375
I BEYNƏLXALQ HƏMZƏ NİGARİ SİMPOZİUMU | Amasiya
li dilə və milli tarixə meyil göstərirdilər. Məsələn, İbrahim Şinasi və Ziya Paşa ilk
dəfə fars və ərəb dili ilə qarışıq türkcədən uzaq bir türkcədə şeirlər, mənzumələr
yazmaqla, dil və ədəbiyyatda türkçülüyün ilk cizgilərini ortaya qoymuşlar. Molye-
rin komediyalarını böyük ustalıqla türkcəyə tərcümə edən Əhməd Vefik Paşa isə
«Ləhceyi-Osmani» sözlüyündə şüurlu şəkildə türkçülüyə meyil etmiş, yalnız dildə
türkçlüklə kifayətlənməmiş, tarixdə türkçülüklə də uğraşmışdır (Gökalp, 1991, 26).
Sonuncu məsələ ilə bağlı daha çox maraqlanan Mustafa Cəlalədddin Paşa isə Qərb
mədəniyyəti tərzində yazmağa çalışdığı «Əski və yeni türklər» əsərində yalnız türk
tarixinə deyil, türk etimologiyası və siyasətinə də nəzər yetirmişdir (Akçuraoğlu,
2010, 43-48). Süleyman Paşa isə Cəlaləddin Paşadan da bir qədər qabağa gedərək
«Tarixi-Aləm»» kitabının girişində qeyd edirdi ki, indiyədək Avropada türk milləti,
türk tarixi, türk dili, türk mədəniyyəti və s. haqqında yazılanlar həqiqətdən uzaq
olmuşdur. Onun fikrincə, Osmanlı ölkəsində işlədilən «Osmanlı» deyimi yalnız
dövlətin adıdır, millətin adı və dili isə türkdür.
Azərbaycanda mədəni türkçülüyün meydana çıxması, Türkiyədə olduğu kimi
yeniləşmənin, maarifçiliyin və ilkin islama qayıtmanın təsiri altında XIX əsrin ikinci yarı-
sında başlamışdır. Fikrimizcə, XIX əsrdə A.A.Bakıxanov, M.Kazımbəy, M.F.Axundzadə,
H.Zərdabi və b. mədəni türkçülüyün Azərbaycanda ilk nümayəndələri olmuşlar.
Çar Rusiyasının Azərbaycan türklərinin soykökünü, dilini, mədəniyyətini, tarixini
saxtalaşdırmaq niyyətini ilk dəfə A.A.Bakıxanov anlamış və millətini gözləyən bö-
yük təhlükəni, yəni milli mənşəyin, dilin və mədəniyyətin assimilyasiya edilməsini
görərək «Gülüstani-İrəm» adlı milli ruhlu tarixi əsərini yazmışdır. O, açıq şəkildə
göstərir ki, yalnız «Tarix» vasitəsilə hər bir xalq etnoqrafiyasını, adət-ənənələrini,
milli xüsusiyyətlərini öyrənir və keçmişi haqqında məlumat əldə edir (Bakıxanov,
1951, 11). Azərbaycan xalqının milli oyanışında A.A.Bakıxanov millətin «Tarix»ini
yazmaqla bir yol, cığır açmışdırsa, eyni məqsədə xidmət edən işləri Mirzə Kazım
bəy Azərbaycan türk ədəbi dilinin, eyni zamanda ümumtürk tarixinin, fəlsəfəsinin
və s. tədqiqi sahəsində davam etdirmişdir. Mirzə Kazım bəy birinci növbədə Ru-
siyanın əsarəti altında yaşayan türk-tatarların, o cümlədən Azərbaycan türklərinin
şivəsini-«Azərbaycan ləhcəsi»ni tədqiq etmişdir.
M.F.Axundzadə isə türk dilində komediyalar yazmaqla Azərbaycan türklərinin
onlara məxsus dilinin formalaşması, bu dildə ədəbiyyatın yaranması, şagirdlərin
bu dildə təhsil alması haqqında və s. fikirləşmiş, başqa sözlə bu əsərlərində xalqı-
nı maarifləndirmək, tərbiyələndirmək, cəhalətdən xilas etmək, mədəni millətlər
səviyyəsinə qaldırmaq və bu kimi maarifçi niyyətlər güdmüşdür. Türkcə yazdığı ko-
mediyalar və povestindən sonra Axundzadənin yeni əlifba layihəsini ortaya atması
heç də təsadüfi deyildi, əksinə başladığı milli işlərinin davamı idi. Çünki Azərbaycan
türklərinə məxsus ədəbi türk dilinin forma-laşmasında və türk dilində ədəbiyyatın ya-
ranmasında fəal iştirak edən Axundzadənin bundan sonra, ərəb əlifbasında dəyişiklik
etmək fikrinə düşməsi, tamamilə məntiqə uyğundur. Bununla yanaşı, M.F.Axundzadə
ilk dəfə Qərb mədəniyyətinə-fəlsəfəsinə aid bir sıra anlayışları («liberalizm», «de-
mokratiya», «parlament» və s.) şərh etmiş, eyni zamanda Avropa dəyərlərinin islam
Şərqi ölkələrində də tətbiq olunmasının zəruriliyini gös-tərmişdir. M.F.Axundzadə
Azərbaycan türk millətinin ziyalıları arasında ilk dəfə «millət» sözünü fəlsəfi-ideoloji
mənada işlətmiş, milli kimliyi əks etdirən «millət»lə dini mənadakı «millət»-«ümmət»
anlayışlarını bir-birindən fərqləndirmişdir (Axundzadə, 2005, 128).
Ancaq M.F.Axundzadədən fərqli olaraq H.B.Zərdabi «millət» dedikdə, konkret
Qafqaz-Azərbaycan türklərini nəzərdə tutmuş, bununla da Azərbaycan türkçlü-
376
I BEYNƏLXALQ HƏMZƏ NİGARİ SİMPOZİUMU | Amasiya
yünün yaranmasında və inkişafında daha daha gerçəkçi olmuşdur. Ümumilikdə,
H.Zərdabinin Qafqaz müsəlmanlarının-türklərinin maariflənməsi, oyanışı və milli
birliyi uğrunda apardığı mübarizə iki başlıca amilə: 1) Azərbaycan türklərinin millət
kimi formalaşmasına, yəni siyasi-ideoloji mənada milli birliyin-millətin yaranma-
sına; 2) Qafqaz müsəlmanları arasında, başda türklər olmaqla milli birliyin yaran-
ması yolunda islamın müsbət rol oynaya bilməsi işinə xidmət etmişdir. Fikrimizcə,
bu iki məsələ - millətin formalaşması və milli birliyin yaranmasında islamın rolu
Zərdabinin yaradıcılığında vəhdət təşkil etmişdir. Bu mənada Zərdabinin «İs-
lam birliyi» - «İttihadi-islam» ideyası daha çox Azərbaycan xalqının, Azərbaycan
müsəlmanlarının timsalında mühüm əhəmiyyət kəsb etmişdir (Zərdabi, 2005, 315).
Zərdabi qeyd edir ki, müsəlman xalqların qərb millətlərindən geridə qalmasının
başlıca səbəblərindən biri də, onlardan fərqli olaraq milli birliyin, ittifaqın olmama-
sıdır (Zərdabi, 2005, 449).
XIX əsrin ikinci yarısında mədəni türkçülüyü canlı bir timsal kimi XX əsrin
əvvəllərinə daşıyan H.Zərdabi bu dövrdə nəşr olunan «Kaspi», «Həyat» və b.
qəzetlərdə dil birliyi, din birliyi, milli cəmiyyətin yaranması və s. milli-dini məsələlərlə
bağlı çıxış etmişdir. Zərdabi qeyd edirdi ki, hər bir millətin əsas dirəkləri, millət ol-
mağına səbəb dil və din-məzhəbdir. Bunlardan birisi əldən getsə millətin beli sınar,
ikisi də getsə millət başqa millətlərə qarışar və yox olar. Bu dövrdə Zərdabinin «din
birliyi» ilə yanaşı, «dil birliyi»ndən bəhs etməsi və bu məsələyə aid ayrıca məqalə
həsr etməsi artıq «ümmət»çilikdən «millət»ə bir keçid idi. Deməli, H.Zərdabi
Ə.Hüseynzadə, Ə.Ağaoğlu, M.Ə.Rəsulzadə və başqalarından öncə türkçü olmuş və
mədəni türkçülüyə xidmət etmişdir.
C-SIYASI-IDEOLOJI TÜRKÇÜLÜK
XX əsrin əvvəllərində, xüsusilə 1900-1910-cu illərdə türkçülük ikinci mərhələyə
- siyasi-ideoloji türkçülüyə qədəm qoymuşdu. Artıq XIX əsrin ikinci yarısından fərqli
olaraq, XX əsrin əvvəllərində türkçülüyün davaçıları bu ideya uğrunda Türkiyə,
Azərbaycanda, Krımda, Tatarıstanda, Orta Asiyada və b. türk ellərində, eləcə də
türk coğrafiyasından kənarda - Misirdə, Əfqanıstanda, Fransada və b. ölkələrdə
mübarizə aparır, onu bütün türklərin əsas ideyalarından biri kimi qəbul edirdilər.
Bu mənada siyasi-ideoloji türkçülük bütün türk xalqlarının siyasi birliyini, ən azı
mənəvi-ideoloji birliyini hədəfləmişdi.
XX əvvəllərində siyasi-ideoloji türkçülüyün ilk ideoloqu Quzey türklərindən
Yusif Akçuraoğlu olmuşdur. «Üç tərzi-siyasət» əsərində, siyasi türkçülüyün nəzəri
əsaslarını işləyib hazırlayan Y.Akçuraoğlu qeyd edirdi ki, irq üzərinə dayalı bir türk
siyasi milliyyəti meydana gətirmək fikri çox yenidir. «Nə olursa olsun, irqə dayalı bir
siyasi milliyyət icadı fikri meyvələrini verir» deyən Yusif bəy açıq şəkildə «Osmanlı
milləti» ideyasını rədd edir və əsas diqqəti türkçülüyə (türk birliyinə) və islamçılığa
(islam birliyinə) yönəldirdi. Bunlar arasında hansına üstünlük verilməsi məsələsində
müəyyən qədər tərəddüdlərinə baxmayaraq, Yusif bəy sonda belə qənaətə gəlir ki,
bir çox səbəblərdən türk dünyası, o cümlədən Osmanlı Türkiyəsi üçün də (xristian
dövlətlərinin islam birliyini istəməməsi, ancaq Rusiya əleyhinə türk birliyinə tərəfdar
olması və s.) islam birliyi ilə müqayisədə türk birliyi daha realdır (Akçuraoğlu, 2010,
192). O, bu zaman siyasi-ideoloji mənada «türk birliyi»ni ümumi şəkildə götürmüş,
bütün türk xalqlarının siyasi birliyindən bəhs etmişdi.
Azərbaycan türk mütəfəkkiri Əhməd Ağaoğlu da islamçılıqla yanaşı, siya-
si türkçülərdən hesab olunur. Belə ki, o, XX əsrin əvvəllərində Türkiyədə «Gənc