zəka ümumini dərketmə iqtidarındadır.
Realizmin əksi olan istiqamət, iradənin zəka üzərində üstünlüyünü qeyd edən
nominalizm (latınca «nomen» sözündəndir, ad deməkdir) olmuşdur. Bu xəttin tərəfdarları
göstərirdilər ki, ümumi anlayışlar konkret şeylərin adlarını bildirir. Buna görə də onlar
təkcə hadisələrdən kənarda və onlarla yanaşı müstəqil mövcud ola bilməzlər. Ümumi
anlayışları bizim əqlimiz (cismlərə və hadisələrə xas olan ümumi əlamətləri
mücərrədləşdirmək yolu ilə) yaradır. Məsələn, biz ayrı-ayrı adamlara xas olan fərdi
xüsusiyyətlərdən sərf-nəzər etmək və onların hamısı üçün ümumi tərəfləri götürməklə
insan anlayışı əldə edirik.
Beləliklə, nominalistlərə görə universalilər şeylərdən əvvəl yox, onlardan sonra
gəlir. İfrat nominalistlər (məsələn, Rosselini XI-XII əsrlər) hətta sübut edirdilər ki, ümumi
anlayışlar öz mahiyyətinə görə insan səsindən başqa bir şey deyildir. Real mövcud olan
təkcədir, ümumi isə heç insanın əqlində də mövcud olmayan illüziyadır.
Yetkin sxolastika təliminin ən görkəmli nümayəndələrindən biri Akvinah Foma
(1225-1274) olmuşdur. O, orta əsrlərin məşhur teoloqu, filosofu və təbiətşünası Albert
Velikinin (1193-1280) tələbəsi idi. Öz müəllimi kimi Foma da, Aristotelin təliminə
əsaslanmaqla xristian ilahiyyatının əsas prinsiplərini sistemləşdirmişdir. O, Aristotelin
təlimini dünyanın yaradılması haqqında xristian ehkamına və İsa Məsihin
allah-insan olması təliminə uyğunlaşdırmağa cəhd etmişdir. Avqustin və Boesiy kimi
Foma da xristian allahı şəklində ifadə olunan varlığı ali başlanğıc hesab edirdi. O, varlıq
(mövcudluq) ilə mahiyyəti fərqləndirirdi, lakin onları bir-birinə qarşı qoymurdu. Aristotel
kimi o da bunların hər ikisinin ümumi kökə malik olduğunu qeyd edirdi. Fomanın fikrincə
mahiyyət və ya substansiya müstəqil varlığa malikdir. Bundan fərqli olaraq aksiden-
siya (xassə, keyfiyyət) isə yalnız substansiya sayəsində mövcuddur. Buradaiı belə bir
nəticə çıxarırdı ki, substansional və aksidensial formalar bir-birindən fərqlidir. Birinci
foıma sadəcə olaraq şeyin varlığını bildirir. Buna görə o meydana gələrkən biz nəyinsə
yarandığını və məhv olanda isə nəyinsə məhv olduğunu deyirik. .İkinci (aksidensial)
forma isə şeylərin varlığı deyildir, yalnız müəyyən keyfiyyətlərin mənbəyidir. Foma da
Aristotel kimi aktual və potensial vəziyyətləri bir -birindən ayırır və varlığı aktual
vəziyyət hesab edirdi. O qeyd edirdi ki, hər bir şeydə aktuallıq nə qədərdirsə, onun varlığı
da o qədərdir.
Akvinah Fomanın təlimi orta əsrlərdə böyük nüfuz qazanmış,
roma
kilsəsi onu
rəsmi olaraq tanımışdır. Bu təlimin bir çox cəhətləri sonradan XIX əsrdə katolik fəlsəfənin
görkəmli cərəyanı olan neotomizm adı altında bərpa olunmuşdur.
XIII-XIV əsrlərdə nominalizm (Uilyam Okkam, Joann Buridan və Otre- kurlu
Nikolay) daha çox inkişaf etdi. Bu dövrdə varlıq ilə mahiyyəti sıx əlaqəli götürən
aristotelçi ənənələrə yenidən baxılır. Yuxarıda qeyd olunduğu kimi Foma da varlıq ilə
mahi)^əti fərqləndirirdi. Lakin o göstərirdi ki, mahiyyət kateqoriyası varlığa digər
kateqoıiyalardan daha çox yaxındır. Fləm də onun fikrincə mahiyyəti hiss üzvləri deyil,
yalnız ağıl dərk edə bilər. Deməli, burada zəkaya üstün yer verilirdi. Nominalizmde isə
ilahinin hər şeyə qadir qüvvə olması ideyası əsas yeri
48
tutur, yaradılan hər şey allahın iradəsinin nəticəsi hesab edilirdi. Bu məsələdə
nominalistlər Duns Sokratm(1266-1308) təliminə arxalanırdılar. O isə göstərirdi ki, zəka
iradədən asılıdır, allahın iradəsi hər cür varlığın səbəbidir. Allahın yaratmaq istədiyi
müxtəlif mahiyyətlər onun iradəsində mövcuddur. Ondan sonra gələn nominalist
U.Okkam isb mahiyyət anlayışının özünü ləğv etdi. Beləliklə də onun ilahinin ağlında
mövcud olması tezisi rədd olundu. Okkama görə ideya allahın ağlında şeylərin ilk
nümunəsi kimi mövcud deyildir. Əvvəlcə allah öz iradəsi ilə şeyi yaradır, ideyalar isə
sonradan, yəni yaranmış şey haqqında təsəvvür kimi meydana gəlir.
Orta əsrlərin fəlsəfəsi ictimai fikir tarixinə həm də sxolastika adı altında daxil
olmuşdur. Bu anlayış çox vaxt reallıqdan uzaqlaşmaq əlaməti, boş sözçülük kimi işlənir.
Lakin sxolastikanın başlıca xüsusiyyəti budur ki, o özünü şüurlu surətdə ilahiyyata xidmət
edən elm, "ilahi)^atın xidmətçisi" hesab edirdi.
Təxminən XI əsrdən etibarən orta əsrlərin universitetlərində məntiq
problemlərinə maraq artır. O vaxtlar məntiq dialektika adlanırdı və onun əsas
predmetini anlayışlarla əməliyyatlar apannaq təşkil edirdi. Aristotelin "Kateqoriya"
əsərini şərh edən, anlayışları dəqiq müəyyənləşdirməyin sistemini yaradan Boesinin
məntiqə dair əsərləri XI-XIV əsrlərdə fəlsəfənin inkişafına böyük təsir göstərmişdi. Bu
əsərlərin köməyi ilə ilahiyyatçılar etiqadın doğruluğunu məna- landıımağa cəhd
göstərirdilər Lakin xristian ehkamlarını rasionalist əsaslandır- rnaq cəhdi buna gətirib
çıxartdı ki, dialektika əsas fəlsəfi elmlərdən birinə çevrildi. Qeyd edək ki, sxolastlar
tərəfindən anlayışların təhlil edilməsi və dəqiq surətdə bir-birindən fərqləndirilməsi,
ayrı-ayrı təriflərin və defmisiyaların müəyyən edilməsi əhəmiyyətli idi. Bu çox vaxt
böyük həcmli çoxcildlik nəzəri kitabların yaradılması ilə nəticələnirdi. Dialektika
məsələlərinə göstərilən böyük maraq öz ifadəsini orta əsr universitetləri üçün
səciyyəvi olan disputlarda tapırdı (belə mübahisələr kiçik nahar fasiləsi edilməklə
bəzən 10-12 saat davam edirdi).
Orta əsrlərdə həm də təbiətə yeni baxış qərarlaşır. Antik təlimlərdən fərqli
olaraq bu dövrdə təbiətə müstəqil varlıq kimi yanaşılmırdı. İlahi qüvvənin hər şeyə qadir
olması haqqında təlim təbiəti müstəqillikdən məhrum etdi. Belə ki, din iddia edirdi ki,
allah nəinki təkcə təbiəti yaradır, həm də şeylərin təbii gedişi prosesinə qarşı çıxır və onun
əksinə hərəkət edə bilir, yəni möcüzə törədə bilir. Bu cür münasibət yalnız son orta əsrlər
dövründə - XIII əsrdə və xüsusən də XIV əsrdə qismən dəyişilir. Digər tərəfdən təbiət
hadisələri izah edilərkən onlar özü-özlüyündə deyil, yüksək, dini-əxlaqi reallığa yol
göstərən və ondan nəşət tapan simvollar kimi qələmə verilirdi. Orta əsr təbiət
təfəkkürünün bu cür simvolik və alleqorik xarakteri müqəddəs dini kitablar vasitəsilə
təlim edilir, son dərəcə incə və çevik metodlarla təlqin olunurdu. Aydındır ki, bu hal
təbiətin elmi dərk olunmasına az kömək edirdi. Yalnız orta əsrlərin son dövründə
təbiəti müstəqil obyekt kimi öyrənməyə maraq artmışdı. Bu da öz növbəsində
astronomiya, fizika və biologiya elmlərinin inkişafına təkən verdi.
49