373
I BEYNƏLXALQ HƏMZƏ NİGARİ SİMPOZİUMU | Amasiya
ÜMUMTÜRK ƏDƏBI, FƏLSƏFI FIKRINDƏ TÜRKÇÜLÜYÜN
MAHIYYƏTI VƏ TƏKAMÜLÜ
Dr. Faiq Ələkbərov
*
Xülasə
Qədim dövrlərdən eyni tarixi, mədəniyyəti, soykökü, dili, dini inancları və s. payla-
şan Türkiyə, Azərbaycan, Krım, Quzey, Türküstan və b. türklərinin XIX əsrdən etibarən
türkçülük ideyasının yaranmasında, inkişafında və formalaşmasında bərabər iştirak
etmələri təbii bir proses olmuşdur. Coğrafi baxımdan böyük bir ərazidə məskunlaşmış
türklərin ortaq ideyalardan çıxış etməsinin ən başlıca amilləri kimi soykök, dil, din,
mədəniyyət birliyini və sairəni göstərə bilərik. Əslində bu ideya, hər hansı türk
elindən yaranmasından asılı olmayaraq vahid türk təfəkküründən, türk inancından,
türk düşüncə sistemindən və s. qaynaqlanmışdır.
Şübhəsiz, bütün bunların əsil tarixi-fəlsəfi mahiyyətini dərk etmək üçün, istər
Azərbaycanda, istərsə də Türkiyədə milli şüurumuza yeridilən və indinin özündə də
bu və ya digər formada yaşadılan saxtalaşdırılmış tarixlərdən, ədəbiyyatdan, qeyri-
milli ideyalardan deyil, vahid bir millətin min illiklər boyu qoruyub saxladığı və ya-
şatdığı milli tarixdən, milli fəlsəfi fikirdən, milli ədəbiyyatdan, milli ideyalardan çıxış
etməliyik. Çünki vahid türk fəlsəfəsini, türk tarixini, türk dini-fəlsəfi düşüncə sistemi-
ni, türk ədəbiyyatını və s. mənimsəmədən, onun tarixi-fəlsəfi mahiyyətinə varmadan
heç vaxt türkçülüyün bütün türklər üçün hansı əhəmiyyət kəsb etməsini də, dərk edə
bilmərik.
Türkiyə, Azərbaycan və başqa türk ellərindəki türkçülük ideyası istər XIX əsrdə,
istərsə də XX əsrin əvvəllərində, əsasən eyni mahiyyət daşımış, dövrün çağdaş
tələbləri ilə uzlaşmağı da nəzərə almaqla inkişaf etmişdir. Bu baxımdan həmin
dövrdə Türkiyə, Azərbaycan və b. türk ellərində yaşayan aydınlardan İ.Şinasi, Ə.Vefik,
Ə.Cevdət, A.A.Bakıxanov, M.F.Axundzadə, H.Zərdabi, H.Nigari, Ş.C.Əfqani, İ.Qaspıralı,
H.Tunalı, Ə.Hüseynzadə, Ə.Ağaoğlu, Z.Gökalp, Ə.Topçubaşov, Y.Akçuraoğlu,
N.Yusifbəyli, M.Ə.Rəsulzadə, M.Kamal Atatürk və b. islamçılıq və türkçülük uğrunda
mübarizə aparmışlar.
Ümumilikdə, türkçülük üç mərhələdən: 1) mədəni türkçülük (dil, tarix, ədəbiyyat
və s. sahələrdə türkçülük); 2) siyasi-ideoloji türkçülük (türk birliyi, turan birliyi və s.);
3) milli-etnik türkçülük (Türkiyə türkçülüyü, Azərbaycan türkçülüyü, Krım türkçülüyü,
Türküstan türkçülüyü və s.) keçmişdir.
THE ESSENCE OF TURKISM IN COMMON-TURKISH
LITERARY AND PHILOSOPHICAL SENSE
Abstract
The essence and occuring of Turkism in common-turkish literary and philosop-
hical sense had studied in this article. The Turkism had occured as a common idea
on basis language, culture and family-roots of turks settled in large geographical
* AMEA Fəlsəfə, Sosiologiya və Hüquq İnstitutu böyük elmi işcisi
374
I BEYNƏLXALQ HƏMZƏ NİGARİ SİMPOZİUMU | Amasiya
area (Turkustan, Ural-Altay, Kcrim-Gazan, Caucasian-Azerbaijan, Anadolu and etc.)
In other words this idea had formated from common turkish thought and system of
turkish thinking. In generally turkism had passed three stage: 1 cultural turkism (lan-
guage, literature, history) 2. political-ideologiacal Turkism (Turk uniti,Turan unity) 3.
National-etnik or relistic Turkism (Turkism in Turkey, Turkism in Azerbaijan, Turkism
in Turkustan)
Cultural turkism had apperaed separatly in other turkish countries in its first
period but although to this it had aim general turkish culture and literary. But late
representatives of political-ideological turkism had fighted for Turk uniti and Turan
unity. In second stage national-etnik turkism could pass from utopian turk unity to
real national turkish states and had been founded independedd turkish states as
Turkey (Turkey turkism) and Azerbaijan (Azerbaijan turkism).
A-GIRIŞ
Qədim dövrlərdən eyni tarixi, mədəniyyəti, soykökü, dili, dini inancları və s. pay-
laşan Türkiyə, Azərbaycan, Krım, Quzey, Türküstan və b. türklərinin XIX əsrin ikinci
yarısından etibarən türkçülük ideyasının yaranmasında, inkişafında və formalaşma-
sında bərabər iştirak etmələri təbii bir proses olmuşdur. Coğrafi baxımdan böyük
bir ərazidə (Türküstan, Ural-Altay, Krım-Qazan, Qafqaz-Azərbaycan, Anadolu və b.)
məskunlaşmış türklərin ortaq ideyalardan çıxış etməsinin ən başlıca amilləri kimi
soykök, dil, mədəniyyət, bir sözlə türk birliyini, o cümlədən böyük əksəriyyətinin
inam gətirdyiyi islamı göstərə bilərik. Əslində bu ideyalar, hər hansı türk elindən
yaranmasından asılı olmayaraq vahid türk təfəkküründən, türk inancından, türk
düşüncə sistemindən və s. qaynaqlanmışdır.
Qeyd edək ki, bütövlükdə türkçülük üç mərhələdən: 1) mədəni türkçülük (dil,
ədəbiyyat, tarix və s. sahələrdə türkçülük); 2) siyasi-ideoloji türkçülük (Türk bir-
liyi, Turan birliyi və s.); 3) milli-etnik, yaxud realist türkçülük (Türkiyə türkçülüyü,
Azərbaycan türkçülüyü, Türküstan türkçülüyü və s.) keçmişdir.
Türkçülüyün yaranmasına başlıca səbəb XVIII əsrdən başlayaraq müsəlman
dövlətlərinin, o cümlədən Osmanlı və Səfəvilər kimi türk imperiyalarının Avropa
dövlətləri ilə müqayisədə elm və təhsil, texnoloji və başqa sahələrdə geri qalması,
get-gedə tənəzzülə uğraması idi. 19-cu əsrdən etibarən türk ziyalıları bundan çı-
xış yolu axtarmağa başlamış və belə nəticəyə gəlmişlər ki, tənəzzüldən qurtulmaq
üçün yalnız Avropa mədəniyyətini, texnologiyasını təqlid və s. yetərli ola bilməz.
Bu baxımdan, onlar bir millət üçün vacib olan soykök, dil, mədəniyyət, tarix və s.
məsələləri tədqiq etməyə başlamış, bununla da türkçülüyün ibtidasını, yəni mədəni
türkçülüyün əsasını qoymuşlar. Mədəni türkçülük ilk dövrlərdə, bütün türk coğ-
rafiyasında bir-birindən xəbərsiz şəkildə yaransa da, çox keçmədən ümumtürk
mədəniyyətini, ədəbiyyatını, dilini və s. hədəfləmişdi. Beləliklə, ilk öncə türk coğra-
fiyasını özündə əhatə edən mədəni türkçülük – «Türk birliyi», hətta «Turan birliyi»
meydana çıxmışdı.
B-MƏDƏNI TÜRKÇÜLÜK
Mədəni türkçülük XIX əsrin ikinci yarısından başlayaraq, eyni vaxtda Türkiyə,
Azərbaycan və başqa türk ellərində yaranmışdı. Həmin dövrdə Osmanlı İmperi-
yası türklərin çoxluq təşkil etdiyi və hakim millət olduğu bir dövlət olduğu üçün,
mədəni türkçülüyün əsas oyanış mərkəzlərindən biri olmuşdu. İlk dönəmlərdə
türkçülər Avropa mədəniyyətinin təsiri altında daha çox milli mədəniyyətdə, mil-