170
tutmaqla insanlar üzərində faktiki olaraq hakimiyyətə də nail olmaq
olar.
Digər tərəfdən, söhbət məqsədi həqiqi biliyin -
episteme –
artırılması olan açıq mübahisədən gedir. Onun iştirakçıları arasındakı
münasibətlər dialoq formasına malikdir, burada onun bütün
subyektləri müzakirə predmetinin ən yaxşı anlamı naminə əməkdaşlıq
edirlər. Dialoq bu predmetin mümkün izahlarının ən yaxşısının
tapılmasına xidmət edir. Bu halda problemin müzakirəsi iştirakçılar
üçün ümumi dillə ifadə olunan arqumentlərin və kontrarqumentlərin
köməyi ilə baş verməlidir.
Göstərilən mənada indoktrinasiyadan danışmaq o situasiyada
çətindir ki, başqası tərəfindən təlqin olunan insan başa düşür ki, ona
təsir göstərirlər və ya başqalarına təsir göstərən insan bunu onlar üçün
aşkar bir tərzdə edir. Görünür, indoktrinasiya vəziyyəti onu nəzərdə
tutur ki, təsirə məruz qalan kəs təsirə məruz qaldığını dərk etmir.
"Açıq kartlarla" oyun halında da indoktrinasiyadan söhbət gedə
bilməz, hətta əgər oyunçulara hədə və ritorika vasitəsi ilə təsir
göstərildikdə belə.
"Təsir" sözündən istifadəni də həmçinin dəqiqləşdirmək
zəruridir. Nə qədər ki, ölçülüb-biçilmiş və qərəzsiz arqumentlər insanı
öz baxışlarını dəyişdirməyə məcbur edir, biz deyə bilmərik ki, o, "təsir
altındadır". Daha yaxşı olardı ki, biz onun öyrəndiyini və ya müzakirə
olunan predmet barədə daha dərin anlamı əldə etdiyini deyək.
Bu, müzakirə olunan predmetin həqiqi dərkinə nail olmaq üçün
bir-birlərini bərabər olaraq tanıyan iki şəxsiyyət arasında birgə axtarış
zamanı meydana çıxan ünsiyyətdir. Həqiqi dialoqda zəif və ya
sadəlövh həmsöhbətini dilə tutmağa çalışan güclü və ya hiyləgər
həmsöhbət yoxdur. Bu, işin mahiyyətindən çıxış edən, bir-birini və
özünü inandırmaq istəyən iki adamın birgə səyidir. Burada məqsəd –
söhbət predmetinin ən yaxşı bir tərzdə anlaşılmasıdır, həm digər
iştirakçı üçün, həm də özü üçün. Belə bir dialoq qarşılıqlı inkişafdır
52
.
Sokrat dialoqun yalnız misilsiz bir ustası idimi, müstəsna
dərəcədə inandırmaq qabiliyyətinə malik olan bir insan idimi? Bu
suala cavab verərkən etiraf etmək lazımdır ki,Sokrat "inandırmanın"
52
İnandırma ilə dilətutma arasındakı fərq həqiqi və yalançı avtoriteti bir-
birindən mənalı bir tərzdə fərqləndirməyə imkan verir. Həqiqi avtoritetə malik
olan insan predmetin həqiqi anlamına malikdir və açıq müzakirə prosesində
onu rasional bir tərzdə başqasına ötürə bilir. (Güman olunur ki, bütün
iştirakçılar eyni dərəcədə özünüifadə imkanına malikdirlər). Başqalarını
başlıca olaraq ritorik və başqa fəndlərin köməyi ilə dilə tutmağa qabil olan
insan yalnız yalançı avtoritetə malikdir.
171
söz sənəti və arqumentasiya qaydaları üzərində qurulan ritorik
üsullarından da istifadə etmişdir.
Opponentlərin bir-birinə ağıl və idrak baxımından, statusları və
sosial vəziyyətləri baxımından bərabər olmadıqları situasiyalarda azad
diskussiyalar çox çətindir. Şübhəsizdir ki, çox vaxt belə hallar da baş
verir. Elə buna görə də, açıq və ağıllı diskussiyalar üçün şərait
yaratmaq son dərəcə vacibdir. Burada provokasion suallar,
gözlənilməz nümunələr və tipik ritorik üsullar da müəyyən müsbət rol
oynaya bilər. Psixoterapiyada xəstə ilə kontaktın olmadığı və ya
pozulduğu halda onun psixikasına təsir göstərmək üçün bir sıra
medikamentoz və digər təsirli metodlardan istifadə edirlər ki, nəticədə
o, könüllü olaraq həkimlə ünsiyyətə daxil olur. Analoji olaraq
dialoqda rasional "inandırmanın" mümkün olduğu situasiyanı
yaratmaq üçün opponentin "dilə tutulması" ritorik üsulundan da
istifadə oluna bilər.
Beləliklə, açıq və rasional diskussiyalar üçün opponentin dilə
tutulması və başqa manipulyativ üsullardan istifadə etmə ilə həmin
vasitələrdən opponenti susdurmaq və onun üzərində nəzarət etmək
üçün istifadə etmə arasındakı fərqi göstərmək zəruridir.
Amma, kim müəyyənləşdirir ki, kimin başqalarını dilə tutmaq
hüququ və əsası vardır? Xəstə adətən könüllü olaraq o psixatrın yanına
gedir ki, onun professional kompetensiyası şübhə altına alınmır. Siyasi
həyatda işlər bir qədər başqa cürdür, burada çox vaxt konfliktlər kimin
müəllim və kimin şagird olması məsələsi ətrafında yaranır, o məsələ
ətrafında ki, kimin öyrətmə üçün kifayət qədər hazırlığı vardır, kimin
isə - yoxdur. Bir qayda olaraq, insanlar könüllü olaraq razı olmurlar
ki, kimsə onları inandırsın və onların bir o qədər anlamadıqları dəlillər
əsasında onları manipulyasiya etsin. Elə buna görə də, Sokrat antik
Afinada azad və açıq ünsiyyət üçün şərait yaratmağa səy edərkən təbii
olaraq güclü müqavimətlə rastlaşdı və ritorikaya üz tutdu
53
.
53
Sokrat diskussiyalar zamanı ziddiyyətləri və tutqunluqları göstərərək
reallığın onun müsahibləri tərəfindən daşınan mənzərəsini "darmadağın
edirdi". O, göstərirdi ki, onun həmkarlarının sosial və əxlaqi təsəvvürləri
kifayət edəcək dərəcədə əsaslandırılmışdır. Beləliklə, o, özünün bəzi
dinləyicilərinə nəzəri tədqiqatın gözəlliyini açıb göstərmişdir. Digərləri bu
gözəlliyi inkar etmişlər. Bir tərəfdən, ona görə ki, onlar üçün ağrılı olan
mətləblər aşkar edilmişdir. Digər tərəfdən, Afina hökmdarları güman
edirdilər ki, hakim təsəvvürlərin dağıdılması dövlət üçün təhlükəlidir. İnsani
fikirlər əgər hətta hər cür real əsaslandırmadan məhrum olsalar belə
cəmiyyətin fəaliyyəti üçün zəruridir (müasir dillə ifadə olunsa, yarımhəqiqət
və ya ideologiya cəmiyyət üçün zəruri ola bilər).