlə) nəzərdə
tutulmamış nasazlıqlar xəritəyə əlavə olaraq yazılır. Diaqnostika
postlarında tələbata görə yerinə yetirilmiş nizamlama və təmir işləri
barədə məlumat ayrıca olaraq sifariş vərəqində göstərilir.
Diaqnostika postlarında TQ və təmir üzrə ancaq bəzi işlər, məsələn,
iş
həcminin
yerinə
yetirilməsi
diaqnostika
prosesini
mürəkkəbləşdirməyən əməliyyatlar, diaqnostika prosesinin
pozulmaması üçün aparılması vacib olan və bunun üçün
avtomobilin başqa posta göndərilməsi məqsədəuyğun olmayan
işlər (məsələn, faraların quraşdırılmasını yoxlayan zaman lampanın
dəyişdirilməsi) aparıla bilər.
İxtisaslaşdırılmış diaqnostika sahəsi istehsalat binasının izolə
olunmuş sahəsində yerləşdirilir və TXS-in gücündən, yerinə
yetirilən işlərin həcmindən asılı olaraq avtomobilin tormoz
xüsusiyyətlərini, dartıcı keyfiyyət göstəricilərini, mühərrikin və
elektrik avadanlığının işini yoxlamaq üçün stendlər, motor-testerlə
təchiz olunur. Bu sahədə, həmçinin işlənmiş qazlarda zərərli
komponentləri təyin edən, fara işığının gücünü və istiqamətini,
yanacaq sərfini, sükan idarəsini, şinlərdə hava təzyiqini və s.
yoxlayan cihazlar yerləşdirilir. İdarə olunan təkərlərin qurulma
bucaqlarının yoxlanması, nizamlanması, təkərlərin balanslaşdırıl-
51
masının yoxlanması və nizamlanması bir qayda olaraq ayrıca
istehsalat sahələrində nəzərdə tutulur.
Diaqnostika işləri üçün nəzərdə tutulmuş xüsusi avadanlığın
böyük bir qismi təkcə yoxlama-nəzarət işləri deyil, həm də lazımi
nizamlama, sökmə-yığma, təmir işlərinin də aparılmasına imkan
verir.
TXS üçün bahalı və yüksək məhsuldarlıqlı diaqnostika
avadanlığının seçilməsi, onun sayının təyin edilməsi, istehsalat
proqramına uyğun rentabelli istifadə edilməsi çox mühüm
məsələdir. Avtoservis mütəxəssisi müasir avtoservis texnoloji
avadanlığının nomenklaturası, texniki xarakteristikaları, satış
qiymətləri haqqında tam informasiyaya malik olmalı, bu avadanlığı
seçməyi və TXS-in texnoloji prosesində səmərəli istifadə etməyi
bacarmalıdır.
TXS-in istehsalat proqramının tərkibindən və həcmindən
asılı olaraq avtomobillərin diaqnostikası, qəbulu-təhvili,
nizamlanması və CT proseslərində eyni nəzarət-diaqnostika
vasitələri istifadə oluna bilər. Buna görə də avadanlığın seçilməsi,
yerləşdirilməsi üçün istehsalat binalarının, diaqnostika sahələrinin
tipləşdirilmiş texnoloji planlarından, mövcud müasir TXS-in
təcrübəsindən, istehsalçı-zavodların tövsiyələrindən, yaradıcılıqla
istifadə edilməli, istehsalatın təşkili, qəbul edilmiş texnoloji proses
və nəhayət, ərazi sahəsinin verdiyi imkanlar, diaqnostika sahəsində
işçi postların sayı, yerləşmə sxemi (bir-birindən asılı olmayan
paralel və ya asılı olmayan ardıcıl xətt üzrə yerləşmə) nəzərə
alınmalıdır. Diaqnostika avadanlığının yerləşmə planının nümunəsi
ƏLAVƏ-də göstərilir. Kiçik TXS-də ixtisaslaşma səviyyəsi
məhdud olduğundan işçi postların boş qalmaması üçün diaqnostika
avadanlığından kompleks, yəni çox məqsədli istifadə etmək
məqsədəuyğundur. İri TXS-də diaqnostika sahəsində postlarda
diaqnostika üzrə əsas funksiyalar yerinə yetirilir, ancaq nizamlama
işlərini asanlaşdırmaq üçün isə TQ və təmir zonasında da bəzi
analoji avadanlıq yerləşdirilə bilər (məsələn, elektrik avadanlığını
yoxlamaq və nizamlamaq üçün tester, təkərlərin qurulma
bucaqlarını yoxlamaq və nizamlamaq üçün stend və s.).
Diaqnostika avadanlığından istifadə etməklə avtomobillərin
texniki vəziyyəti haqqında düzgün, həqiqi, obyektiv məlumatların
52
toplanaraq ciddi təhlil edilib müvafiq tədbirlərin görülməsi TQ və
təmirin texnoloji prosesini səmərəli təşkil etməyə, maddi və əmək
resurslarını düzgün bölüşdürməyə, bütövlükdə idarə etməni
təkmilləşdirməyə və nəticədə əhəmiyyətli iqtisadi səmərə almağa
imkan verir.
Dostları ilə paylaş: |