288
dərk etdiyinə nail olmaq üçün bir qüvvə kimi başa düşülür.
Ümumiyyətlə
yunanlar
insanın
intellektual
konsepsiyasını
bölüşürdülər (zəka iradə üzərində prioritetə malikdir), Avqustin isə
insanın volyuntarist konsepsiyasını (iradə zəka üzərində prioritetə
malikdir) dəstəkləyir.
Volyuntarist konsepsiyaya uyğun olaraq (və adi xristian
təfəkkürü ilə harmoniya təşkil edərək) Avqustin hisslərin həlledici rol
oynadığını təsdiq edir. O, belə hesab edir ki, bir çox hisslər etik olaraq
əslində daha böyük məna kəsb edir və insan həyatında bir çox
intellektualların düşündüklərindən daha böyük əhəmiyyətə malikdir.
Buna əsaslanaraq, o, stoik ehtirassızlıqla mübahisəyə girişir və təsdiq
edir ki, yaxşı insan (xeyirxah xristian) məhəbbəti və mərhəməti,
həyanı və peşmançılığı hiss etməlidir. Xeyirxah insan Tanrıya və
insanlara qarşı yalnız dostcasına münasibəti ilə deyil, hər şeydən öncə,
qızğın və səmimi məhəbbəti ilə doludur.
İradənin və düzgün əxlaqi seçim barədə məsələnin Avqustin
anlamı onun insan iradəsinin azadlığı, təbii günah və şər probleminə
fəlsəfi-teoloji nöqteyi-nəzəri ilə bağlıdır.
Əvvəlcə Avqustin güman edir ki, o, insana tam iradə azadlığını
şamil edə bilər. İnsanın əməlləri fundamental bir şəkildə onun öz
iradəsindən asılıdır. İnsanlar Tanrını axtarmağa və onun sözünə əməl
etməyə də çalışa bilərlər və onlar Tanrıdan könüllü olaraq üz döndərə,
yəni günah da edə bilərlər. Yalnız azad seçim halında günah barədə
danışmaq mümkündür. Şər, beləliklə, insanın azad iradəsinə, ondan
qeyri-düzgün istifadəyə gətirilib çıxarılır. (Buna əlavə olaraq Avqustin
belə hesab edirdi ki, şərin bəzi növləri "varlığın" və deməli,
neoplatonist mənada "Tanrının" tam yoxluğunu ifadə edir). Başqa
sözlə, insanlar azaddırlar və şəri də yalnız azad bir şəkildə seçərək
günahkar olurlar. Amma insanlar günahı nə üçün azad bir şəkildə
seçirlər? Tanrı adamları nə üçün belə yaratdı ki, onlar öz iradələri
əsasında günah edə bilsinlər?
Bundan sonra Avqustin demək olar ki, diametral əks nöqteyi-
nəzəri dəstəklədi. Yuxarıda xatırlanan mənada iradə azadlığı yalnız ilk
insana, Adəmə şamil edilir. Adəm günah və günahdan özünü saxlama
arasında azad seçimə malik idi. Amma o, azad bir şəkildə günahı
seçdiyi üçün, insani təbiət öz dərinliklərində korlandı və bu, bütün
insanlara aiddir. Adəm istisna olmaqla heç bir insan günahdan yan
keçə bilmir. Seçim və azadlıq daha bir mövcudluq kimi təqdim
olunmur.
Belə ki, bütün insanlar günah etməlidirlər və həqiqətən də
edirlər, onda Avqustin güman edir ki, hər bir kəs əbədi lənətə layiqdir.
Amma Tanrı, öz mərhəməti sayəsində, müəyyən azlığa lənətdən yan
289
keçmək imkanını verir. Belə ki, hər bir kəs günahlıdır, onda seçim
onların xidmətləri və üstünlükləri əsasında deyil, sərbəst olaraq həyata
keçirilir. Nə qədər ki, bizim hamımız öz mahiyyətimiz etibarı ilə eyni
dərəcədə günahlıyıq, onda bu seçim sərbəstdir. Böyük əksəriyyət
lənətlənəcək, sərbəst olaraq seçilən azlıq isə əbədi xoşbəxtliyə
qovuşacaqdır.
Sonra Avqustin təsdiq edir ki, bu proses bütövlükdə Tanrı
tərəfindən əvvəlcədən müəyyənləşdirilmişdir.
Bu, Avqustinin
müqəddərat haqqında təliminin mahiyyətidir. Baş verən hər bir şey
Tanrı tərəfindən qabaqcadan müəyyənləşdirilmişdir.
Bir tərəfdən, Tanrı hər bir şeyi qabaqcadan bilir. Digər
tərəfdən, insanlar azad olaraq fəaliyyət göstərirlər. Bu, ziddiyyət
deyilmi? Avqustin deyir ki, Tanrı azad bir şəkildə həyata keçirilən
insani əməlləri qabaqcadan görür. O, nəzərdə tutur ki, zamanın sanki
iki sistemi vardır. İnsanlar dünyəvi zamanda yaşayırlar. Tanrı isə,
əksinə olaraq, bu zamandan kənardır, belə ki, o, onu dünya ilə birgə
yaratmışdır. Bu nöqteyi-nəzərdən, Tanrı insani əməli qabaqcadan o
mənada bilmir ki, o, dünyaya hesabat sistemindəki zamanın əvvəlki
anından baxır ki, bu əməlin hansı nəticəsi olacaqdır. Tanrı insani
əməli o mənada qabaqcadan bilir ki, o, dünyəvi zamandan kənardır və
onunla yanaşı mövcuddur. Elə buna görə də, Tanrı insani əməli
qabaqcadan görsə də, onu qabaqcadan müəyyənləşdirmir. Eyni ilə
bizim haqqımızda da demək olmaz ki, biz əvvəlki əməlimizi
xatırladığımız zaman onu müəyyənləşdiririk. Tanrı hər şeyi o mənada
qabaqcadan bilir , baş verən hər bir şeyi onun sayəsində görür ki,
Onun Özü dünyəvi zaman xaricindədir. Amma o, hər bir şeyi, elə biz
keçmiş hadisələri xatırladığımız zaman olduğu kimi, az
müəyyənləşdirir.
Bunlar kifayət qədər mürəkkəb təsəvvürlərdir. Bəziləri güman
edəcəklər ki, onlar Avqustinin başqa bir yerdə iradə azadlığı barədə
dediklərinə ziddir. Mümkündür və vurğulamaq lazımdır ki, Avqustin
bu təsəvvürləri maniçilər ilə teoloji mübahisənin gedişində irəli
sürmüşdür, bu mübahisə, görünür ki, başqa şəraitdə olduğundan daha
uzağa getmişdir. Buna baxmayaraq bu təsəvvürlər günah əleyhinə
insanın özünün mübarizə aparmasının bihudəliyinin Avqustin
tərəfindən şəxsən dərk edilməsi ilə bağlı nəzərdən keçirilə bilər. Bu
mübarizədə bütün ümid Tanrının mərhəmətinə verilir.
Xristian mövqeyi baxımından nəzərdən keçirilən qismət
ideyası kifayət qədər problematik görünməli idi
127
. Əgər kimin xilas
127
Onun Kalvin tərəfindən analizi ilə müqayisə edin.