olar. Nəsr dilinə gəlincə, heç bir ağıllı və istedadlı adam onu
musiqiyə salmaz. Bundan başqa, çox zaman öz ictimai
vəziyyətinə görə sultanlar,
əmirlər və əyanların yanına
buraxılmaq, onlarla danışmaq imkanından məhrum olan adamlar,
öz ehtiyaclarını qəsidə və qitələrdə izhar edərək onları saraya
göndərir və qiraətçilər onları padşahın hüzurunda və əyanların
toplantısında, padşah da, əyanlar da onu dinləyirdilər.
Poetik dil çoxlu üstünlüklərə malikdir, əgər biz burada
onun üstünlüklərini saymaq və şərh etməklə məşğul osaq, onda
əsas məqsəd və vəzifəmizdən uzaqlaşa və yayma bilərik. Burada
mən deyilənlərlə məhdudlaşıb, oxucuların diqqətini mənim
hökmdar Əbu Bəkr Niisrətəddin vəd-Dövlə ibn Məhəmmədə həsr
etdiyim “Toplantıların sevinci” ndə olan şeirlərdə qısaca şərh
olunanlara yönəldirəm.
İncə zövqə və həssas zəkaya malik şair və yazıçılar bu
əsərə baxsalar və onu diqqətlə oxusalar, qoy onlar məni; Nə üçün
müəllif poetik qəlbə, gözəl danışığa və incə zövqə malik ola-ola
bu əsəri şeirlə yazmamışdır? deyə qınamasınlar. Mən bu
münasibətlə öz subut və üzrxahlığımı bildirirəm. Buradaca öz
zamanında mən deyəcəyəm: hamıya məlum olsun ki, tamaha
xidmət edənlər çoxdan bəri poeziya ( fani) müvəqqəti dünya
malına və sərvət mənbəyinə çevirirlər, xüsusilə var-dövlətin
incəsənətdən yüksəkdə tutulduğu, qızıl və gümüşün yüzlərlə
hikmət xəzinəsindən çox sevildiyi bizim günlərdə də bu ən böyük
yolunu azma və qüsurdur. Şeri qızıl və yığım xatirinə şer yazanlar
böyük günah və səfehlik edirlər, çünki, əsl poeziyanm qiyməti
sədəqə və mükafatdan artmaz və onların dəyəri bunlarsız artmaz.
Öz şerləri ilə alver edən şair ona oxşayır ki, bahalı mirvarisi olan
kəs onu ucuz satır, halbuki, ucuz satılan mirvari bundan
pisləşməz.
Axı Yusif peyğəmbəri ( Allah ondan razı olsun) qardaşları
onu lazımsız on dirhəmə satmışlar, amma bu ona görə oldu ki,
Yusif yox, onun qardaşları qüsurlu idilər. Əgər həqiqəti bilmək
istəyirsənsə və gerçəkliyə cəhd edirsənsə, onda bil ki, qiymətli
daş-qaşların biliciləri və qədrini bilənlər, eyni adamlara öz
88
incilərini satmaz. Şair də belə etməlidir. Şair hər kəs üçün şeh
yazmaz. Bu səbəbdən öz qəsidələrimin birində mən deyirəm:
Sən müsəlman deyil, nifrətli bir qulsan,
Çünki öz şeirlərini, arpa çörəyinə satırsan.
Beləliklə, sözün şahlığından uzunömürlü şahlıq yoxdur və
nə qədər ki, kağızın səthində mürəkkəbin qarası qurtarmayıb,
sözün şöhrəti həmişə təzə olacaq və seçilmiş sadə adamlar
arasında sönməz. Rəşid Vatvat demişdir:
Bilirsənmi, Mahmudun qəsrində,
Çox-çox şöhrətli xadimlər.
Hökmlü əmirlər və şahlar,
İgid comərdlər, pəhləvanlar toplaşmışlar,
Və yalnız Unsuri onun əməllərini,
Sönməz nağıllarda bizə çatdırılmışdır.
Böyük xadimlər poeziyaya meyl etmişlər və öz adlarını
əbədiləşdirmək üçün şairlərə şeirlər sifariş vermişlər, belə
demişlər:
“Uzunömürlülük poeziya daxilində mövcuddur”.
Bu səbəbdən “Toplantıların nəşəsi” əsərində mən deyirəm
İndiki və qədim padşahların adlarını,
Yalnız söz daş kitabələrdə saxlayır.
Əməlləri və şöhrəti yalnız söz yaşadır.
Və əsərlərdə adları ədalətlə ucalır.
Mahmud bu yeri çoxdan bəri tərk etsə də
Onsuz da onun adı “ Şahnamə” də yaşayır.
Bu kitabın yazılmasında iltifatına görə mən Naxçıvan
atabəyləri, Eldəniz tayfasının hökmdar və şahzadələrinə təşəkkür
edirəm və mənim yüksək hakimlərimdən bəziləri çox zaman
yüksək enerji sərf etdiklərindən və zehinləri yorulduğundan hesab
edirəm ki, buna görə də nəsr onlar üçün məqbuldur, yəni nəsri tez
mənimsəyirlər. Ona görə də mən, bu kitabın əsasını nəsrlə
qoydum. Mən bu kitabı nəsrlə yazdım və ümiid edirəm ki, onun
adı zamanın səhifələrində qalacaqdır. Əvvəlcə də mən artıq
dünyadan köçmüş və indi yaşayan hökmdarlar üçün nəsr və şeirlə
89
bir neçə kitab yazmışam. Bunlardan öldürülmüş hökmdar Qızıl
Arslana həsr etdiyim şeirlə yazdığım “Sənəm və Əcəm” yenə ona
həsr etdiyim “Əlfıyyə və Şəlfıyyə” yə qarşı etiraz “Mehr və
Müştəri” şeirlə yazılmış “Rahət ər-Ruh” mərhum hökmdar atabəy
Məhəmmədə həsr olunmuş “ Mənur və Mərcan” haqqında dastanı
göstərmək olar. İndi isə mən yeni kitab yaratmaq istəyirəm, orada
Naxçıvan atabəyləri Eldəniz tayfasından olan bütün hökmdar və
şahzadələrin adını incə ifadələr və işarələrlə çəkmək istəyirəm ki,
bu kitab bütün dünyada onlar haqqında xatirə qalsın, yəni kitabın
sonuncu vərəqi qalıncaya qədər oxunsun və onlar haqqında
xeyirxah dualar ağızdan-ağıza keçərək səslənsin. Onlar mənim
xidmətlərimi əvəzini layiqincə verdiyinə və mənə xidmətlərim
üçün minnətdarlıq etdiklərinə görə onların yaxşılığının və
xeyirxahlığının əvəzi olaraq mən bu kitabı yazmağı özümə borc
bildim, mən bunu etdim ki. oxucular bütün zamanlar onları
xeyirxah dualarla xatırlasınlar, onu oxucular hökmdarların
“Süleyman qəsrlərində” oxuyarkən qoy məni də bir hop-hop quşu
kimi xatırlasınlar. Mənim dövlətə xidmətimdə əvvəlki və indiki
ciddi cəhdlərim hamıya məlumdur, mənim şahzadələr tərbiyəsində
və onlara savad və hüsnxətt, ədəbiyyat və elmlər. Quran və
rəvayətlər öyrətməkdəki əməyim və həmçinin niyyətlərimin
təmizliyi, bu evə səmimi məhəbbətimin, həm indi, həm də
gələcəkdə təsvirə, şərhə, izahata və aydınlaşdırmaya ehtiyacı
yoxdur, çünki onların isbatı və əlamətləri gün kimi aydındır. Bizə
xidmətçilərə can başla zəhmət çəkmək və öz işinin ən yaxşı yerinə
yetirmək üçün bütün qüvvələri sərf etmək qalır. Bu məqsədlə
Sanai yaxşı demişdir:
Nemətlər yarat, səxavətli ol. hamıya kömək et.
Əgər ölüm bu işlərini dayandırarsa, günah səndən getmişdir.
Bu mülahizələrə görə mən bu kitabı şeirlər boyunbağısı
kimi təqdim etmək, gücüm yetdiyi qədər öz məramımı onun
yaradılmasına həsr etmək və onun ilhamının imkanı daxilində
bitirməkdir, çünki, incə zövqlü adamlar və müdrik elm xadimləri
daha çox şerə meyillidirlər, lakin mən artıq yuxarıda bundan
imtina etməyimin səbəblərini və öz üzürxahlığımı göstərmişəm.
90
Dostları ilə paylaş: |