5.2. TXS-in BAŞ PLANI
Baş plan sanitar normalar və qaydalar əsasında, həmçinin
avtoservis müəssisələrinin texnoloji layihələndirilməsi normaları
və tələbləri əsasında işlənib hazırlanmışdır. Baş planda əraziyə ən
azı iki yerdən giriş-çıxış darvazası nəzərdə tutulur. Baş planda əsas
istehsalat binası, inzibati bina, nəzarət-buraxılış məntəqəsi, yuma
zonası, yollar, yaşıllıq sahələri göstərilir.
Baş planının əsas göstəriciləri və tikintilərin yerləşmə yerləri
baş plan cizgisində göstərilir.
5.3. BİNANIN KONSTRUKSİYASINA AİD
TÖVSİYƏLƏR
Fundament inşaat və konstruktor araşdırmaları əsasında təyin
edilir. Binanın divarları otaqları xarici temperatur və digər atmosfer
137
təsirlərindən mühafizə edir. Divarlar normal temperatur – rütubət
rejimini təmin etməlidir. Bina daxilində divarlar, zonalar, sexlər və
sahələr arasında arakəsmələr texnoloji prosesin tələblərinə, şöbədə
gedən işlərin yanğın, partlayış təhlükəliliyi nəzərə alınmaqla
müvafiq materiallardan və zəruri qalınlıqda işlənməlidir. Məsələn,
yanğın, partlayış təhlükəliliyi nəzərə alınmaqla "A", "B" və "C"
kateqoriyalı istehsalat proseslərini ayrı otaqlarda yerləşdirdikdə
onları başqa otaqlardan odadavamlılığı ən azı 0,75 saat olan
yanmayan arakəsmələrlə ayırmaq lazımdır. Bunun üçün layihənin
müvafiq bölmələrində verilən göstərişlərə əməl olunmalıdır.
Dam örtüyü inşaat və konstruktor mülahizələrinə görə təyin
olunur.
Pəncərələr otaqları işıqlandırmaq və havasını dəyişdirmək
üçündür. Qapılar otaqlara giriş-çıxışı təmin edir. Binada darvazalar
avtomobillərin binaya sərbəst girib-çıxmasını təmin etməlidir. Qapı
və pəncərələrin materialı, konstruksiyaları inşaat və konstruktor
araşdırmalarına əsasən seçilir.
Döşəmələrin örtüyü, astarı, hidroizolyasiya qatı inşaat və
konstruksiya mülahizələrinə görə təyin edilir və döşəmədən tullantı
suların və digər mayelərin sızmasına imkan verməməlidir. Zona və
sexlərdə döşəmələr tələb olunan mailliyi təmin etməlidir.
Döşəmələrdə trap-yığıcılar yerləşdirilir.
Aşağıdakı döşəmə tipləri tətbiq olunur:
1.
Dayanacaq, avtomobillərin TQ və CT zonaları, istehsalat
şöbələri və bütün anbar otaqları üçün – asfalt-beton, beton və ya
müvafiq inşaat materialı;
2.
Yuma
zonası,
rəngləmə
şöbəsi,
rənghazırlama,
elektrotexniki, qida sistemi cihazlarının təmiri şöbələri üçün –
mozaik və saxsı plitələr;
3.
Akkumulyator şöbəsi üçün – turşuyadavamlı lövhələr;
4.
İstirahət otaqlarında, qarderobda – linoleum və ya başqa
uyğun örtük;
5.
Duş və tualetlərdə – saxsı lövhələr, cilalanmış beton.
Bütün otaqlarda divarlar və arakəsmələr sement məhlulu ilə
işlənməlidir .
Divarların paneli 1,8 m hündürlüyə qədər qlazur lövhələrlə
üzlənməlidir. Divarlar paneldan yuxarı və tavanlar astarlanmalı və
138
rənglənməlidir. Rənglər «İstehsalat otaqlarının və texnoloji
avadanlıqların səmərəli rənglənməsinə dair göstərişlər» üzrə
seçilməlidir. Səthlərə çəkiləcək rəngləri iqlim, otağın texnoloji
təyinatı, iş şəraiti, otağın işıqlanma xarakteri, əmək mühafizəsi və
təhlükəsizlik texnikası tələbləri xüsusiyyətlərini nəzərə almaqla
seçmək lazımdır.
Sanitar normalara uyğun olaraq otaqların döşəmədən tavana
qədər hündürlüyü 3,2 m-dən az olmamalıdır (rənglənmə, qaynaq
işləri aparılan otaqlarda 4,5 m-dən az olmamalıdır), döşəmədən
tavan örtüyündəki konstruksiya elementlərinin çıxıntılarının ən
aşağı nöqtəsinə qədər məsafə 2,6 m-dən az olmamalıdır. Belə
hündürlük işləyənlər üçün zəruri hava həcmini təmin edir. Bu
zaman karbon oksidinin (CO) və yanma məhsullarının, benzin və
su buxarlarının yüksək konsentrasiyasının yanması istisna olunur.
Otaqların sahəsi hesablanarkən nəzərə almaq lazımdır ki, hər
1 işçiyə xüsusi sahə norması 4,5 m
2
-dən az olmamalıdır.
Döşəmələrin örtük materialı hamar, lakin sürüşkən olmamalı,
təmizləmək üçün rahat olmalı, həmin otağın gigiyena və istismar
tələblərinə cavab verməlidir. Qızdırılan otaqlarda və insanların
(işçilərin) öz iş yerlərində uzunmüddətli olması zamanı
döşəmələrin örtüyününün materialı müvafiq istilikudma əmsalına
malik olmalıdır.
Döşəmələrdə suyun axıb getməsi üçün trap-yığıcılar nəzərdə
tutulur. Müvafiq otaqlarda döşəmələri keramik (saxsı) lövhələrdən
və ya mərmər qırıqları ilə qarışdırılmış sementbetondan düzəltmək
tövsiyə olunur. Belə döşəmə gigiyenikdir, asan yığışdırılır və
yuyulur, işığı yaxşı əks etdirir.
Qaz, buxar, istilik, səs-küy, toz ayrılması ilə gedən işlər
(məsələn, akkumulyator batareyalarının doldurulması, rəngləmə və
başqa işlər) başqa otaqlardan səs keçirməyən divarlarla və ya
arakəsmələrlə ayrılan otaqlarda yerinə yetirilir.
Avtomobillərin dayanacaq zonasında avtomobillərin
divarlara toxunmasına imkan verməmək üçün təkərə söykənən
quruluşlar, bordyurlar (köbələr) nəzərdə tutulmalıdır. I kateqoriya
avtomobillər (minik avtomobilləri) üçün bordyurun hündürlüyü
0,15 m az olmamalıdır. Avtomobillər arxa tərəfi ilə divara tərəf
yerləşdirildikdə təkər söykənən hissədən divara qədər məsafə
139
avtomobilin arxa aşırımından (svesindən) 0,3m böyük olmalıdır.
Təkərə söykənən oxşar quruluşlar dalanvari xəndəklərdə də
nəzərdə tutulmalıdır.
Minik avtomobilləri üçün TQ və CT zonasında xəndək tipli
postlarda xəndəyin dərinliyi 1,3...1,4m, eni 0,9…1,1m olmalıdır.
Minik avtomobilləri üçün TQ və CT zonasında iki dayaqlı
elektromexaniki qaldırıcıların bərkidilmə yerləri qaldırıcıların
montaj cizgisinə və montaj təlimatına uyğun təyin olunur.
Diaqnostika zonasında diaqnostika stendinin yerləşdirilməsi
stendin montaj cizgisinə və montaj təlimatına uyğun təyin olunur.
İnşaat və konstruktor işləməsində texnoloji plan cizgisində
diaqnostika postunda göstərilmiş avtomobil-yerin əhatə etdiyi
sahədə dərinliyi ən azı 0,6m, eni və uzunluğu avtomobilin qabarit
ölçülərindən az olmayan yuva-xəndək nəzərdə tutulmalıdır.
Rəngləmə zonasında rəngləmə kamerasının yerləşdirilməsi
kameranın montaj cizgisinə və montaj təlimatına uyğun təyin
olunur. İnşaat və konstruktor işləməsində texnoloji plan cizgisində
rəngləmə postunda göstərilmiş rəngləmə kamerasının əhatə etdiyi
sahədə dərinliyi ən azı 1,0 m, uzunluğu və eni (8 × 4) m-dən az
olmayan yuva-xəndək nəzərdə tutulmalıdır.
Yuma zonasında mexanikləşdirilmiş yuma qurğusunun
yerləşdirilməsi qurğunun montaj cizgisinə və montaj təlimatına
uyğun təyin olunur. İnşaat və konstruktor işləməsində texnoloji
plan cizgisində yuma qurğusunun göstərilmiş avtomobil-yeri əhatə
etdiyi sahədə texnoloji tələblər nəzərdə tutulmalıdır.
Zona, sahə və şöbələrin planları (avadanlıq düzülüşü ilə)
müvafiq cizgilərdə, texnoloji və digər avadanlıqların siyahısı
müvafiq cədvəllərdə verildiyindən stasionar və səyyar avadanlığın
yerləşdirilməsi, onların montaj yerlərinin inşaat və konstruksiya
xüsusiyyətləri avadanlığın montaj cizgisinə və montaj təlimatına
uyğun təyin olunur.
Dostları ilə paylaş: |