monoteist dinlər (iudaizm, xristianlıq və islam) ilə aynimaz əlaqədə baş vermişdir. Öz
mahiyyətinə görə orta əsrlərin fəlsəfəsi teosentrik xarakter daşıyır (teo- allah). Bu o
deməkdir ki, həmin dö^тdə dünyanın və buradakı bütün mövcu- datlarm allah tərəfindən
yaradıldığı fikri əsas yer tutmuşdur.
Xristian təkallahlılığı dini-mifoloji şüura və bütpərəstlik fəlsəfi təfəkkürünə yad
olan iki prinsipə əsaslanırdı. Bir-birilə sıx bağlı olan bu prinsiplər dünyanın yaradılan
olması və vəhy adlanır. Birinci prinsip orta əsrlərin varlıq haqqında təlimlərinin
(ontologiyanm), ikinci prinsip isə bu dövrün idrak nəzəriyyəsinin (qnoseologiyanın)
əsasını təşkil etmişdir. Bütövlükdə orta əsrlərin fəlsəfəsi ilahiyyatdan və kilsədən
(məsciddən) tam asılı olmuşdur. Bu dövrdə kilsə ehkamları təfəkkürün çıxış nöqtəsi və
əsası idi. Hüquqşünashq, təbiətşünaslıq və fəlsəfə elmləri bir qayda olaraq onlara
uyğunlaşdırılırdı.
Din iddia edir ki, allah dünyanı öz iradəsi ilə heç nədən yaratmışdır. Tananın
fövqəladə qüdrəti dünyanın varlığını hər an qoruyub saxlayır və müdafiə edir. Bu cür
dünyagörüşü kreasionizm (yaradılan haqqında təlim deməkdir) adlanır.
Göründüyü kimi dünyanın yaradılan olması ehkamının əsasında təbiət deyil,
fövqəltəbii başlanğıc durur. Əgər antik dövrdə allahlar təbiətə yaxın, onunla qohum
qüvvələr hesab olunurdusa, orta əsrlərdə allah təbiətdən yüksəkdə durur. Belə təsəvvür
edilirdi ki, həmin allah təbiətin insana məlum olmayan tərəfində, yəni
0
biri tərəfində
durur. O, transendent (əlçatmaz mövqedə duran deməkdir) allahdır. Beləliklə orta əsr
təlimlərində yai’adıcı başlanğıc olmaq rolu təbiətdən alınıb (qədim fəlsəfə onda görürdü)
allaha verilir. Bu təlimlər göstərirdi ki, kosmos artıq müstəqil və əbədi varlıq deyildir. ^
Kreasionizmin digər səciyyəvi cəhəti antik fəlsəfəyə xas olan dualizmin (bir
tərəfdə ideya və formaların, digər tərəfdə isə materiyanın) aradan qaldırılmasıdır. Orta
əsrlərdə onun yerini monizm prinsipi tutur. Bu prinsip elan edir ki, yalnız bir mütləq
başlanğıc vardır, o da allahdır, Yerdə qalan hər şey onun tərəfindən yaradılmışdır. Allah
əbədidir, dəyişməzdir, heç nədən asılı deyildir və bütün mövcudluqların mənbəyidir.
Məsələn, xristian filosofu Müqəddəs Av- qustin (354-430-cu illər) göstərirdi ki, allah ən
yüksək varlıq, ali substansiya, ali forma (qeyri-maddi forma) və ali xeyirxahlıq deməkdir.
O, bunu söyləyərkən “Əhd-i ətiqdə (Tövratda) allahın özü haqqında demiş olduğu
aşağıdakı fikrə əsaslanırdı: "Mən ali mövcudluğam". Allahdan fərqli olaraq onun yaratdığı
dünya müstəqil deyildir, çünki başqasının sayəsində mövcuddur. Dünyada olan bütün
şeylərin qeyri-sabitliyi, müvəqqəti və dəyişkən xarakeri buradan irəli gəlir. Xristian allahı
özü-özlüyündə dərk oluna bilməz, Bununla belə müqəddəs Bibliya kitablarında
0
, özünü
insanlar üçün aşkar edir. Buna görə həmin kitabların mətnlərini mənimsəmək allahı başa
düşməyin əsas yoludur. Beləliklə göstərilirdi ki, ilahi varlıq haqqında biliyi yalnız
fövqəltəbii yol ilə (etiqad vasitəsilə) əldə etmək olar.
Kilsə ehkamlanna görə insan ilahi varlığı dərk edə bilməsə də yaradılan dünyanı
müəyyən qədər (əlbəttə, tamamilə yox) anlaya bilər.
46
Bütövlükdə göstərilməlidir ki, orta əsrlərin fəlsəfəsi
xristianlıq vəhyi və antik
fəlsəfi ənənələrin sintezi kimi yaranmışdır. Birinci ənənənin tərəfdarları allahın
şəxsində hər şeydən əvvəl yüksək zəkanı görməyə meyl edirdilər (buna görə də onlar antik
platonçulara yaxın idilər). İkinci ənənə allahın yüksək iradəsini və qüdrətini xüsusi qeyd
edirdi.
2.
Mahiyyət və mövcudluq problemləri.
Nominalizm və realizm
Orta əsrlərin fəlsəfi fikrində varlıq (mövcudluq) ilə mahiyyət (ekzistensiya və
essensiya) bir-birindən ciddi surətdə fərqləndirilirdi. Bu dövrün filosofları hər hansı bir
şeyin dərk olunmasını onun mövcudluğunda, nə olmasında, necə olmasında və
mövcudluq səbəbində görürdülər. Buradan aydındır ki, mövcudluğun və mahiyyətin
aşkar edilməsi diqqət mərkəzində dururdu.
Biz yuxarıda gördük ki, mahiyyət kateqoriyasım hərtərəfli təhlil sdən Aristotel
onunla mövcudluq arasında o qədər də qəti hədd qoymamışdır (hərçənd bu yolda bəzi
cəhdlər etmişdir). Orta əsr fılosofiı Boesiy (480-524-cü illər) isə mahiyyət ilə mövcudlüq
anlayışlarını bir-birindən qəti surətdə ayırırdı. Onun işləyib hazırladığı məntiq problemləri
orta əsr sxolastikasının (məktəb sözündəndir) sonrakı inkişafına güclü təsir göstərmişdir.
Boesiyə görə yalnız allahın äimasında mövcudluq (varlıq) ilə mahiyyət üst-üstə düşür.
Allahdan fərqli olaraq onun yaratdığı şeylər sadə yox, mürəkkəb substansiyalardır. Bu
mürəkkəblik hər şeydən əvvəl bunda ifadə olunur ki, onların varlığı ilə mahiyyəti bir-
birindən fərqlidir. Hər hansı mahiyyətin mövcudluq əldə etməsi üçün o varlıqla
əlaqələnməli, yəni ilahinin iradəsi tərəfindən yaradılmış olmalıdır. Orta əsrlər təliminə
görə şeylərin mahiyyəti onların müəyyənliyində, yəni zəka vasitəsilə dərk olunan
anlayışında ifadə olunur. Şeyin mövcud olduğunu isə biz təcrübə nəticəsində, onunla
birbaşa təmasda müəyyən edirik. Mövcudluq zəkadan deyil, hər şeyə qadir olan qüvvənin
yaradıcı fəaliyyətindən irəli gəlir. Buna görə də mövcudluq bu və ya digər şey haqqında
anlayışa daxil deyildir. Beləliklə, mövcudluq bütün şeylərin yaradılan olması
haqqında kilsə ehkamının mənalandırılması üçün tətbiq olunurdu.
Orta əsrlər fəlsəfəsinin bir çox səciyyəvi xüsusiyyətləri ümumi anlayışların
(universalilərin) təbiətinin izahında realizm ilə nominalızmin əsriər boyu davam edən
mübahisəsində təzahür etmişdir. Orta əsrlərdə "realizm" anlayışı bu günkü mənada
işlədilməmişdir. Realizm dedikdə dünyada mövcud olan ayrı-ayn predmetlərin deyil,
yalnız ümumi anlayışların (universalilərin) əsl reallıq olduğunu qəbul edən təlim
nəzərdə tutulurdu. Həmin təlimə görə universalilər ilahi zəkanın fikri, ideyası kimi
konkret şeylərdən əvvəl mövcuddur. Yalnız bunun sayəsində insanın zəkası şeyin
mahiyyətini dərk edə bilər, çünki bu mahiyyətin özü ümumi anlayışdan başqa bir şey
deyildir. Məsələn, Kenterberiyalı Anselm (1033-1109) göstərirdi ki, dərketmə yalnız zəka
vasitəsilə mümkündür. Təkcə
47