27
I BEYNƏLXALQ HƏMZƏ NİGARİ SİMPOZİUMU | Amasiya
Bu tarixi muzeyə göz yetirə-yetirə Fateh Sultan Mehmetin at üstündə müzəffər
yürüşlərini xəyal edirəm. Fatehin bütün rəsmləri, ən önəmli şəkilləri ilə bir arada
lalə, qızılgül şəkli də yer almaqadı. Bu gül şəkli əslində elə bil Fatehin və zamanın
birgə, baş-başa kölgəsidi, tərk etmir onu. Eyni zamanda da bu gül şəkli eşqin, sev-
ginin, aşiqliyin rəmzi, simvoludur. Sultanın şəkli bərabərində gül rəsmi, eşq simvolu
var… Gözəlimiz Türkiyəyə, Osmanlı tarixinə olan eşqin simvolu. Bu gül daha çox
Amasiya ətri qoxuyur. Amasiyanın bir şəkli də həmin o lalə, qızılgül qismindədi.
Daha çox tarix ətri, qoxusu verir.
Qoxlayıb doymaq olmur ki!..
Amasiyanın musiqi dünyasından Muhzirbaşızadə Əli Əfəndinin oğlu Girifti-
zen Asim bəyin adı xüsusi ehtiramla keçir (1851-1929). Sonra gəlir İrfan Özbakir…
Bəstələri dil-dil ötməklə ölməz adını yaşadır.
Amasiya mədəniyyət abidələri sırasında xəttatlıq (hüsnüxət) sənətinin xüsusi
yeri var və bu tarixi sənət XV yüzillikdə Şeyx Həmdulla tərəfindən ən parlaq dövrü-
nü yaşamışdır. Hüsnüxəttin banilərindən olan Şeyx Həmdullah Amasiyada doğul-
muş, 1526-cı ildə İstanbulda vəfat etmişdir. Xətt sənətinin inkişaf etdirilməsində
Sultan II Bəyazidin xüsusi dəstəyini görmüşdür. Yazı onun əlində ən gözəl şəklini
almış, dekorativ bir sənət olaraq ən yüksək inkişaf məqamına çatmışdır.
Malazgirt zəfərindən sonra (1071-ci il) Herat. Xorasan və s. mədəniyyət
şəhərlərindən Anadoluya gələn elm və sənət adamlarının önəmli ismi Sivaş, Kon-
ya, Qayseri və Amasiyada məskunlaşmış, get-gedə Amasiya gözəl yazı, xəttatlıq
mərkəzinə çevrilmişdir. Bu sənətkarlar və elm adamları şahzadələr tərəfindən
yüksək diqqət görmüşlər. Xüsusilə Fateh dönəmində şahzadə II Bəyazidin Amasiya
valiliyi himayəsiylə fəaliyyət göstərən Amasiya məktəbi 13-cü yüzillikdə Yakutiyalı
Mustasimin parlamasına şərait yaratmış, 15-ci əsrdə öz yerini artıq bir məktəb kimi
qəbul olunan Şeyx Həmdullaha aid Türk xətt sənətinin inkişafına vermişdir.
Çağdaş zamanda xəttatlıq sənətini yaşadanların ən tanınmış simalarından biri
Mehmet Tektaşdır.
Amasiya mədəniyyətinin inkişaf tarixindən araşdırmaçı yazar Hüseyn Mençin
adı dərin hörmətlə keçməkdədir.
Bəzən bir fotoşəkil böyük bir tarix yaşamını özündə əbədi olaraq ehtiva edir,
mədəniyyət abidəsinə çevrilir. Sol tərəfdə Hüseyn Rauf bəy, ortada Mustafa Ka-
mal və sağ yanda Sami bəyin yer aldığı fotoşəkillər də Amasiya tarixindən eyni
fikir, münasibət ucalığıyla keçməkdədi. «Təsvir-i Əfkar» qəzetinin fotoqrafı Kənan
tərəfindən çəkildiyi bilinir.
Amasiyanın əl işi sənətini özündə ehtiva edən kilim toxuculuğu, erhani gümüş
işləmə sənəti öz incəliyi ilə göz oxşamaqdadı. Zərif usta əllərinin nəqşləndirdiyi çay
dəstgahı sırasında əntiq samovar, çaynik, padnos, qəndqabı kimi əşyaların qos-
qoca bir tarixi var. Eyni zamanda daş üzərindəki işləmələrin, naxış insan, heyvan,
göy cisimlərinin şəkillənmələrinin…
Amasiyanın tökmə qapıları öz orijinal ornamentlərilə tarixləşməkdədi. Eləcə də
pəncərə işləmələri. Təkcə Sultan II Bəyazid Camesinin pəncərə qapaqlarının na-
xış şəbəkəsinə nəzər yetirmək bəs edər ki, bu tarixi abidələrin dəyərini dərk edə
biləsən.
Amasiya mədəniyyəti tarixində möhtəşəm, çeşidli geyim nümunələri öz
bənzərsizliyilə diqqət çəkir. Xüsusilə qadıngeyimlərinin milli özünənməxsusluğu
bütün Türk şəkillənməsini özündə əks etdirir; naxışlı şalı, ədyalı, tuman-koftası, baş-
mağı, kəlağayısı, pullu başlıqları, yeməliləri ilə bir arada. Hələ bindallı geyim növü-
28
I BEYNƏLXALQ HƏMZƏ NİGARİ SİMPOZİUMU | Amasiya
nün, milli ornamentlərlə bəzənmiş əlbisələrin özəlliyi bir yana…
Təkcə fotoşəkillərinə göz yetirmək, nəzər salmaq bəs edər ki, Amasiya
mətbəxinin dadından, tamından, ətrindən doya biləsən. Amasiyanın paxlalı dolma-
sı, mantısı, toyuq şorbası, çörəyinin ətri, dadı-tamı da ki, bir özgə aləm…
Amasiyanın dadlı, gözəl ətirli, sulu alması adla deyilməkdədir. Təqribi çəkisi 90
qrama çatan Amasiya almalarının yetişdirilməsi üçün hazırda üç fərqli məkanda
mərhələli alma baxçaları salınmışdır. 2000-ci ildən etibarən hər il təqribən 7154
tona qədər məhsul əldə edildiyi qeyd olunmaqdadır.
Amasiya bamyası yeməklərin sultanı olaraq hazırlanmaqdadır. Bamya çeşidləri
arasında «Sultan bamyası» xüsusilə seçilir. Hətta İstanbulun Ox (Ok) meydanında
yer alan tarixi daşlar üzərində bamya fiqurları həkk edilmişdir.
Amasiya fiziki baxımdan çox güclü olan insanların var olduğu bir bölgədir. Mü-
asir güləşçilik tarixindən Adil Candəmirin, Hamit Kaplanın, Mahmut Demirin adı
xüsusi olaraq keçilməkdədir.
O ki, qaldı teatr sənətinin inkişafına, qeyd etmək lazımdır ki, Amasiyada
Cümhuriyyətin ilk illərində Albayraq İdman Yurdu tərəfdə teatr üçün ayrıca yer ay-
rılmışdır. Burada ilk olaraq «Asri izdivac» («Əsrin izdivacı») adlı bir komediya və
Ahmet Nuri bəyin «Cəza qapu» adlı üç pərdəli pyesi səhnəyə qoyulmuşdur. Daha
sonralar Xalq evi səhnəsində yeni əsərlər səhnələşdirilmişdir. 1963-cü ilə qədər qısa
fasilələrdən sonra bu sahəni inkişaf etdirmək məqsədilə Amasiyada Teatrqoruma
və Yaşatma dərnəyi yaradılmışdır.
Amasiya torpağından güc alan möhtəşəm, monumental ağaclar müasirliklə ta-
rixiliyin, qədimliyin baş-başa yaşadığı simvol kimidir. İlk olaraq nəzərimi Sultan II
Bəyazid Camesi həyətində hər iki minarənin qarşısında yer alan təqribən 5 əsrlik
zamanı qapsayan nəhəng çinarlar çəkir. İçləri ovulsa da belə, həyat durumunu hələ
də qayb etməyən bu çinarlar elə bil ki, dəfedilməz bir inadla rüzgarlara meydan
oxuyurlar.
Bu sıradan bir başqa örnək Çinar abidədi… Merzidson Qocra Mustafa Paşa
Camesinin həyətində yer almaqdadı. Eyni zamanda Yaşıl Yenicədə başqa bir tarixi
çinar ucalır. Ayrıca olaraq şəhər mərkəzindəki Ziyapaşa Bulvarı girişindəki Stansi-
ya Mərkəzində salınan Gülxanə ətrafında əkilən əzəmətli çinarlar bu silsilənin son
halqaları, davamı kimi ucalmaqdadırlar/
Ay dünya, gəl gedək, şəkil çəkdirək…
Çox sevdiyim bir şerin misrasıdı. Ömrün gəldi-gedərliyi kədərini içinə alıb.
Şəkillər vaxtın gerçək, dəyişməz üzüdü. Vaxtın, zamanın gerçək, dəyişməz, bir
olan üzünü şəkilləndirən, fotoya alan insanlara salam olsun! Bu, tarixə, əbədiyyətə
xidmətdi.
Miniatür Amasiya şəkillənməsinin önündə bütün bunları düşünməkdəyim.
Amasiya miniatür şəkillənməsi bu gözəl şəhərin 1915-ci ildə düçar olduğu böyük
yanğından öncəki görkəmini özündə əks etdirməkdədi. Necə var elə, olduğu kimi…
1914-cü ildə olduğu şəkildə! İlk göz önünə gələn 2300 binanın qutsal görünü-
dü. Bircə qapıları açılmır, pəncərələri döyülmür. 1000-ə qədər ağacın hər biri yenə
də tarixdən bizə əl etməkdədi. Bircə yarpaqlarının həzin titrəyişi yox! Yollar, küçələr
necə var eləcə qalıb, baxır gələninə, gedəninə həsrət. Bu möhtəşəm mini modeldə
Amasiya 125 milyon nöqtədən daranmış, əzəllər havadan və yerdən çəkilmiş foro-
şəkillərə, arxiv sənədlərinə istinad edilmişdir.