mənfi təsir edir.
Xalq həm də ictimai siyasi sferada həlledici rol oynayır. Bunu hər şeydən əvvəl
onda görmək olar ki, bütün tarixi dövrlərdə hakim dairələr, onların yeritdiyi siyasətə
xalqın münasibətini nəzərə almağa məcbur olmuşlar. Bunun nəticəsidir ki, onlar
zaman-zaman xalqın təzyiqi altında onlara müəyyən güzəştlərə getmişlər. Bu mənada
tarixdə qazanılmış olan hər bir demokratik azadlıq bir çox cəhətdən xalq kütlələrinin
mübarizəsinin nəticəsi hesab edilməlidir.
Xalqın həlledici rolu xüsusən də sosial çevrilişlər baş verdiyi məqamlarda daha
aydın görünür. Həm də nəzərdə tutulmalıdır ki, xalqın bu güclü təsiri həmişə müsbət
planda baş vermir. Burada bəzən mənfi istiqamətli təsir də özünü göstərə bilir.
Xalqın fəal müdaxiləsi olmadan cəmiyyətdə az-çox əsaslı yeniləşmə qeyri-
mümkündür. Digər tərəfdən həmin yeniləşmə və dəyişikliklərin dəyəri və sürəti bir çox
cəhətdən kütlələrin mədəniyyət səviyyəsi və siyasi fəallığı ilə müəyyən olunur.
Tarixdə heç elə əhəmiyyətli sosial-siyasi hadisə yoxdur ki, o, zəhmətkeşlərin
iştirakı olmadan baş versin. Xalqın rəyi çox güclü təsir qüvvəsinə malikdir. Xalqın öz
hüquq və azadlığı uğnında apardığı mübarizə bəşəriyyətin siyasi tarixinin əsas
məzmununu təşkil edir. Bütün sosial inqilabların başlıca hərəkətverici qüvvəsi xalqdır.
Millətin həyatı və azadlığı məsələlərini də xalq həli edir. Məhz o, lazım gəldikdə
əlində silah vətənin müdafiəsinə qalxır. Azərbaycan tarixi buna dair çoxlu nümunələr
verir. Əslində müxtəlif mərhələlərdə yadelli işğalçılara qarşı mübarizəni xalq təşkil
etmişdir.
Tarix sübut edir ki, xalq çoxluq təşkil etməsinə baxmayaraq bəzən yamla və
aldanıla bilir. Məsələn, dünyaya çox böyäik eim və incəsənət korifeyləri vermiş alman
xalqı Hitlerin demaqogiyasının təsiri altına düşərək, onun işğalçı hərəkətlərinə müəyyən
qədər
haqq qazandınmşdı.
Lakin nəzərdə tutulmalıdır ki, xalqı yalnız müvəqqəti,
müəyyən dövr ərzində aldatmaq mümkündür. Gec-tez xalq öz aldanıldığını başa düşür və
bu vəziyyətdən çıxır.
Xalqm sosial həyatda həlledici rolu onu təşkil edən sosial və etniki birlik
formalarının fəaliyyətində özünü göstərir. Doğrudan da belə götüıbkdə
özü-özlüyündə
xalq ümumiləşmiş anlayışdır. Onun tərkibi konkret fəaliyyət göstərən sosial qruplardan,
siniflərdən və millətlərdən ibarətdir. Buna görə də həm keçmişdə, həm də indiki dövrdə
xalqın həlledici rolu onu təşkil edən həmin subyektlərin fəaliyyəti vasitəsilə təzahür edir.
Xalqın daxili subyektləri sırasında isə millət, milli hərəkatlar müstəsna yer tutur. O, tarix
meydanına XIX əsrin son rübündə qədəm qoymuşdur. Həmin dövrdən başlayaraq bu gün
də daxil olmaqla milli hərəkat ictimai inkişafın mühüm amili rolunu oynayır. Onun hansı
dövrdə və harada baş verməsindən asılı olmayaraq xarakteri və m.əzmunu əsas etibarilə
eynidir. Bu o deməkdir ki, milli hərəkat millətin əksəriyyətinin məqsəd və vəzifələrini
yerinə yetirməyə, milli istiqlaliyyət əldə etməyə yönəlir. Məhz milli müstəqilliyin əldə
olunması millətin həqiqi mənafelərinə tam uyğun gəlir. Çünki o, siyasi və iqtisadi
həyatın, mədəniyyətin inkişafı üçün misilsiz imkanlar
açır. Lakin milli hərəkat öz hüdudlarını aşdıqda mənfi, neqativ istiqamət alır: milli
tolerantlığa qarşı çıxır, milli ayrı-seçkilik aşılayır; milli azlıqların hüquqlarını tapdalayır
və bir sözlə, millətçiliyə gətirib çıxarır. Nəticədə milli əlahiddəlik təlqin olunur. Beləliklə,
millətçilik özünün əvvəlki mütərəqqi rolunu itirir və mürtəce istiqamətə yönəlir. O, xalqın
iqtisadi inkişafına və maddi rifahına güclü zərbə vurur, cəmiyyətin mənəvi mühitini
korlayır. Müxtəlif millətlərin (etnosların) nümayəndələrinin təmsil olunduğu
Azərbaycanda çoxmillətli dövlət daxilində milli azlıqların hüquqları qorunur, onların
mədəniyyətinə, dilinə, tarixi ənənələrinə hörmətlə yanaşılır.
Qeyd olunmalıdır ki, ümumən milli hərəkatlar daxilən ziddiyyətli proses kimi
çıxış edir. Bu, onun tərkibinin qeyri-yekcins sosial qüvvələrdən təşkil olunması ilə izah
edilir. Məsələn bu hərəkatda rəhbərliyi ələ alan təbəqələr bəzən özünün təmənnalarını
həyata keçinnək naminə xalqın, millətin ümumi mənafelərini tapdalaya bilirlər.
Nəhayət xalq kütlələri öz həlledici rolunu həm də mənəvi həyat sferasında həyata
keçirir. Doğrudur, mənəvi nemətlərin (elmin, incəsənət nümunələrinin) yaradılması
müəyyən konkret şəxslərin adı ilə bağlıdır. Lakin bu fakt mənəvi mədəniyyətin
inkişafında xalqın böyük rol oynadığını inkar etmir. Hər şeydən əvvəl xalq mənəvi
mədəniyyətin əsasında duran dilin yaradıcısı və qoruyucusudur. İkinci, professional
mədəniyyət və incəsənət özünün qazandığı heyrətamiz nailiyyətlərə görə xalq
yaradıcılığına borcludur. Belə ki, xalq yaradıcılığında əks olunan sonsuz müdriklik,
yüksək mənəvi dəyərlər, heyranedici təsviri sənət nümunələri professional mədəniyyətə
və incəsənətə çox güclü təsiı göstərir. Üçüncü, tarixdə ən böyük elm fədailəri, bədii sənət
korifeyləri, böyük müdriklər xalq ilə ayrılmaz əlaqədə fəaliyyət göstərmişlər. Onların
yaratdığı nadir incilər məhz xalqın arzu və istəyini, tələbat və mənafelərini əks
etdirdiyindən bütün zamanlar üçün ölməzlik, əbədilik statusu almışlar. Xalq mədəni
dəyərləri nəinki təkcə yaradır, həm də qoruyub saxlayır və gələcək nəsillərə ötürür. O,
həm də mənəvi-əxlaqi dəyərlərin, birgəyaşayış normalarının tükənməz xəzinəsidir.
Məsələn, Azərbaycan xalqının mentalitetini ifadə edən cəhətlər (ədalət hissi, böyüyə
hörmət, qadına hörmət, qonaqpərvərlik, halallıq və sair) onun ayrı-ayrı nümayəndələri
tərəfindən yaradılmamışdır. Onlar bütövlükdə xalqın xarakterini ifadə edən mənəvi
keyfiyyətlərdir.
Elmi biliklərin və incəsənətin ilk rüşeymiəri də xalqın adı ilə bağlıdır. Odu və bir
çox dərmən bitkilərini ilk dəfə xalq kəşf etmişdir, incəsənətin tarixi sübut edir ki, xalq
fantaziyası son dərəcədə güclü mifoloji poetik surətlər, heyrətamiz rəqslər, ağac üzərində
naxış sənəti, toxuma, rəssamlıq, memarlıq, səhnə sənəti nümunələri yaratmağa qadirdir.
Dünya miqyasında şairlər və nasirlərin yaratdığı ən böyük obrazlar xalqın kollektiv
yaradıcılığı nümunələrinin ümumiləşdirilməsi və inkişafı məhsuludur.
Mənəvi sərvətlərin yaradılması sahəsində xalq kütlələrinin rolu özünü həm də
aşağıdakı cəhətdə təzahür etdirir: bütün təcrübi elmlər insanların istehsal fəaliyyəti və
tələbatının nəticəsi kimi meydana gəlmişdir. Belə ki, fizika, kimya, geologiya kimi
elmlərin meydana gəlməsi və inkişafı sənayenin tələbatı ilə, bio
428