410
rakterli təzyiqlərin edilməsi (buraya psixoloji müharibə, müxtəlif
dövlətlərin diplomatik nümayəndələrinin “persona non-qrata” elan
edilməsi, kütləvi deportasiya siyasətinin həyata keçirilməsi və s.
hallar aid edilir) bu kimi mənfi tendensiyalara daxildir. Məsələyə
məhz bu baxımdan yanaşdıqda tərəddüdsüz qeyd etmək olar ki,
Ermənistan-Azərbaycan, Dağlıq Qarabağ münaqişəsi də bölgənin
inkişafına, uzunmüddətli sabitliyə mane olan dağıdıcı faktorlardan
biridir. Ona görə də, bu problemin həlli beynəlxalq təhlükəsizliyin,
hətta qlobal güclərin milli maraqlarının diktə etdiyi zərurətdir.
Bu baxımdan, Ermənistan-Azərbaycan, Dağlıq Qarabağ müna-
qişəsinin spesifikasını və mahiyyətini aşkar etmək və münaqişənin
dinamikası ilə bağlı proqnozlar vermək üçün bir-biri ilə əlaqəli
olan bir neçə məsələyə nəzər yetirmək lazımdır. İndiyədək müna-
qişənin tarixi aspektləri, dinamikası ilə bağlı bir sıra araşdırmalar
aparılıb və müxtəlif səciyyəli materiallar ortaya çıxarılıb. Başqa
sözlə, münaqişənin yaranma tarixi, dinamikası və problem çərçivə-
sində aparılan danışıqlar, irəli sürülən həll modelləri ilə bağlı çox-
saylı informasiya və materiallar mövcuddur. O səbəbdən məqsədə-
müvafiq hesab etdik ki, münaqişənin dinamikası ilə bağlı məsələ-
lərə analitik yanaşmaya istinad edək və analitik təhlilə müvafiq su-
rətdə gəldiyimiz nəticələr əsasında proqnozlar ifadə edək.
Beləliklə, Ermənistan-Azərbaycan, Dağlıq Qarabağ münaqişə-
sinin spesifikası və mahiyyətinə müvafiq surətdə analitik təhlil
aparmaq üçün bir sıra məsələlərə (münaqişənin tarixi təşəkkülü,
onun siyasi-hüquqi və beynəlxalq aspektləri və bu kontekstdə
Azərbaycanın xarici siyasət strategiyası) kompleks surətdə nəzər
yetirmək lazımdır.
Beləliklə, Azərbaycan Respublikası müstəqillik əldə etdikdən
sonra ölkəmizin qarşısında duran başlıca məsələlərdən biri də Qa-
rabağ problemi idi. Bu problemin xüsusiyyətləri araşdırılarkən, ilk
növbədə, onu nəzərə almaq lazımdır ki, problemin kökləri
dərinlərə gedib çıxır və onun yaranmasını müstəqillik dövrü ilə
bağlamaq doğru olmaz. 1922-ci il-SSRİ-nin yaranması tarixi
Azərbaycanın ərazi bütövlüyünün real təhlükələrlə üzləşdiyi bir
411
mərhələdir. Bu təhlükə Rusiyanın imperialist siyasəti və erməni
şovinist-təcavüzkarlıq niyyətlərinin əcaib bir formada uzlaşmasın-
dan irəli gəlirdi.
Rus imperializminin maraqları digər sərhədlərinə nisbətən da-
ha şəffaf olan cənub sərhədlərinin möhkəmləndirilməsini tələb
edirdi. Zaqafqaziya etnik tərkibinə görə çox qarışıq bir region ol-
maqla bərabər, həm də yerli əhali Rusiyadan daha çox İran və Tür-
kiyə ilə əlaqələrə meyilli idi. Bu meyillər özünü həmin vaxtlar Za-
qafqaziyada əhalinin sayına və ərazisinə görə mütləq üstünlük təş-
kil edən Azərbaycanda daha çox büruzə verirdi. Buna görə də, im-
periya cənub sərhədlərinin möhkəmləndirilməsi üçün bu regionda
daha yaxın olan etnosun hakimliyini təmin etməkdə maraqlı idi.
Belə bir etnosun tanınması böyük bir çətinlik törətmədi. Hələ I
Pyotrun dövründən rus maraqlarına xidmət etmək istəyində bulu-
nan və bu xidmət nəticəsində öz maraqlarını da təmin edən ermə-
nilər SSRİ imperiyası üçün hazır tapıntı idi. Məhz buna görə də,
Zaqafqaziyada erməni nüfuzunun qaldırılması məqsədilə hələ Çar
Rusiyasının dövründən aparılan siyasət SSRİ dövründə də davam
etdirilərək daha da dərinləşdirildi. Bu isə qanunauyğun idi. Belə ki,
dinamik və statik səciyyəli maraqlar dəyişməmişdisə, siyasi kursu
da dəyişməyə ehtiyac yox idi. Digər tərəfdən, I Dünya müharibə-
sində məğlub olmuş Türkiyənin daxili problemlər girdabında ol-
ması, İranın lokal siyasəti qlobal siyasətə qurban verməsi, sosialist
inqilabı nəticəsində rus-erməni şovinizminə layiqli müqavimət
göstərən bəylərin, xanların, digər güclü və imkanlı şəxslərin kütlə-
vi surətdə məhv edilməsi Azərbaycanın erməniləşdirilməsi siyasə-
tinə geniş meydan açmış oldu. Erməni tərəfdən isə bu siyasət və-
tənsiz, yurdsuz insanların (qaçqınların) yerli xalq kimi təsdiq olu-
naraq respublika yaratmaq istəyi ilə müşayiət olunurdu.
Məhz bu rus-erməni şovinizminin nəticəsi idi ki, SSRİ-nin ya-
ranmasından çox keçməmiş Azərbaycanın qərb əyalətlərinin bö-
yük bir hissəsi Azərbaycandan qoparılaraq Ermənistan respublika-
sına verildi. Bu aqibətdən təkcə Naxçıvan qurtula bildi ki, bu da
Rusiya ilə Türkiyə arasında imzalanmış “Kars” müqaviləsinin sa-
412
yəsində oldu. Bu cür qoparmalar ona gətirib çıxardı ki, artıq 1940-
cı ilə Azərbaycanın ADR dövründə mövcud olmuş 118 min kvad-
rat kilometr ərazisi 86,6 min kvadrat kilometrədək kiçildi.
Qoparmalar arasındakı müddətdə isə bu cür ayrılmalara faktiki
zəmin yaratmaq məqsədilə azərbaycanlıların sistemli şəkildə hə-
min ərazilərdən hansı yolla olursa olsun sıxışdırılıb, çıxarılması və
ermənilərin məskunlaşdırılması kimi çirkin siyasət aparıldı. Bu ha-
disələrin ən iyrənc tərəflərindən biri də o idi ki, bu əməliyyatlarda
Azərbaycanın o zamankı rəhbərliyi də yaxından iştirak edirdi.
Yuxarıda qeyd etdiyimiz kimi, bu şovinist siyasətin nəticəsində
Azərbaycanın qərb əraziləri tamamilə Ermənistanın ərazisinə daxil
edildi. Qarabağın dağlıq hissəsində isə gələcək qoparmalara hazır-
lıq kimi qondarma “Dağlıq Qarabağ Muxtar Vilayəti” yaradıldı.
Sonra da siyasi vəziyyətin nisbətən dəyişməsi Qarabağın tamamilə
Azərbaycandan ayrılması məsələsini təxirə salmış oldu. Halbuki
30-50-ci illərdə Ermənistan tərəfindən buna bir neçə dəfə cəhd
edilmişdi. Bunun əvəzində Dağlıq Qarabağdan türk mənşəli tarixi
adlarının qondarma erməni mənşəli adlarla əvəz olunmasının küt-
ləvi hal alması 1988-ci ildən sonrakı hadisələrə ciddi hazırlıq get-
diyindən xəbər verirdi.
1985-ci ildə SSRİ-də hakimiyyət kürsüsünə M.S.Qorbaçovun
keçməsi ilə imperiyadaxili atmosfer tamamilə dəyişmiş oldu.
SSRİ-nin dağıdılması məqsədini güdən siyasətin nəticəsi olaraq
imperiyanın bir çox regionlarında olduğu kimi, Qafqazarxası res-
publikaların da həyatında siyasi canlanma müşahidə olunmağa
başlandı. Bundan çəkinən imperiya rəhbərliyi münaqişə ocaqları
yaradaraq siyasi diqqətin digər məsələlərə yönəldilməsinə imkan
verməmək məqsədini həyata keçirdi. Məhz bunun üçün Azərbay-
cana qarşı sınanmış üsula əl atan Rusiya Ermənistana məlum məq-
səd uğrunda fəaliyyətə başlamaq razılığını verdi. 1987-ci ilin son-
larında Ermənistandan azərbaycanlı əhalinin kütləvi surətdə zora-
kılıqla qovulması baş verəcək gələcək hadisələrin ilk carçısı oldu.
Ermənistan ərazisində türk mənşəli əhalinin qovulmasından sonra
strateji planın əsas hissəsinə keçildi. Dağlıq Qarabağdan guya yerli
Dostları ilə paylaş: |