419
şənin həllində hər bir mərhələ beynəlxalq təminatla müşayiət olun-
malıdır. Yəni bəyannamədə Dağlıq Qarabağ münaqişəsinin mərhə-
lə-mərhələ nizamlanması prinsipi əsas tutulur. Bu da, Prezident İl-
ham Əliyevin bildirdiyi kimi, Azərbaycanın mövqeyini tam adek-
vat şəkildə əks etdirir: “Bizim mövqeyimiz münaqişənin mərhə-
ləli şəkildə həll edilməsindən yanadır. Ermənistan isə münaqi-
şənin paket formasında həll edilməsi tərəfdarı kimi çıxış edir-
di...”
Bununla yanaşı, Rusiyanın vasitəçiliyi ilə 24 iyun 2011-ci il ta-
rixində Kazanda Azərbaycan, Rusiya və Ermənistan prezidentləri
arasında baş tutmuş üçtərəfli görüşə də analitik surətdə toxunmaq
məqsədəmüvafiqdir. Görüşdən öncə bir çox ekspertlər tərəflərin
potensialını əsas tutaraq müxtəlif təhlillər aparır və mümkün proq-
nozlar ifadə edirdilər. Yekdilliklə bidirilirdi ki, Azərbaycan rasio-
nal diplomatiyası və praqmatik xarici siyasət strategiyası ilə Kazan
görüşünə üstün şəkildə yollanan tərəfdir. Çünki həyata keçirilən
xarici siyasət strategiyası ölkəmizin regional və qlobal miqyasda
mövqeyini mütəmadi surətdə möhkəmləndirməklə yanaşı, Dağlıq
Qarabağ münaqişəsinin həlli istiqamətində aparılan danışıqlar pro-
sesinin olduqca intensivləşməsinə təkan verib. Münaqişə tərəfi ki-
mi Azərbaycan problemin beynəlxalq hüquq normaları əsasında
həll edilməsi üçün fundamental diplomatik səylər göstərməklə ye-
kun nəticənin əldə edilməsi – ərazi bütövlüyünün bərpa olunması
istiqamətində ardıcıl və sistematik xarakterli fəaliyyətini davam et-
dirməkdədir. Bu isə onun göstəricisidir ki, tərəflər Kazan görüşünə
Azərbaycanın aktiv diplomatiyası sayəsində intensivləşən danışıq-
ların fonunda gedirdi.
Kazanda Azərbaycan Respublikasının Prezidenti İlham Əliyev,
Ermənistan Respublikasının Prezidenti Serj Sarkisyan və Rusiya
Federasiyasının Prezidenti Dmitri Medvedev Ermənistan-Azərbay-
can, Dağlıq Qarabağ münaqişəsinin tənzimlənməsinə dair danışıq-
ların yekunlarına əsasən birgə bəyanat qəbul etdilər. Bəyanatda əks
olunmuşdur: “2011-ci il iyunun 24-də Azərbaycan, Ermənistan və
Rusiya Federasiyasının prezidentləri Kazanda görüşmüş və onların
420
tapşırığına əsasən, Dağlıq Qarabağ münaqişəsinin tənzimlənməsi-
nin Əsas Prinsipləri layihəsinin razılaşdırılması məqsədilə aparılan
işin gedişini nəzərdən keçirmişlər.
Dövlət başçıları bir sıra məsələlərə dair qarşılıqlı anlaşma əldə
edilməsini, bu məsələlərin həllinin Əsas Prinsiplərin bəyənilməsi
üçün şərait yaradılmasına kömək etdiyini bildirmişlər. Azərbaycan
və Ermənistan prezidentləri ATƏT-in Minsk qrupunun həmsədr
ölkələri kimi Rusiya, ABŞ və Fransa liderlərinin Dağlıq Qarabağ
münaqişəsinin tənzimlənməsi probleminə daimi diqqətinə görə on-
lara minnətdarlıq bildirmiş və Rusiya Federasiyası Prezidentinin
razılaşma əldə edilməsinə kömək üçün göstərdiyi şəxsi səylərini
yüksək qiymətləndirmişlər”.
Görüş çərçivəsində yekun nəticə əldə edilməsə də, Azərbaycan
öz prinsipial mövqeyini davam etdirərək qətiyyət nümayiş etdirdi.
Rəsmi Bakı ölkəmizin ərazi bütövlüyü prinsipini əsas tutaraq işğal
edilmiş Azərbaycan torpaqlarının geri qaytarılması tələbi ilə çıxış
etdi. Bu, bir daha onu göstərdi ki, Azərbaycan prinsipial mövqeyi-
ni davam etdirərək öz ərazi bütövlüyünün bərpa edilməsi yönündə
aktiv diplomatik səylərini davam etdirməkdədir.
Digər tərəfdən, Kazan görüşünün fonunda bir daha aşkar olun-
du ki, Ermənistanın qeyri-konstruktiv mövqeyi münaqişənin bey-
nəlxalq hüquq normalarına əsasən həll edilməsinə mane olan başlı-
ca faktordur. Bir daha belə bir nəticəyə gəlindi ki, İrəvanın bu
mövqeyi danışıqlar prosesinin gedişatına mənfi təsir etməklə yana-
şı, yekun nəticənin əldə olunmasına mane olur.
Bütün bunların fonunda qeyd etmək olar ki, Azərbaycan özü-
nün ərazi bütövlüyünün təmin olunması yolunda olduqca prinsipial
fəaliyyət göstərməkdədir. Prezident İlham Əliyevin rəhbərliyi ilə
həyata keçirilən rasional və realist strateji kurs Dağlıq Qarabağ
münaqişəsinin beynəlxalq hüquq normalarına əsasən həll ediləcə-
yinə dair ümidləri son dərəcə artırıb. Şübhə yoxdur ki, işğalçı Er-
mənistanın təcavüzkar siyasəti əvvəl-axır özünə qarşı kəskin “bu-
meranq” zərbəsi endirəcəkdir. Nəticə etibarilə belə bir proqnoz
vermək olar ki, Azərbaycanın praqmatik diplomatiyasının və uğur-
421
lu siyasətinin fonunda mütləq mənada ölkəmizin ərazi bütövlüyü
bərpa ediləcəkdir.
Bundan başqa, Ermənistan-Azərbaycan, Dağlıq Qarabağ mü-
naqişəsinin mövcudluğu Cənubi Qafqaz bölgəsinin təhlükəsizlik
sisteminə də real təhdiddir. Belə ki, Dağlıq Qarabağ münaqişəsi nə
qədər ki ədalətli şəkildə həll edilməyib, regionda tam mənada sülh
və sabitlikdən bəhs etməyə dəyməz. Çünki ərazi iddialarının, təca-
vüz faktının və separatizmin mövcud olduğu məkan və şəraitdə
qarşılıqlı maraqlara söykənən əməkdaşlıq meyillərini reallaşdır-
maq qeyri-mümkündür. Onun üçün zərurətdir ki, BMT başda ol-
maqla öz fəaliyyətində sülh və sabitlik amilini fundamental prinsip
kimi qəbul edən dünyanın aparıcı təşkilatları münaqişənin ədalətli
qaydada həllinə xüsusi töhfələr versinlər, işğalçı dövlətə qarşı ef-
fektiv islahedici metodlardan istifadə etsinlər. Əks təqdirdə, Cənu-
bi Qafqaz yeni müharibələr və qarşıdurmalar meydanına çevrilə
bilər. Bu isə istər regional, istərsə də qlobal mənada heç bir dövlət
tərəfindən arzuolunan hal hesab edilmir. Separatizm və kəskin qar-
şıdurmaların fonunda ortaya çıxan 2008-ci ilin avqust hadisələri-
Rusiya-Gürcüstan müharibəsi deyilən fikri təsdiqləyən ən güclü
dəlillərdən biridir. Qısacası, bütün beynəlxalq sənədlərdə ən yük-
sək səviyyədə qəbul edilən dövlətlərin ərazi bütövlüyü prinsipinə
müvafiq qaydada Dağlıq Qarabağ probleminin həlli yönündə xüsu-
si və intensiv addımlar atılmalıdır.
Yekun olaraq qeyd etmək lazımdır ki, Ermənistan-Azərbaycan,
Dağlıq Qarabağ münaqişəsi həll edilməli və ölkəmizin ərazi bütöv-
lüyü təmin edilməlidir. Bu, Cənubi Qafqaz kimi önəmli bir məkan-
da siyasi-iqtisadi prosesləri, durumu və təhlükəsizlik balansını ta-
razlaşdırmaqla yanaşı, uzunmüddətli qarşılıqlı-faydalı əməkdaşlığa
əsaslanan tərəfdaşlıq münasibətlərinin də formalaşmasına və inki-
şafına təkan vermiş olacaq.
Dostları ilə paylaş: |