etdirən müəllif sonradan göstərir ki, «biz, daha geniş
yayılmış və instrumental musiqinin xüsusi bir növü olan
proqramlı musiqinin müəyyənləşdirilməsinin tərəfdarıyıq.
Onun musiqi tərəfi, məzmunun tərkibini, insanın fikri və
emosiyasını təşkil edirsə, qeyri musiqi tərəfi süjeti, ideyanı,
şəkli mənzərəni, hadisəni, konkret portreti göstərir» (121,
s,34-35). Həqiqətən də musiqi sənəti insan həyatında,
məişətində çox mühüm yer tutan və onun gündəlik həyat
tərzini işıqlandıran və onu əyani şəkildə təcəssüm etdirən
qeyri maddi, mənəvi varlığıdır. Bu mənada insan fəaliy
yətinin elə bir sahəsi yoxdur ki, musiqi özünün geniş
tətbiqini orada tapmamış olsun. Bu haqda V.Belyayev yazır
ki, «bəşəriyyətin ümumi tarixi ilə bilavasitə sıx bağlı olub
məzmununda cəmiyyətin təfəkkürünün inkişafını təcəssüm
etdirən və onun inkişaf səviyyəsinə aktiv təsir göstərən
musiqi-insanm yaradıcı fəaliyyətinin bir növüdür... Musiqi
sənətinin yaranma tarixini biz müəyyən edə bilmərik, lakin
onun ilkin inkişaf dövrü olan musiqi folklorunu Yer
kürəsinin ayrı-ayrı xalqlarının, tayfalarının mövcudluğu
nun ilkin mərhələsini, «musiqi tarixi»nin geniş komplek
sini, biz tarixi mərhələ kimi hesab etməliyik» (108, s. 219).
Azərbaycanın musiqi folkloru da xalqımızın qədim
və keçdiyi ilkin inkişaf mərhələnin tarixi gerçəkliyini
öyrənən mənəvi varlıq sistemi kimi xüsusi əhəmiyyət kəsb
edir. Xalqımızın musiqi folklorunun, onun ayrı-ayrı qolla
rının, regional xüsusiyyətlərinin həm musiqişünaslıq, həm
də folklorşünaslıq baxımından öyrənilməsinin çox böyük
əhəmiyyəti var ki, o da özünü mənəvi irsin inkişaf və tarixi
mərhələlərinin araşdırılmasında xüsusi olaraq göstərir.
Musiqi folklorunun rəngarəng janrları arasında hər bir
nəğmənin, rəqsin və s. öz musiqi dili, ritmik və forma
səciyyəsi və bunlardan irəli gələn məzmun, melosemantik
xüsusiyyətləri vardır.
«Azərbaycanın folklor mühiti də estetik sistem kimi
xalqın tarixi-mədəni yolunun öyrənilməsində kompleks
şəkildə ayrı-ayrı elmi sahələri əhatə edən biliklər sisteminin
məcmusundan ibarətdir. Azərbaycan ədəbi-mədəni mühiti
Şərq və Qərb mühitlərinin mərkəzində yerləşib, qeyri-türk,
Şərq kültür çevrələri ilə də təmasda olub. Çeşidli ədəbi
yaradıcılıq istiqamətləri ilə zəngin olan Azərbaycan
ədəbiyyatı, xüsusilə, Azərbaycanın Qərb ədəbi mühitində
daha çox şifahi ənənə üzərində inkişaf etdiyindən əski
ədəbi dəyərləri mühafizəkar şəkildə saxlaya bilmişdir»(54,
s.321). Deyilən fikrə bunu da xüsusi olaraq əlavə edə bilərik
ki, Azərbaycanın Qərb bölgələrinin musiqi folklorunun da
çox zəngin çeşidli janrları, forma və üslub xüsusiyyətləri,
səciyyəvi melodik dil üslubları vardır. Qərb mühitinin
musiqi folklorunun öyrənilməsi xalq yaradıcılığının rənga
rəng çeşidlərini üzə çıxarmaqla yanaşı çoxəsrli təcrübə əsa
sında formalaşmış şifahi ənənəvi janrların formalaşmasını
açmaqla etnik mədəniyyətin fenomenini yaratmış olur.
Folklor prosesinin sistemli şəkildə öyrənilməsi araşdırılan
mühitin etnik mədəniyyətinin bir neçə aspektdən incələn-
məsinə geniş imkan açmış olur. Burada tarixi proses, etnoq
rafiya, filoligiya, musiqi folkloru, ümumi musiqişünaslıq
aspektləri, kulturologiyanm əsas cəhətləri öyrənildiyi üçün
bu sistemli olaraq xalqın sosial-mədəni mühitini, bədii
təfəkkürünün inkişaf arealını, etik və estetik faktorların,
eləcə də folklor düşüncə tərzinin üzə çıxarılmasına geniş
zəmin yaradır. Elmi mahiyyətin dərinləşməsi üçün müasir
metodologiyalardan istifadə edilməklə janrların janrdaxili
və jarlararası atribusiyasmın, musiqi-semantik təhlilin, xalq
yaradıcılığının ümumi, xüsusi və fərdi xarakteristikalarının
müəyyənləşdirilməsində komparativ prinsipin yaradılması
və təsnif olunması xüsusi rol oynayır.
İ.İ.Zemsovskiy folklorda baş vermiş yeni para-
diqmanı (folklorun folklorşünaslıq ilə əvəzlənməsi - G.M.)
sintetik adlandırır. Bu konsepsiyadan irəli gələn nəzəriy
yəni o, şifahi ənənəvi musiqini musiqi-antropologiya nəzə
riyyəsi adlandırır və onun mahiyyətini musiqi mətninə
mədəni-antropoloji baxışda görür. O qeyd edir ki, «sintetik
paradiqma ayrı-ayrı elmi məktəblərin (filologiya, musiqi
şünaslıq, strukturaloji və sosioloji, fiziki-akustik, kibernetik
və tipoloji və s.) müxtəlif ideyalarının tədqiqat təfəkkürünü
genişləndirir» (117, s.28-32). O, musiqi icraçısı olan ifaçını
ön plana çıxarır və mətnlərin oxunuşunda bir növ mətn
mədəniyyətində mövcud qanunauyğunluqların yaratdığı
səbəbiyyətdən doğan musiqi təfəkkürünü irəli çəkir.
Musiqişünas K.Kvitkanm fikrinə görə «yerli ənənə
lərin xalq yaradıcılığının tarixi gerçəkliyinin formalaş
masının öyrənilməsi musiqi folkloru janrlarının inkişaf
prosesində əmələ gəlmə və inkişaf səbəblərini üzə çıxara
bilər». O, hələ bizim dövrdə də, xalq yaradıcılığında öz
həllini tapmamış yerli elementlərin xəritələrinin tərtibinin
vacibliyi məsələsini irəli çəkir. Musiqi folklorunun elm kimi
müstəqil vəzifələrindən birinin yerli mahnı ənənəsinin baş
qalarından fərqli üslub xüsusiyyətlərinin üzə çıxarıl
masında görən K.Kvitka yazır ki, «Məhz musiqişiinas-folk-
loristlər mahnıların, nəğmələrin tipinin və elementlərinin
«yayılma arealını» müəyyən edə bilərlər»(119, s.91). Daha
sonra o, yazır ki, «musiqişünas-folkloristlər özlərinə
məxsus musiqi abidələrini, yəni nəğmələrin not yazılarının
coğrafi yayılma əhatəsini xüsusi diqqətlə üzə çıxarmalı və
onları sistemləşdirməlidirlər» (119, s.98).
Musiqişünasların qarşısında duran əsas vəsifələri
müəyyənləşdirən alim xalq mahnılarının nota köçürülməsi
ilə əsas vəzifənin bitməməsini ön plana çəkir. O, bir daha
göstərir ki, «bu nəğmələrin mövcud formasının, musiqi-
etnoqrafik dərəcələrinin qeydə alınması, onların ifa üslu
bunun xüsusiyyətlərinin, həmçinin xalq məişətində bu
havaların yeri və əhəmiyyətinin üzə çıxarılması əsas
şərtlərdən biridir»(119,s.37).
Azərbaycanın folklor mühitində musiqi folkloru
janrları xalq məişətində geniş, rəngarəng formalarda təmsil
olunmuşdur. Xalqın məişət və mərasim folklorunda elə bir
sahə yoxdur ki, xüsusən də yerli kənd, şəhər folklorunda
musiqi janrları özünü qabarıq şəkildə göstərməmiş olsun.
Azərbaycanın musiqi folklorundan yazan D.Məmməd-
bəyov göstərir ki, «Azərbaycanm musiqi folkloru xalqın
həyatının əsas cəhətlərini özündə əks etdirir. Buradan da
janrların zənginliyi və bədii rəngarəngliyin ifadəliliyi
yaranır. Mahnı yaradıcılığında başqa xalqlara məxsus
Dostları ilə paylaş: |