259
diskussiyaların orta əsr xristian teologiyasında inkişafını və həmçinin
onun müasir vəziyyətini izləyəcəyik.
Bundan
başqa,
nəzəri-hüquqi
sferaya
"həzlərin
hesablanmasının" özünəməxsus təhlili (epikürçülük) və nəzəri-hüquqi
məsələləri hüquqi qərarların nəticələrinin terminləri ilə müzakirə
metodu aiddir. Bundan sonra bu metod utilitarist ənənələrdə (Bentam
və Mill) inkişaf etdiriləcəkdir, utilitarist ənənələr isə sosial idraka
istinad edərək, onu müəyyənləşdirməyə səy edir ki, qanunlar nəzərdə
tutulduğu kimi fəaliyyət göstərirmi.
Antik dövrdə nəzəri-hüquqi sfera həmçinin dövlətlərin artımı,
inkişafı, yetkinlik, tənəzzül və parçalanma dövrləri barədə bioloji
təlimlərinin təsiri altında qurulmuş düşüncələri də çox zaman özündə
ehtiva edirdi. Məsələn, Platon və Aristotel dövlətləri xaosa və
parçalanmaya gətirib çıxaran səbəblər haqqında təlimlər işləyib
hazırlamışdılar. Onlarda biz müxtəlif cəmiyyətlərdə hadisələrin
müşahidəsi ilə hadisələrin gedişini dəyişdirmək üçün yerinə
yetirilməli olan təşəbbüslərin hüquqi və digər normativ tərəflərinin
müəyyən vəhdətini tapırıq.
Xatırlamaq gərəkdir ki, yunanlar sosiumun siyasi və hüquqi
sferaları ilə sıx bağlı idilər. Həmçinin unutmaq lazım deyildir ki, bir
çox aparıcı Roma stoikləri hüquqi sistemin dərin biliyinə malik olan
aktiv dövlət xadimləri idilər (Mark Avreli imperator, Seneka - senator
idi, Siseron müxtəlif dövlət vəzifələri tutmuşdu). Bundan sonra Roma
hüququ Avropa hüquq sistemi üçün oriyentir oldu.
Roma hüququnun inkişafının yüksək səviyyəsi yalnız nəzəri
səbəblərlə deyil, həm də çoxlu müxtəlif etnik və mədəni qrupları
birləşdirən imperiya üçün vahid hüquqi sisteminin yaradılmasının
praktik tələbləri ilə şərtlənmişdir. Son dərəcə müxtəliflikləri özündə
birləşdirən, mədəni birliyə malik olmayan cəmiyyət üçün hər şeyi
əhatə edən hüquqi sistemi işləyib hazırlayarkən abstraksiyanın
səviyyəsini o qədər yüksəltmək və elə ümumi qanunları təqdim etmək
zəruri idi ki, hamı üçün özünəməxsus ümumi məxrəcə nail olmaq
mümkün olsun.
Biz deyə bilərik ki, hüquqşünaslıq professional, normativ
hermenevtikaya (yunanca, hermeneuein – şərh etmək) doğru inkişaf
etmişdir. Başqa cür deyilsə, ayrıca halları ümumi qanunlar və
normalar işığında şərh etmə sənəti yarandı. Ona hazırlıq yalnız yazılı
qanunların (həm də, yaxşı cəmiyyətin necə olması barədə biliklərin)
əldə olunmasını deyil, həm də həmçinin onların köməyi ilə hər bir
yeni halı dərk etməni (onu müəyyən bir qanunun altına gətirməni)
mümkün edən praktik mühakimə qabiliyyətlərinin işlənib
hazırlanmasını özündə ehtiva edirdi. Burada söhbət Aristotelin etikada
260
və siyasətdə nəzərdən keçirdiyi praktik müdriklikdən, yəni hüquqi
halları irsi olaraq əxz edilmiş və siyasi olaraq bəyənilmiş hüquqi
təsəvvürlərin işığında şərh etmək qabiliyyətlərindən gedir.
261
Riyaziyyat
Əqli
inkişafın
Pifaqordan
Platona
kimi
dövrünün
araşdırırılmasının nəticəsində biz görürük ki, fəlsəfə üçün riyazi
təfəkkür tərzi nə qədər də vacibdir. Platon ideyaları və onların
mövcudluğu barədə düşüncələr əsaslandırılmış bir şəkildə əsas riyazi
problemlər üzərində düşüncələr kimi nəzərdən keçirilə bilər. Onların
müzakirəsini bu yunan filosofları başlamışdı, bu müzakirələr Orta
əsrlərdə universaliyalar barədə mübahisədə davam etmişdi və bizim
zəmanədə də bitib tükənmir. Obyektiv biliyin nə olması, ümumi
əhəmiyyətə malik olan nəticənin nə olması, sübutun nə olması barədə
düşüncələr əsas riyazi problemlərlə bilavasitə əlaqəlidir.
Pifaqor kimi yunan riyaziyyatçıları mülahizələrin sübutu
anlayışını işləyib hazırlamaqla, hər şeydən öncə riyaziyyatın prosedur
və operasion tərəflərini inkişaf etdirmişlər. Yəni, riyazi sübut - aşkar
aksiomlardan məntiqi olaraq ümumi əhəmiyyətə malik olan həqiqi
nəticələrin alınmasından ibarətdir. Biz o sistemi aksiomatik-deduktiv
sistem adlandırırıq ki, o, aksiomlardan, nəticə çıxarma qaydalarından
və onların köməyi ilə alınmış mülahizələrdən (teoremlərdən) ibarətdir.
B.e.ə. təxminən 300-cü illərdə İsgəndəriyyədə yaşamış Evklid
bu nəzəri əsasa istinad edərək riyaziyyata dair dərslik yazmışdı, bu
dərslik də öz əhəmiyyətini bizim günlərə qədər saxlamışdır. Bu
dərslikdən Nyuton özünün fizikasında istifadə etmişdir, burada şərh
olunan təfəkkür tərzini isə Dekart və digər filosoflar qədim təfəkkürün
istənilən şəklinin idealı olaraq şərh etmişlər (Arximed haqqında
növbəti paraqrafa nəzər salın).
Fizika və kimya
Yuxarıda göstərilmişdi ki, ilk naturfilosofların inkişaf
etdirdikləri anlayışlar atomların mexanistik nəzəriyyəsinə gətirib
çıxarmışdır (Demokrit, Epikür). Bundan sonra bu nəzəriyyə
Renessans dövründə eksperimental və riyaziyyatdan istifadə edən təbii
elmlərin təşəkkülünə güclü təsir göstərmişdir.
Amma,
atomistik
nəzəriyyə
antik
dövrdə adamların
əksəriyyətinə həddindən artıq spekulyativ görünürdü. O, hər şeydən
öncə, o şeylər barədə bəhs edirdi ki, onları biz hissi olaraq qavraya
bilmirik. Elə buna görə də, o, öz yerini məhz Aristotelin təbiət
anlamına verdi, Aristotelin təbiət anlamının gücü isə onun təsviri
imkanlarında (hislərlə qavranılan təbiətin təsvirində) və həmçinin,
növlərin və ətraf mühitin qarşılıqlı təsirinin ekoloji (təkamülçü olmasa
da) baxışında idi.