hrandakı Amerika səfirliyində girovlar haqqında
iş üzrə BMT-nin
Beynəlxalq Məhkəməsinin qərarını göstərmək olar. Bu qərara əsasən
İran diplomatiya hüququnun əsasını təşkil edən normaların, o
cümlədən, ümumi beynəlxalq hüququn digər normalarının pozul-
masına görə təqsirkar hesab olunurdu.
Lakin onu da qeyd etmək istərdik ki, məhkəmələr məhkəmə
qərarlarında qüvvədə olan hüququ dəyişdirə bilməzlər. Məhkəmə
presedentləri xüsusi əhəmiyyət kəsb etsə də, onun mənbə kimi
əhəmiyyətini, məsələn, G.Lauterpaxtın “Beynəlxalq Məhkəmə vasi-
təsilə beynəlxalq hüquq” əsərində olduğu kimi aşırı müəyyən etmək
doğru olmazdı. Fikrimizcə, məhkəmə qərarları diplomatiya hüqu-
qunun dolayı mənbəyi rolunu oynayır.
Bəzi müəlliflər milli məhkəmə orqanlarının qərarlarını da dip-
lomatiya hüququnun mənbələrinə aid edirlər. Milli məhkəmələr
beynəlxalq hüququ normalarının məzmununa öz dövlətinin mövqeyini
ifadə edir. Lakin bir çox dövlətlərdə bu mövqe
üst- üstə düşdükdə yeni
adət normalarının formalaşması özünü büruzə verir.
Beynəlxalq hüquqşünasların doktrinaları da
diplomatiya hü-
ququnda normayaratmanın formalaşmasında mühüm rol oynayır.
Beləliklə, müasir diplomatiya hüququnun normaları dəyişməz
deyil, onlar getdikcə dövlətlərin diplomatik münasibətlərinə aid olan
daha geniş məsələləri əhatə edir və onların hüququn mənbəyi kimi
rolu getdikcə artmaqdadır.
Hal-hazırda Azərbaycan Respublikası Diplomatik əlaqələr
haqqında 1961-ci il Vyana Konvensiyasının, Konsul münasibətləri
haqqında 1963-cü il Vyana Konvensiyasının, BMT-nin immunitet və
imtiyazları haqqında 1946-cı il Konvensiyasının, Beynəlxalq
müdafiədən istifadə edən şəxslərə, o cümlədən diplomatik agentlərə
qarşı cinayətlərin qarşısının alınması və cəzalandırılması haqqında
1973-cü il Konvensiyasının iştirakçısıdır.
Bunlarla yanaşı, Azərbaycan Respublikasının 1961-ci il Dip-
lomatik əlaqələr haqqında Vyana Konvensiyasına qəbul edilmiş iki
fakultativ protokola da qoşulması məqsədəuyğun olardı.
Diplomatik missiyanın üzvləri və onların ailə üzvləri
tərəfindən yerləşmə dövlətinin vətəndaşlığının
qəbul edilməsinin
yolverilməzliyi haqqında birinci fakultativ protokolun mühüm
əhəmiyyəti vardır. Belə ki, xaricdəki diplomatik xidmət xidmət müd-
dəti bitdikdən sonra yerləşmə dövlətində qalmaq hallarına səbəb ol-
mamalıdır.
İkinci fakultativ protokol Azərbaycana konvensiyanın müd-
dəalarının tətbiqi və şərhi üzrə yarana biləcək mübahisələrin
Beynəlxalq Məhkəmə tərəfindən həllinin beynəlxalq hüquqi prose-
durlarından istifadə etmək imkanı verə bilər.
Qeyd edək ki, 1963-cü il Konsul əlaqələri haqqında Vyana
Konvensiyası ilə də eyni məzmunlu iki fakultativ protokol qəbul
edilmişdir. Respublikamızın bu protokolları da ona qoşulmaq
məqsədilə nəzərdən keçirməsi məqsədəmüvafiq olardı.
Məlum olduğu kimi, Azərbaycan Respublikası beynəlxalq
aləmdə təkcə öz diplomatik və konsul nümayəndəlikləri vasitəsilə
deyil, həmçinin beynəlxalq təşkilatlardakı daimi nümayəndəlikləri,
bu və ya digər dövlətə göndərdiyi xüsusi missiyaları vasitəsilə də
təmsil olunur. Bunu nəzərə alaraq,
fikrimizcə, Azərbaycan Respub-
likasının Xüsusi missiyalar haqqında 1969-cu il Konvensiyasına və
Universal xarakterli beynəlxalq təşkilatlara münasibətdə dövlətlərin
nümayəndəliyi haqqında 1975-ci il Vyana Konvensiyasına qoşulmaq
məsələsi ilə əlaqədar müzakirələr keçirməsi zərurəti də artıq yaran-
mışdır.
Onu da qeyd edək ki, Azərbaycan Respublikası bu və ya digər
beynəlxalq müqavilənin iştirakçısı olmasa belə, onun normalarını
adət norması şəklində tətbiq edə bilər.
2.3. Dövlətdaxili qanunvericilik və xarici əlaqələr hüququ
Dövlətdaxili qanunvericiliyin diplomatiya hüququ sahəsində
hüququn mənbəyini təşkil edib-etməməsi məsələsi birmənalı həll ol-
unan məsələ deyildir. Beynəlxalq hüquqşünaslar X.Tripel, Q.Kelzen
hesab edirdilər ki, bu iki sistemin qarşılıqlı əlaqəsi ilk öncə onların
hər birinin müstəqilliyinə əsaslanmışdır. Bundan əlavə, Q.Kelzen
qeyd edirdi ki, müasir hüquq sistemində beynəlxalq hüquq eynilə
daxili hüquqda konstitusiyanın qanunlara münasibətdə aliliyi kimi
dövlətlərin hüquqlarına münasibətdə daha
yüksək səviyyəni təşkil
edir.
Əgər hələ XIX əsrdə beynəlxalq hüquqa münasibətdə
dövlətdaxili hüququn primatlığına aid nəzəriyyələr mövcud idisə də,
artıq XX əsrdə beynəlxalq hüquq normalarının milli hüquq üzərində
primatlığı heç bir şübhə doğurmur və hüquqşünas-alimlərin
56
57
əksəriyyəti bu konsepsiyanı qəbul edir. Müasir dünyada “beynəlxalq
və milli normativ sistemlərin qarşılıqlı əlaqəsi fəallaşmışdır. Bu
zaman birincinin ikinciyə təsiri güclənməkdədir”
1
- deyə İ.İ.Lukaşuk
xüsusi qeyd edir.
normalara münasibətdə yardımçı rol oynamalıdır. Məsələn, bir çox
hallarda beynəlxalq hüquq normaları milli qanunlara hörmət
edilməsini birbaşa nəzərdə tutur. Belə ki, 1961-ci il Diplomatik
əlaqələr haqqında Vyana Konvensiyasında (maddə 41); Xüsusi mis-
siyalar haqqında 1969-cu il Konvensiyasında (maddə 47); Universal
xarakterli beynəlxalq təşkilatlara münasibətdə dövlətlərin
nümayəndəlikləri haqqında 1975-ci il Vyana Konvensiyasında
(maddə 77) deyilir ki, imtiyazlardan istifadə edən şəxslər “yerləşmə
dövlətinin qanun və qaydalarına hörmət etməlidirlər”.
Bu konsepsiya aşağıdakı faktorlarla şərtlənmişdir; birincisi,
dünyada
baş verən sosial-iqtisadi, ictimai-siyasi proseslərin güclü
inteqrasiyası; ikincisi, ümumi insani dəyərlərin üstünlüyünün təsdiq
olunması; üçüncüsü, beynəlxalq təşkilatların rolunun artması;
dördüncüsü, bəşəriyyət qarşısında duran problemlərin qloballaşması
və s.
Digər hallarda beynəlxalq hüquq normaları dövlətdaxili qa-
nunlara birbaşa istinad edir. Məsələn, Diplomatik əlaqələr haqqında
1961-ci il Vyana konvensiyasının 36-cı maddəsi gömrük im-
tiyazlarının müəyyən edilməsində yerləşmə dövlətinin milli qanun-
vericiliyini əsas götürür.
Bir çox hüquqşünas-alimlər qeyd edirlər ki, xarici əlaqələr
hüququnun birbaşa mənbələri olmasa da, milli hüquq normaları onun
inkişafına böyük təsir göstərir. Fikrimizcə, İ. Blişenko və V. Dur-
denevski doğru mövqedə duraraq dövlətdaxili qanunvericiliyi dolayı
da olsa, diplomatiya hüququnun mənbələri sırasına
aid edirlər
2
. Lakin
fikrimizcə, bu halda “dolayı” deyil, “yardımcı” mənbə anlayışından
istifadə etmək daha düzgün olardı və bu, xarici əlaqələr hüququnda
dövlətdaxili aktların rolunu daha dəqiq əks edərdi.
Ümumiyyətlə, isə xarici əlaqələrin həyata keçirilməsinin bütün
aparatı hər bir dövlət tərəfindən müstəqil yaradılır. Lakin bu aparat öz
funksiyalarını əsasən beynəlxalq hüquq normaları əsasında reallaş-
dırır, baxmayaraq ki, bəzi hallarda artıq yuxarıda da qeyd etdiyimiz
kimi dövlətdaxili qanunvericiliyə istinad olunur.
Xarici əlaqələr sferasının hüquqi tənzimlənməsində beynəlxalq
hüququn milli qanunvericiliklə qarşılıqlı bağlılığı bu sahənin spesifik
xüsusiyyətlərindən biridir.
Onu da qeyd edək ki, diplomatiya hüququ sahəsində
dövlətdaxili normativ hüquqi aktları xarici əlaqələr
sahəsində ümumi
xarakterli dövlətdaxili aktlarla qarışdırmaq olmaz, belə ki, xarici
əlaqələr diplomatik münasibətlərdən başqa, iqtisadi, hüquqi, ticarət,
elmi və digər növ əlaqələri də özündə birləşdirir. Diplomatik sfera isə
dövlətlər arasında siyasi, rəsmi əlaqələrlə dəqiq müəyyən olunur.
Dövlətin xarici əlaqələrinin inkişafı bu sferanı beynəlxalq hü-
ququn müvafiq prinsip və normalarına uyğun olaraq tənzimləyən
dövlətdaxili normaların yaradılmasına səbəb olur. Bu normalar
dövlətin xarici əlaqə orqanlarının, onların əməkdaşlarının hüquq və
vəzifələrini müəyyən etməklə yanaşı, digər tərəfdən dövlətə akkreditə
olunmuş xarici diplomatik nümayəndəlik və konsulluqlar tərəfindən
öz funksiyalarını həyata keçirə bilmələri üçün müvafiq rejimi və
şəraiti də müəyyən edir.
Müxtəlif dövlətlərin qanunvericiliklərində mövcud olan
fərqlərə baxmayaraq, onların beynəlxalq ünsiyyətdə iştirakının
ümumi faktı ilə əlaqədar olaraq, o cümlədən, bu ünsiyyətin hamı
üçün məcburi olan prinsip və normaları ilə əlaqədar
olaraq müəyyən
ümumi xüsusiyyətləri mövcuddur. Qanunlar, həmçinin, məzmununa
görə əgər bir neçə dövlətdə üst-üstə düşürsə, onlar beynəlxalq adəti
təsdiq edir və genişləndirir, bəzi hallarda isə birbaşa olaraq onun
yaranmasına səbəb olur.
İstənilən dövlət beynəlxalq hüququn subyekti kimi öz dip-
lomatik fəaliyyət sferasının hüquqi tənzimlənməsində maraqlıdır. Bu
zaman dövlətdaxili və beynəlxalq normalar bir-birinə zidd olmamalı,
öz aralarında uzlaşmalı və həmçinin dövlətdaxili normalar beynəlxalq
59
Ümumiyyətlə, bu sahədə mövcud prinsip və normaların bütün
qrupunu şərti olaraq dövlətin xarici əlaqə orqanlarının təşkili, statusu
və funksiyalarını müəyyən edən prinsip və normalara və dövlətin
xarici əlaqə orqanlarının əməkdaşlarının
hüquq və vəzifələrini
müəyyən edən prinsip və normalara bölmək olar. Bir sıra ölkələrdə
1
Лукашук И.И. Нормы международного права в международной
нормативной системе. М.: Спарк, 1997, с. 13
2
Блищенко И.П., Дурденевский В.Н. Дипломатическое и консуль-
ское право. М.: ИМО, 1962, с. 18
58