425
və nəticələr deyilənləri təsdiq edir. Digər tərəfdən, seçki prosesi,
reallaşdırılma vasitələri və demokratiklik səviyyəsi baxımından da
Azərbaycan olduqca yüksək səviyyədə qiymətləndirilir.
Bunlarla yanaşı, müstəqil Azərbaycan Respublikası həyata ke-
çirdiyi rasional və praqmatik xarici siyasət strategiyasının fonunda
müasir beynəlxalq münasibətlər sisteminin suveren aktoru kimi çı-
xış etməkdədir. Milli maraqlara və dəyərlərə müvafiq surətdə xari-
ci siyasət resurslarından səmərli şəkildə istifadə edilməsi Azərbay-
canın Cənubi Qafqazın ən güclü və nüfuzlu aktoruna, siyasi güc
mərkəzinə və iqtisadi lokomotivinə çevrilməsini şərtləndirməklə
yanaşı, ölkəmizin beynəlxalq münasibətlər sisteminin nüfuz və güc
iyerarxiyasında sürətlə irəliləməsini də təmin edib.
Beləliklə, bütün fəsil və paraqraflarda analitik tədqiqata cəlb
etdiyimiz kompleks məsələlərin və göstəricilərin fonunda gəlinən
qənaət ondan ibarətdir ki, milli maraqlara və dəyərlərə müvafiq su-
rətdə həyata keçirilən milli inkişaf strategiyası bütün sahələrdə
əhəmiyyətli nailiyyətlərin əldə edilməsini şərtləndirməklə yanaşı,
ölkəmizin perspektiv inkişaf konturlarını da müəyyənləşdirib. Nə-
ticə etibarilə, milli inkişaf strategiyasının əsasını qoyan Ulu öndər
Heydər Əliyevin politoloji irsini yaşadan və çağımızın aktual ça-
ğırışlarına müvafiq surətdə davam etdirən Prezident İlham Əliye-
vin praqmatik inkişaf strategiyası sayəsində əhəmiyyətli, tarixi
nailiyyətlər əldə edən Azərbaycan artıq postsovet ölkəsi kimi sə-
ciyyələndirilməməlidir.
Bir sözlə, Ulu öndər Heydər Əliyevin əsasını qoyduğu milli in-
kişaf strategiyasının Prezident İlham Əliyev tərəfindən müasir
dövrün aktual çağırışlarına, qanunauyğunluqlarına və reallıqlarına
uyğun surətdə davam etdirilməsi Azərbaycanı mütəmadi surətdə
inkişaf edən müasir məmləkətə çevirib. Nəticə etibarilə bütün bu
göstəricilər, reallıqlar və nailiyyətlər deməyə əsas verir ki, Azər-
baycan artıq postsovet ölkəsi deyil. Azərbaycan iqtisadi və siyasi
baxımdan tam müstəqil, demokratik, azad ölkədir. Bu, sözün əsl
mənasında tarixi nailiyyətdir.
426
İstifadə edilmiş terminlərin izahlı lüğəti
Absenteizm – müasir siyasi leksikonda siyasi təmsilçilikdən
və iştirakdan imtina etmək, yayınmaq mənasında işlədilir. Əsasən
siyasi mədəniyyyət elementlərinin zəif təşəkkül tapdığı, submədə-
niyyət komponentlərinin hökmran olduğu, siyasi sistemin struktur
elementlərinin natamam və qeyri-təkmil səciyyə daşıdığı cəmiy-
yətlərdə müşahidə edilir. Demokratik siyasi sistemin mövcud ol-
madığı, siyasi deviasiyaların hökm sürdüyü, siyasi hüquq və azad-
lıqların məhdudlaşdırıldığı cəmiyyətlərdə mütləq abseneizm möv-
cud olur. Absenteizm seçkilərə və siyasi proseslərə etinasızlıq, si-
yasi idarəetmədə təmsilçilik hüququndan imtina edilməsi kimi for-
malarda təzahür olunur.
Alternativ – özündə ehtiva etdiyi xüsusiyyətlər etibarilə bir-bi-
rindən fərqlənən iki seçim variantından birinə istinad edilməsidir.
Amoralist – cəmiyyətdə mənəvi-etik dəyərlərlə təsbit olunmuş
normalar və qaydalara zidd mövqe və davranış formasıdır.
Anarxizm – hakimiyyətin və hakimiyyət strukturlarının möv-
cud olmamasını, könüllü idarəetmənin təşəkkül tapmasını əsas tu-
tan radikal ideoloji baxışlar sistemi. Radikalizmin sol qanadının tə-
zahür formalarından və ideoloji xətlərindən biri olan anarxizm cə-
miyyətdə ümumi həmrəyliyə mənfi təsir edən, dağıdıcı meyillərə
səbəb olan, xaos və destabilliyin yaranmasına təkan verən sosial
bəla qismində çıxış edir. “Suveren milli dövlətlərin sıradan çıxma-
sı” və “ümumi normalarla təsbit edilmiş qanunların ləğv edilməsi”
prinsiplərindən çıxış edən anarxistlər sadalanan məqsədlərin həya-
ta keçirilməsi naminə inqilab etməyə və müxtəlif stratifikasiyalar
arasında antaqonizm yaratmağa cəhd edirlər. Onların ən çox istifa-
də və istinad etdiyi vasitə isə sui-qəsd metodudur. Peter Kropotkin,
Emman Goldman, Aleksandr Berkman, Pier-Cozef Prudon, Benja-
min Tuker, Uilyam Grin kimi anarxizm cərəyanının tərəfdarları da
etiraf edirlər ki, anarxistlərin təməl prinsipi "sərhədsizlik"dir və
onlar qanunların qəsdində durmağı təməl vəzifə hesab edirlər. On-
427
lar bildirirlər ki, ümumi normalarla təsbit edilmiş qanunlardan hər
bir fərd və cəmiyyət imtina etməlidir və dövlət onlar üçün başlıca
tənəzzül və təhlükə mənbəyidir.
Antaqonizm – barışmaz ziddiyyətlər. Antaqonizm anlayışı si-
yasi-hüquqi leksikonda mövcud olan ziddiyyətlərin ifrat forma ala-
raq dağıdıcı səciyyə daşıdığını ifadə etmək üçün işlədilməkdədir.
Antreprener sistem – elitanın seçilməsi sistemlərindən biridir.
Bəhs edilən sistem çərçivəsində elitanın seçilməsi məhz bu prin-
siplərə əsaslanır: cəmiyyətin bütün qrupları elitada təmsil olunmaq
imkanına malik olmasa da, bu hüququ malikdir; elitanın formalaş-
ması prosesində plüralist rəqabət şəraiti yaradılmalı və əsas götü-
rülməlidir; idarəetmə strukturlarına seçim kampaniyası müsabiqə
əsasında təşkil edilməli və seçim zamanı mənəvi keyfiyyətlər, təc-
rübi qabiliyyətlər və intellektual potensial əsas götürülməlidir; eli-
tanın seçimi zamanı inzibati maneələrə yol verilməməli və formal
tələblər aradan qaldırılmalıdır.
Aktiv seçki sistemi – seçkili dövlət orqanlarına seçmək hüqu-
qu. Aktiv seçki hüququnda “alternativlik” prinsipi xüsusi önəm
kəsb edir. Alternativlik dedikdə aktiv seçki hüququna malik olan-
lar – seçicilər seçkilər prosesində siyasi mübarizə aparan namizəd-
lərdən istədiklərinə səs verə və öz mövqelərini azad formada ifadə
edə bilməsi nəzərdə tutulur. Daha da dəqiqləşdirsək, siyasi plüra-
lizmin hökm sürdüyü cəmiyyətlərdə siyasi iştirakçılıq və aktivlik
yüksək səviyyədə olduğundan vətəndaşlar səsvermə prosesində
müxtəlif təmsilçilər arasında sərbəst seçim edə bilirlər.
Aktor – siyasi proseslərin iştirakçısı qismində çıxış edən, qə-
bul və icra etdiyi qərarlarla digər subyektlərin fəaliyyəti istiqaməti
və mexanizminə təsir edən aktiv subyekt(lər)dir.
Apolitik – siyasətə və siyasi proseslərə laqeyd və etinasız
münasibətlə ifadə olunan mövqedir. Siyasət nəzəriyyəsində çox
hallarda apolitiklik və absenteizm anlayışları sinonim ifadələr kimi
işlədilir.
Aristokratiya – özündə nəcib xüsusiyyətləri, zəngin intelle-
ktual potensialı və idarəetmə təcrübəsini cəmləşdirən idarəetmə sub-
Dostları ilə paylaş: |