151
Rəngləmə işləri aparılan zona məcburi ventilyasiya və
yanğına qarşı vasitələrlə təchiz olunmalıdır. Avtomobilləri, iri
hissələri yerində, xüsusi ventilyasiya olmayan yerlərdə rənglədikdə
sanepidemistansiyanın,
həmkarlar
təşkilatının
texniki
müfəttişliyinin və yanğın nəzarəti orqanının icazəsi olmalıdır.
Bu zaman aşağıdakı şərtləri gözləmək lazımdır:
rəngləmə işləri başqa işlər aparılmayan
vaxtda yerinə
yetirilməlidir;
hava məcburi ümumi mübadiləli ventilyasiya ilə
təmizlənməlidir;
rəngləmədə işçi tənəffüs yollarını qoruyan vasitələrdən
istifadə etməlidir;
partlayışa və yanğına qarşı təhlükəsizlik tədbirləri təmin
olunmalıdır.
Lak-rəng materiallarının sənədində onların
kimyəvi tərkibi
bilinməlidir. Rəngləmə zonasında lak-rəng materiallarının ehtiyatı
növbəlik normadan çox olmamalıdır.
Rəngləmə işləri ilə əlaqəli olan şəxslər qabaqcadan və
periodik tibbi müayinə keçiməlidir. Müstəqil işə onlar ancaq
təlimat keçdikdən sonra buraxıla bilər. Lak-rəng materialları xüsusi
yerli ventilyasiyası olan yerdə hazırlanır. Lak-rəng materialını
ancaq metal qablarda qatışdırmaq və durulaşdırmaq olar.
Döşəməyə dağılmış rəngi və həllediciləri qum və ya taxta yonqarı
ilə örtmək və dərhal yığışdıraraq otaqdan çıxarmaq lazımdır.
Nitrorəngləri və həllediciləri qatışdırdıqda, başqa qaba tökdükdə
gözləri sıçrayan damcılardan qorumaq
üçün qoruyucu eynəklərdən
istifadə olunur. Silgi materialları işlədikdən sonra metal yeşiklərə
yığılır və növbənin sonunda istehsalat otağından çıxarılıb xüsusi
ayrılmış yerlərə qoyulur.
Səthləri pasdan, qaynaq qırıntılarından, köhnə rəngdən
təmizlədikdə, astar (şpatlyevka) çəkilmiş səthləri pardaxladıqda
(cilaladıqda) işçilər klapansız respiratorlardan istifadə etməlidir.
Çiləyici ilə (pulverizatorla) rənglədikdə bütün elementlərin
sazlığını qabaqcadan diqqətlə yoxlamaq lazımdır. Hava verilişini
saxladıqdan sonra şlanqları ayırmaq olar. Rəngləmə zamanı
rəngsaz pulverizatorla
işlədikdə xüsusi geyimdə, respiratorlu,
152
qoruyucu eynəkli olmalıdır. Çiləyicini rənglənən səthə perpendi-
kulyar olmaqla, səthdən 350 mm-dən çox olmayan məsafədə
saxlamaq lazımdır.
Pulverizasiya üsulu ilə rənglədikdə, tərkibində qurğuşun olan
lak-rəng materiallarından istifadə etmək qadağandır.
Xüsusi
hallarda sanitar nəzarət orqanlarından xüsusi icazə alınmalıdır.
Tərkibində dixloretan və metanol olan lak-rəng materialları
ancaq fırça ilə işlənməlidir. Elektrik enerjisi ilə işləyən alətlər
(fırçalar, cilalama alətləri) istifadə olunduqda dielektrik rezin
əlcəklər, rütubətli yerlərdə isə dielektrik rezin qaloşlar geyinmək
lazımdır.
Rəngləmə avadanlığını və rənghazırlama avadanlığını əlvan
metaldan (alüminium, mis, latun-burunc) hazırlanmış alətlə
təmizləmək lazımdır ki, qığılcım yaranmasın. Rəngsaz alətlərinin
dəstəkləri işin sonunda nəm vasitə ilə təmizlənməlidir. Rəngləmə
kameraları hər gün qabaqcadan havası dəyişdirilməklə
təmizlənməlidir. Separatorlar 160 saatdan sonra təmizlənir.
Lak-rəng materialının boşaldığı
boş qablar rəngləmə
otağından ən azı 25 m məsafədə xüsusi ayrılmış meydançada
saxlanmalıdır.
Rəngləmə zonasında siqaret çəkmək, açıq oddan, qızdırılmış
lehimləyicidən və səyyar əl lampalarından istifadə etmək, qida
məhsulları saxlamaq və qida qəbul etmək qadağandır.
Rəngləmə zonasında işi qurtardıqdan sonra elektrik
işlədicilərini şəbəkədən ayırmaq, mexanizm, avadanlıq və alətləri
rəng qalıqlarından təmizləmək;
çiləyiciləri yumaq və silmək,
şlanqları sıxılmış hava ilə üfürmək; iş yerini təmizləmək;
avadanlığı, alətləri, qoruyucu tərtibatları
və xüsusi geyimləri
yığışdırmaq; əlləri ilıq su və sabunla fırça köməyi ilə təmiz yumaq
lazımdır. Bundan sonra duş qəbulu məsləhətdir.
Dostları ilə paylaş: