298
təmi mikrobioloji xarakter daşımayıb, şərabda gedən tam öyrə-
nilməmiş kimyəvi reaksiyalar, dəmirin artıq olması və oksigen
rejiminin pozulması nəticəsində olur. Məlumdur ki, şərabda siçan
təmi mikrobioloji proseslər nəticəsində yaranmırsa onu
aradan qal-
dırmaq asan olur. Mikroorqanizmlərin həyat fəaliyyəti nəticəsində
yaranan siçan təmi davamlı olmaqla, bəzən belə şərabları istifadə
etmək olmur.
Şərabın acılaşması – qırmızı süfrə şərabları əsasən butulkada
yoluxur.
Törədiciləri acılaşma bakteriyasıdır.
Xarakter əlamətləri – şərab təzə xəstəliyə tutulduqda parlaq-
lığını itirərsə də, şəffaflığını itirmir. Xəstəlik artıqca şərabda get-
gedə acı dad əmələ gəlir, şərab tamamilə öz dadını və rəngini
dəyişir, qırmızı şərablar qəhvəyi rəng alır və rəng verən maddələr
şərab qabının dibinə çökür. Xəstəlik artıqca şərabda xoşagəlməyən
acı dad əmələ gəlir və belə şərab satışa yararsız olur. Acı dad
verən akroleindir.
Profilaktikası – başqa profilaktik tədbirlərlə yanaşı acılaşma
xəstəliyinin qarşısını almaq üçün qırmızı süfrə şərablarını butul-
kalara doldurduqda sterilizə etmək lazımdır.
Müalicəsi – təzə cecədə saxlamaq, yaxud qıcqırtmaq, soyutma
və havanın iştirakı ilə filtrdən keçirtmək, fəal kömürlə işləmək (1
dal-a 10 qram) və sağlam şərabı xəstə şərabla kupaj etməklədir.
Bütün tədbirlər şərabdan akroleinin kənar olunmasına əsaslanır.
Turn və puss. Hazır şərablar, bəzi hallarda qıcqırma zamanı
yoluxur.
Törədiciləri – çöp və sap şəkilli bakteriyalardır.
Xarakter əlamətləri – şərab bulanır, ətri itir, sirkə efirinin iyi
əmələ gəlir, şərabın dadı kəskin surətdə dəyişir: əvvəlcə solğun
olur, xəstəlik artdıqca şərab öz rəngini dəyişir, ağ şərab göyümtül,
qırmızı şərablar isə sarımtıl – qonur rəng alır. Şərab qabının dibinə
qatı selikli qara çöküntü çökür. Şərabda xəstəlik artdıqca o tama-
milə istifadəyə yararsız hala düşür.
Puss xəstəliyində CO
2
çıxması müşahidə olunur, şərab turşusu
və onun duzları propion turşusuna, suya və karbon qazına çevrilir.
299
Profilaktikası. Şərab mannit və süd turşçu qıcqırması xəs-
təliyinə yoluxmaqda olduğu kimidir.
Müalicəsi. Xəstəliyin yalnız başlanğıc mərhələlərində mümkündür.
Pasterizasiya, 1 hektolitr qırmızı süfrə şərabına 5 q sulfid anhidridi, 1 hl
ağ şəraba 10 qr sulfid anhidridi vurmaqla sulfidləşdirmə yapışqanlama
və canlıları tutan filtrdən keçirmək (1 hektolitr=100 lirtdir).
7.18.2. Xəstə şərablarla tanışlıq
Reaktiv
və materiallar
1.
Şərabın xəstəlikləri:
a)
Süd turşu
xəstəliyi;
b)
Sirkə turşu xəstəliyi;
c)
Şərab kifi xəstəliyi;
d)
Şican
təmi xəstəliyi;
e)
Mannit təmi xəstəliyi;
f)
Mannit qıcqırması xəstəliyi;
g)
Yağımsovlaşma.
2.
Müxtəlif mikroorqanizmlərin sınaq şüşələrində nümunə-
ləri:
Qablar və avadanlıqlar.
1.
Əşya və örtücü şüşə;
2.
1 və 2 sm
3
-luk
pipetkalar;
3.
Saat şüşəsi;
4.
50-100 sm
3
-luk kimyəvi stəkanlar;
5.
Mikroskoplar.
İşin gedişi. Xəstə şərab butulkası açılır, onun yuxarı, orta və
aşağı hissəsindən nümunə götürülüb, preparatlar hazırlanır. Sonra
şərab stəkana tökülüb, xarici əlamətlərinə görə analiz olunur:
şəffaflığı, parlaqlığı, rəngi, iyi, dadı. Uçucu turşuların, spirtin və
şəkərin miqdarı təyin olunur.
Nəzarət sınaq şüşəsində mikroorqanizmlərin növ tərkibi
mikroskopla baxılmaqla təyin edilir.
300
7.19. Şərabın doldurulmağa davamlılığının və dayanıq-
lığının öyrənilməsi
7.19.1. Şərabın bulanmalarının tədqiqi
Doldurulmaya və müxtəlif növ bulanmalara davamlı dayanıqlı
şərabların alınması şərabçının çox vacib vəzifələrindəndir.
Şərab özünü çoxkomponentli mühit kimi göstərməklə, bu
sistemin tarazlığı pozulduqda şərab bulanır və özünün əmtəəlik
görkəmini itirir.
Müəyyən olunmuşdur ki, şərabın dayanıqlığını təmin etmək
üçün, əlavə texnoloji işlənmə tələb olunur.
İşləmə üsulları bulanmanın xarakterindən və növündən asılı
olaraq fərqlənir. Şərablarda bulanma törədicilərindən və səbəb-
lərindən asılı olaraq 3 kateqoriyaya bölünür:
1.
Bioloji-şərabda mikroorqanizmlərin inkişafı nəticəsində
törənir;
2.
Biokimyəvi – oksidləşdirici fermentlərin iştirakı ilə
əlaqədar olaraq fermentativ proseslər
nəticəsində meydana gəlir;
3.
Fiziki-kimyəvi – şərabda zülalların, pektin, fenol birləşmə-
ləri, kirəcin, ağır metallar və üzvi turşuların duzlarının artıqlı-
ğından əmələ gəlir.
Bioloji bulanma – mayalar, müxtəlif bakteriyalar (sirkə turşu-
ması, süd turşuması, mannit və başqaları) tərəfindən törədilir. Ən
çox süfrə, turş və kəmşirin şərablar yoluxur. Bəzi bakteriya bulan-
malarına, həmçinin tünd və desert şərablar da yoluxur.
Biokimyəvi bulanma – hava oksigeninin iştirakı ilə fenol maddə-
lərinə oksidləşdirici fermentlərin təsiri nəticəsində əmələ gəlir və
nəticədə şərab qonurlaşır. Ən çox bulanıqlıq yaradan şərablar çürümüş
və pərdəli göbələklərə yoluxmuş üzümdən alınan şərablardır.
Fiziki-kimyəvi bulanma – kristal və kolloid olmaqla 2 yerə
bölünür:
a)
Kristal – şərab turşusunun turş kalium duzu və şərab turşu-
sunun kalium duzu çöküntü verir. Şərabdan bu duzların ayrılması